Rainer Fribolin

Dr Rainer Fribolin (* 1956) isch e dytsche Lehrer un Autor.

Lääbe

Dr Fribolin isch z Haltige ufgwagse. Noch em Abitur am Kant-Gimnasium z Wyyl am Rhy het er an dr Uniwersitet Fryburg Romanischtik un Germanischtik studiert. Är isch in d Schwyz un het z Züri s Gimasiallehrerdiplom gmacht. An dr Uniwersitet Züri het er bim Peter von Matt promowiert iber „Franz Innerhofer und Josef Winkler. Die moderne bäuerliche Kindheitsautobiographik vor dem Hintergrund ihrer Tradition vom 16. bis zum 20. Jahrhundert“. Syter anne 1983 het er mit syre Schwyzer Frau z Züri gläbt. Mit ire het er zwoo Dechtere. Är het as Beruefsschuellehrer am Gwärbli-induschtriälle Bildigszäntrum z Zuug gschafft. No syre Pensionierig anne 2019 isch er retuur gange uf Dytschland un wohnt syterhär mit syre zwoote Frau im Chandermer Ortsdail Wollbach-Egisholz.

Dr Fribolin het si scho ase jung fir Lieder vu Liedermacher un Singer-Songwriter inträssiert. Mit 16 Johr het er sy erscht aige Lied zue dr Gitarre gschribe. Anne 2021 het er bim alemannische Dialäktwettbewärb Alemannisch läbt! mit „das machsch du“ dr dritt Blatz in dr Kategory Lyrik gwunne.

Wärch

• Franz Innerhofer und Josef Winkler. Die moderne bäuerliche Kindheitsautobiographik vor dem Hintergrund ihrer Tradition vom 16. bis zum 20. Jahrhundert. Peter Lang International Academic Publishers, Zürich 1989 (Zürcher Germanistische Studien 14). 259 S.

Literatur

• Zur Person Rainer Fribolin. In: Alemannisch dunkt üs guet 1/2021: S. 32 (Online)