s Schwiizerische Sozialarchyv

s Huus vom Schwiizerische Sozialarchyv z Züri

S Schwiizerische Sozialarchyv isch es Archyv z Züri.

Es isch ane 1906 gründet worde, und es tuet Schriften und Dokumäntazioone zu politische, soziaale und kulturelle Sache samle. Es het vo vilnen Organisazioone und soziaale Bewegige i dr ganze Schwiiz iri Archyv überchoo so wie öppe vom Grütliverein und vom WWF Schwiiz und vo Amnesty International Schwiiz, und es hüetet d Nachläss vo mee weder hundert Persoone (zum Bischpiil dèè vom Zürcher Walter Renschler, wo dr Presidänt vom Schwiizerische Gwärkschaftsbund gsi isch).

D Samlig vom Schwiizerische Sozialarchyv gältet als Kulturguet mit nazionaler Bedüütig vo dr Schwiiz.

Im Sozialarchyv hät’s au e Fachbiblioteek.

Bedüütendi Theeme, wo s Archyv dokumäntiert, sind öppe: d Arbet, d Arbeiterbewegig, d Gschicht vo de Gwärkschafte, dr Sozialismus, d Verhältnis vo de Gschlächter, d Migrazioon, d Sozialpolitik, soziali Bewegige, d Umwältbewegig und d Fridensbewegig.

Underpraacht isch s Sozialarchyv im Huus zum Sunehof a dr Stadelhoferstraass. Poue worde isch es vom Bürgermeischter und Wulltuechundernämer Salemaa Hirzel (1580–1652), und spööteri Bsitzer händ wyter dra umepoue und s wyter verschöneret. Vo usse isch es – tipisch für Züri – rächt nüechter, aber drin häts wunderschööni Rüüm im Barock, Rococo, Klassizismus und Second Empire. Wils hett sele i de 1960er-Jaar abgrisse wärde, ghöörts sit 1976 de Stadt.

LiteraturBearbeite

  • Jacqueline Häusler: 100 Jahre soziales Wissen. Schweizerisches Sozialarchiv, 1906-2006. Züri 2006.

WeblinkBearbeite

  Commons: Schweizerisches Sozialarchiv – Sammlig vo Multimediadateie