De Walter Renschler (* 20. April 1932 z Züri; † 17. Juli 2006 z Zollike) isch en Schwiizer Gwerkschaftler und sozialdemokratische Politiker gsii.

De Walter Renschler isch 1932 als Sohn vomene Fabrikarbeiter ufd Welt choo. Siis Schtudium i dr Nationalökonomie hät ihn a d Universitäte in London und Züri gfüehrt. Dr promovierti Volkswirtschafter isch 20 Jahr lang Mitglied im Nationalrat vo dr Schwiiz gsii, wo er 1967 als jüngschts Mitglied ine gwählt worde isch. Er isch als Politiker mit de Schwerpunkte Entwickligs- und die Ussepolitik wesentliche Wegbereiter zum Entwickligshilfegsetz von 1976 gsii. Vo 1974 bis 1994 isch er gschäftsleitende Sekretär vom Verband vom Personal vo de öffentliche Dienscht (VPOD), vo 1990 bis 1994 Präsident vom Schwiizerische Gwerkschaftsbund (SP) gsii. Siini Aktivitäte i dr Ussepolitik händ massgeblich dezue biitreit, dass sich d Schwiiz gegeüber dr Europäische Union göffnet hät. Zu dem hät au siis Engagement als Zentralpräsident vo dr Europa-Union Schwiiz i de Jahre 1968 bis 1972 und siis Würke im Europarat 1970 bis 1977 biitreit. Gmeinsam mit siine Kollege Andreas Gerwig, Lilian Uchtenhagen und Helmut Hubacher hät er i de 1970/1980er Jahre di politischi Richtig i dr Sozialdemokratie vorgää, was ihne d Bezeichnig "Viererbande" einbracht hät.

De Walter Renschler isch am 17. Juli 2006 im Alter vo 74 Jahre nach langer Chrankheit gschtorbe.

Weblink ändere