Schang Hutter
Dr Jean Albert «Schang» Hutter (* 11. Augschte 1934 z Soledurn; † 14. Juni 2021 z Soledurn) isch en Schwyzer Bildhauer gsii.
Lääbe
ändere
Vu 1950 bis 1954 het dr Hutter e Lehr gmacht im Staimetzbedrib vu syne Eltere un isch näbehär uf d Chunschtgwärbschuel z Bärn gange. Anne 1954 isch er uf Minche zoge un het dert u. a. bim Charles Crodel un Josef Henselmann bis 1961 an dr Akademy vu dr Bildende Chinscht studiert. Anne 1961 isch er in Kanton Soledurn retuurchuu, wun er in dr Hauptsach z Chüttigkofe gläbt het. 1969/70 isch er z Warschau gsii. Ab 1978 isch er dr erscht Bresidänt vu dr gaschtronomische Gnosseschaft Baseldor gsii.
Vu 1982 bis 1985 het er z Hamburg gläbt un vu 1985 bis 1987 z Berlin. Dodruf isch er ins soledurnisch Hessigkofe zoge. Zäme mit dr Bärner Achitäkt Ueli Schweizer un Walter Hunziker un em Bärner Landschaftsarchitäkt Franz Vogel het er d Uuswytig vum Fridhof Bümpliz gstaltet, wu 1994 fertig woren isch.
Am 28. Februar 1998 het dr Hutter im Rame vun eme Skulpturewäg zum 200. Jubiläum vu dr Helvetik vor em Bundeshuus z Bärn sy Yyseplaschtik Shoah ufgstellt. Wel er des drei Meter näb em urspringli veryybarte Standort gmacht het, isch si in ere Nacht-un-Nebel-Aktion am 4. Merz 1998 vu dr Freiheits-Bartei vu dr Schwyz abtransportiert un vor d Wärchstatt vum Chinschtler brocht wore, dodruf het s e heftigi effetligi Debatte aagfange. D Skulptur isch derno z Züri, z Basel, z Aarau, z Soledurn un z Glaris uusgstellt wore un stoht hite z Langete.
Ab 1999 het dr Hutter z Genua gläbt, mit sporadischem Wohnsitz im schwyzerische Däredinge. Permanänt uusgstellt sin syni Wärch in ere alte Fabrikhalle z Huttwil un uf em eme Fabrikareals z Langenthal BE. 2005 sin in dr Chunschtrevue Trou[1] bis dert nit vereffetligti Arbete vum Schang Hutter un sy Täxt «Shoah II» uf dytsch un uf franzesisch.
Zum 80. Gebursdag vum Hutter het d Ute Winselmann Adatte im Tramdepot Burgernziel z Bärn vum 10. Augschte bis 10. Novämber 2014 e großi Jubiläumsuusstellig organisiert un kuratiert.[2] Uf 5000 qm sin 800 karakteristischi Wärch us dr vergangene 60 Johr zaigt wore. Glychzytig isch e umfangrychi Monografy zue Läbe un Wärch erschine, Schang Hutter: Der Verletzlichkeit Raum geben vum Hanspeter Gschwend.
Mitti Juni 2021 isch dr Schang Hutter im Alter vu 86 Johr gstorbe.[3][4]
Uusgläseni Wärch
ändere
- Kościuszko-Dänkmol z Soledurn, 1967
- Vertschaupet II, Skulpturepark Magdeburg, 1979/80
- Shoah, Langete[5]
- Figuretanz, Beusselbrücke Berlin[6]
Literatur
ändere- Hanspeter Gschwend: Schang Hutter: Der Verletzlichkeit Raum geben, Till Schaap, Bern 2014, ISBN 978-3-03828-021-7
Weblink
ändere
Commons: Schang Hutter – Sammlig vo Multimediadateie- Homepage vum Schang Hutter
- Zur Plastik Shoah: Der Skulpturenweg vom Grauholz bis zum Bundeshaus (Memento vom 24. Juni 2016 im Internet Archive)
- Hutter, Schang. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
Fueßnote
ändere- ↑ Trou Nr. 15, Association Trou revue d'art, Moutier
- ↑ http://www.hutter2014.ch/
- ↑ Solothurner Künstler Schang Hutter ist gestorben. In: srf.ch. 17. Juni 2021, abgruefen am 17. Juni 2021.
- ↑ Der Solothurner Bildhauer Schang Hutter ist gestorben. In: nzz.ch. 17. Juni 2021, abgruefen am 17. Juni 2021.
- ↑ Der Skulpturenweg vom Grauholz bis zum Bundeshaus. Archiviert vom Original am 24. Juni 2016. Abgrüeft am 5. September 2017.
- ↑ Denkmäler im Bezirk Mitte – Figurentanz (Memento vom 5. Septämber 2017 im Internet Archive) auf den Seiten der Stadt Berlin, abgerufen am 5. September 2017
|
Dä Artikel basiert uff ere fräie Übersetzig vu dere Version vum Artikel „Schang_Hutter“ vu de dütsche Wikipedia. E Liste vu de Autore un Versione isch do z finde. |