Wältstedt sind grossi Stedt, wo nach em Konsäns vo de Geograafen und Ökonoome en psunderi internazionali Bedüütig händ.

Es sind Stedt, wo nid nume als Grossstedt e grossi Bevölkerig drinn läpt und wo für ne Wältregioon als “Metropole” zäntrali Funkzioone biete, sondern wo drüber use im Sischteem vo allne Stedt uf der Wält politisch, wirtschaftlich oder kulturell wichtig sind.

Historisch gseh sind wichtigi politische Wältstedt öppe gsi: Alexandria, Rom, Madrid, Konstantinopel, London, Berlin, Moskau, Lissabon und Wien.

Hütt ghöre zu de Weltstedt es paar psunders wichtigi Hauptstedt so wie öppe Washington, Paris, Berlin, Moskau, Tokio und Peking.

Anderi Stedt sind grad au drum wältwyt wichtig, wil dört bedüütendi internazionali Organisazioone oder Instituzioone ire Sitz händ so wie z Nöi York und z Gämf d UNO, z Brüssel die Europäischi Kommission und d NATO.

Vil Stedt sind psunders für d Wältwirtschaft so wichtig, ass me se wäge däre Funkzioon zu de Wältstedt tuet rächne. Bischpiil sind Hongkong, Singapur, Seoul, Frankfurt am Main, Mailand und Züri.

Weblink ändere

  Commons: Wältstadt – Album mit Multimediadateie