Quorte
Quorte isch e Gmeind vom Kanton Sanggale.
| Quarten | |
|---|---|
 | |
| Basisdate | |
| Staat: | Schwiiz |
| Kanton: | St. Galle (SG) |
| Wahlchrais: | Sarganserland |
| BFS-Nr.: | 3295 |
| Poschtleitzahl: | 8877 Murg 8878 Quinten 8882 Unterterzen 8883 Quarten 8884 Oberterzen 8885 Mols |
| Koordinate: | 736233 / 218113 |
| Höchi: | 548 m ü. M. |
| Flächi: | 61.90 km² |
| Iiwohner: | 3000 (31. Dezämber 2022)[1] |
| Website: | www.quarten.ch |
| Charte | |
 | |
Geografy ändere
D Gmeind lyt im sanggallische Wahlchreis Sargaaserland.
Zu dr Gmeind Quorte ghöre d Dörfer Oberterze, Unterterze, Quorte, Quinte, Mols, Murg und Tannebodenalp. Mid Usnaam vo Quinte liget die alli am südlechen Ufer vom Waalesee. Uf Quinte cha mer nume z Fuess oder mit em Schiff goo.
Bi Murg chunt s Murgtaal vo Süüde an See abe, wo wyt obe bi de Murgseeè afoot.
D Tannebodenalp lyt bim Feriegebiet vo de Flumserbärge. A dr Kantonsstrooss und bim Baanhof vo Underterze isch d Taalstazioon vo dr Säilbaan uf Oberterze, und vo doo us en zweiti Sekzioon mit ere Säilbaan uf d Tannebodenalp. Obedra lyt dr weschtlech Deil vom Schyareal vo d Flumserbärge mit dr Bärgstazioon ufem Maschgechamm im Gmeindbann vo Quorte. S ganze Wintrsportgebiet wird vo de ”Bärgbaane Flumserbärg“ betriibe.[2]
Gschicht ändere
Mols isch im ene Dokumänt vo ane 1178 s erschte Mol erwäänt. Murg chunt scho inere Kwelle vo ayne 1045 vor.
Sid ane 1986 goot d Autobaan A 3 em Walesee noo bi Quorte verby. Wil d Bärglandschaft bis zum See abe so stotzig isch, het me d Autobaan elei uf em Gmeindgebiet vo Quorte dur föif Dunnel müesse füere. D Ysebaanlinie vo Züri uf Chur, wo ane 1859 fertig bout gsi isch, lyt i dem Abschnidd fasch ganz am Seeufer. Es het do grad drüü Stazioone: die vo Murg, die vo Underterze und die vo Mols.
Weblink ändere
Commons: Quarten – Sammlig vo Multimediadateie- Website vo dr Gmeind Quarten
- Website vo dr Ortsgmeind Murg
- Paul Gubser: Quarten. In: Historisches Lexikon vo dr Schwiiz.
- Paul Gubser: Mols. In: Historisches Lexikon vo dr Schwiiz.
- Paul Gubser: Murg. In: Historisches Lexikon vo dr Schwiiz.
- Paul Gubser: Quinten. In: Historisches Lexikon vo dr Schwiiz.
Fuessnoote ändere
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Flumserbärg
