Alemannische Wikipedia

Academia Christiana

Dialäkt: Mìlhüüserdiitsch

Academia Christiana LL-Q150 (fra)-Mathieu Kappler-Academia Christiana.wav (info) ìsch a frànzeescha idäntitäära un tràdizionàlìschta kàthoolischa Orgànisàzioon, wo ànna 2013 vum Julien Langella grìnda worra-n-ìsch. Bii dr Summerversàmmlung vun Academia Christiana kumma Vertratter vu mehrera rachtsextreema Beweegunga. Ìhr Sìtz ìsch ìm Viartel Val-de-Grâce z’ Pàriis.

Gschìcht un Ideologii

ändere

Academia Christiana ìsch ànna 2013 vum Julien Langella grìnda worra, nooh da Demonstràzioona „La Manif pour tous“ geega d’ Homo-Eeha — dr Langella hàt vorhaar d’ Idäntitäära Beweegung grìnda ghàà.[1][2][3] Sa wìrd vu dr Priaschterbriaderschàft St. Petrus beträijt.[4][5]

Academia Christiana gheert züa dr tràdizionàlìschta un identitäära Beweegung.[6][2][7] Sa befäärdert a „Drìtter Waag“ zwìschem „liberààla Globàlìschmus un dr marxischta-n-Alterglobàlisiarung“.[2][3][7] Sa schtällt sìch geega-n-Iiwànderung,[8][9] Islàm un politischa-n-Umwaltschutz.[10] Ìn dr offiziälla Biacherlischta vu dr Orgànisazioon sìnn mehrera àntijìddischa Biacher z’ fìnda — zem Biischpììl dia vum Jacques Ploncard d’Assac, vum Henri Delassus un vum Pierre Hillard.[11][12] D’ Orgànisàzioon schtällt sìch àui geega fräiwìlliga Schwàngerschàftsàbbruch un hàt àn mehrera Demonschtràzioona geega-n-Àbtriiwung mìtgmàcht.[12] Dr Grìnder Julien Langella wìll a Revoluzioon fiahra, fìr „a politischa Màcht ohna Wàhl“ uffschtälla. Domìt wìll’r a „Ruckwànderungspolitik“ fiahra.[11] D’ Zittung L’Opinion bezaichent d’ Orgànisàzioon àls „reàkzionäär“, un d’ Lìnksmeedia StreetPress bschribbt sìe àls „nàzionààl-kàthoolisch“.[13]

Ànna 2018 hàt d’ Orgànisàzioon ìm Robert Ménard sii Uffrüaf fìr d’ Unioon vu da Rachta unterschrììwa.[1] Bii dr Presidantswàhl vu 2022 hàt Academia Christiana dr rachtsextreema Kàndidààt Éric Zemmour unterschtìtzt.[10]

Summerversàmmlunga

ändere

D’ Zittung L’Opinion bezaichent Academia Christiana àls a „Dankfàwrìk“. Jeedsjoohr fìndet a Summerversàmmlung vun Academia Christiana schtàtt, mìt Kumferanza, Kràftschport (drunter Muay Thai) un tridentiinischa Massa.[1][8][14]

Bii da Summerversàmmlunga waara Vertratter vu verschììdana frànzeescha rachtsextreema Beweegunga-n-iiglààda — doo ààna kumma zem Biischpììl kàthoolischa Nàzionàlìschta, Nàzionààlrevoluzionäära, Näifàschìschta un Identitäära.[14][15] Noh-n-em Histooriker Nicolas Lebourg düan maischta Tailnammer vor àllem ìwwer „Volksschtàmm“ reeda.[14] Ìn da Àuiga vum Politikwìssaschàftler Jean-Yes Camus ìsch Academia Christiana a „kültüräll Ghetto, wo wia-n-a Schplìttergruppa-n-üsssììht“.[1]

Ànna 2019 ìsch d’ Politikera Marion Maréchal uff d’ Summerversàmmlung vun Academia Christiana iiglààda worra.[2] Sa ìsch jedoch nìt kumma, dänn siina Räät hann sìe ämpfoohla, nìt bii’ra „anti-Soros un anti-LGBT“ Versàmmlung mìtz’màcha.[16][7]

d’ Mìtglììder

ändere

Dr Grìnder vun Academia Christiana, Julien Langella, ìsch àui Grìnder gsìì vu dr Àbtailung vu da Identitäära Jugend z’ Aix-en-Provence ìm Süüdfrànkrììch. Ar ìsch schpeeter Mìtglììd ìn dr Identitäära Beweegung gsìì. Ar ìsch àui friahjer Àktìwìscht ìn dr keenigsträija Orgànisàzioon Action française gsìì. S’ Verlààgshüüs Golias bschribbt’na àls a „Ààbeeter vum Benito Mussolini“.[1][10][16] Noch hìtt ìsch dr Langella Co-Vorsìtzender vu dr Orgànisàzioon,[4] zamma mìt’m Filosofiiprofasser Victor Aubert, wo àm Ìnschtitüüt Croix des Ventes z’ Sées ìn dr Normàndii lehrt[8][9] — dàs schuulischa-n-Ìnschtitüüt wìrd vu dr Petrusbriaderschàft glaita.[17]

S’ Mìtglììd Louis de Caqueray-Valménier ìsch a Gwählt vum Rassemblement National z’ Le Mans ìm Wäschtfrànkrììch.[1] Mehrera Mìtglììder gheera-n-àui zär rachtsextreema kàthoolischa Beweegung Civitas.[10] Ainiga waara-n-àui vu da Schtààtsbeheerda-n-àls „Gefäährder“ beobàchta.[8][9]

Üffleesungsverfààhra dur d’ frànzeescha Regiarung

ändere

Àm 10. Dezamber 2023 hàt dr Ìnnaminìschter Gérald Darmanin geega-n-ìwwer dr Media Brut gsajt, àss’r „ìn da naachschta Wucha“ ìm Mìnschterroot a Üffleesungsverfààhra geega-n-ìwwer Academia Christiana wurd iifiahra.[18] Noh hàt Academia Christiana vu mehrera rachtsextreema Pärseenlikaita unterschtìtzt worra, drunter vum Éric Zemmour.[17] D’ Orgànisàzioon wìrd „dàs unsìnniga Verfààhra“ vor’m Schtààtsroot ààgfachta.[19] Àm 12. Dezamber hàt Academia Christiana geega dr Gérald Darmanin a Klààg waaga Verlöimdung iiglaita, dänn dr Minìschter hàt àm Vortààg gsajt, àss d’ Orgànisàzioon „siina groossa Unterschtìtztung züa dr Kollàboràzioon vum Màrschàll Pétain“ zaigt hàt.[20]

a pààr Bìlder

ändere

Àlla Bìlder sìnn bii da Summerversàmmlunga vun Academia Christiana gnumma worra.

  •  
    dr Pàter de Nedde (FSSP) bii’ma Füassbàllschpììl ànna 2015
  •  
    a tridentiinischa Mass ànna 2016
  •  
    dr Schwiizer Àuitoor Slobodan Despot bii’ra Kumferanz ànna 2016
  •  
    a Kumferanz vum Schurnàlìscht un Àktìwìscht Sébastien de Kerrero ànna 2017
  •  
    dr Pàter Louis-Marie de Blignères ànna 2018
  •  
    a Kumferanz vum Rachtswìssaschàftler Thibault Mercier ànna 2019
  •  
    mìttelàlterliger Kàmpfschport (béhourd uff Frànzeesch) ànna 2019
  •  
    mìttelàlterliger Kàmpfschport ànna 2019
  •  
    keeniglig-kàthoolischa Fààhna vor’ma Schtàtüütla vum hl. Josef mìt Jesüskìnd
  •  
    dr Jean-Yves Houssemaine, Bìrgermaischter vu Sées (Département Orne) ànna 2019
  •  
    a Kumferanz vum Houssemaine
  •  
    a Kumferanz vum Pàter de Blignères ànna 2019
  •  
    dr Viktor Ober biim Kàmpfschport ànna 2019

Lìteràtüür

ändere
  • Victor Aubert (Hrsg.): Academia Christiana : une aventure catholique et enracinée. La Nouvelle Librairie, Pàriis 2023, ISBN 978-2-493-89880-7 (französisch, 224 S.).

Weblìnks

ändere
  Commons: Academia Christiana – Sammlig vo Multimediadateie

Ainzelnoohwiisa

ändere
  1. ↑ 1,0 1,1 1,2 1,3 1,4 1,5 Ivanne Trippenbach: Marion Maréchal, star d’une université d’été catholique traditionaliste. In: L’Opinion. 4. Juli 2019, abgruefen am 14. Dezember 2023 (französisch).
  2. ↑ 2,0 2,1 2,2 2,3 Paul Guyonnet: Marion Maréchal sera à l'université d'été d'un mouvement catholique identitaire. In: Le HuffPost. 4. Juli 2019, abgruefen am 14. Dezember 2023 (französisch).
  3. ↑ 3,0 3,1 Tristan Berteloot: Après le Medef, Marion Maréchal attendue à un événement catho tradi et identitaire. In: Libération. 5. Juli 2019, abgruefen am 14. Dezember 2023 (französisch).
  4. ↑ 4,0 4,1 Erwan Le Morhedec: Identitaire: le mauvais génie du christianisme. Éditions du Cerf, Pàriis 2017, ISBN 978-2-204-10930-7 (französisch, Iigschränkti Vorschau uf books.google.de).
  5. ↑ 65 personnes au travail avec Academia Christiana. In: Ouest-France. 28. August 2014, abgruefen am 14. Dezember 2023 (französisch).
  6. ↑ Mathilde Barraband, Jean-Yves Camus: Le combat culturel des traditionalistes catholiques. In: COnTEXTES. Nr. 19, 10. Dezember 2017, ISSN 1783-094X, doi:10.4000/contextes.6288 (französisch).
  7. ↑ 7,0 7,1 7,2 Jules Pecnard: Marion Maréchal renonce à intervenir devant des catholiques identitaires. BFM TV, 18. Juli 2019, abgruefen am 14. Dezember 2023 (französisch).
  8. ↑ 8,0 8,1 8,2 8,3 Plongée au sein d'Academia Christiana, mouvement catholique et nationaliste placé dans le radar des services de renseignement. France Info, 16. Februar 2022, abgruefen am 14. Dezember 2023 (französisch).
  9. ↑ 9,0 9,1 9,2 Josué Jean-Bart: Academia Christiana, l’extrême droite qui inquiète le renseignement, s’est encore réunie en Anjou. In: Ouest-France. 31. August 2022, abgruefen am 14. Dezember 2023 (französisch).
  10. ↑ 10,0 10,1 10,2 10,3 Alexandre Ballario: Academia Christiana, bastion de la fachosphère catholique. Golias, 25. Februar 2022, abgruefen am 9. November 2023 (französisch).
  11. ↑ 11,0 11,1 Maxime Macé, Nicolas Massol, Pierre Plottu: Qu’est-ce qu’Academia Christiana, mouvement d’extrême droite que veut dissoudre Gérald Darmanin ? In: Libération. 11. Dezember 2023, abgruefen am 14. Dezember 2023 (französisch).
  12. ↑ 12,0 12,1 Emilie Jehanno: Qu’y a-t-il derrière Academia Christiana, l’asso catho traditionaliste ? In: 20 Minutes. 12. Dezember 2023, abgruefen am 14. Dezember 2023 (französisch).
  13. ↑ Pierre Plottu, Maxime Macé: Depuis la dissolution de Génération identitaire, la jeunesse d’extrême droite tentée par encore plus radical. In: StreetPress. 26. April 2023, abgruefen am 14. Dezember 2023 (französisch).
  14. ↑ 14,0 14,1 14,2 Maxime Macé, Pierre Plottu: La très identitaire université d’été d’Academia christiana. In: Libération. 27. August 2021, abgruefen am 14. Dezember 2023 (französisch).
  15. ↑ Maxime Macé, Pierre Plottu: Academia Christiana, une université d’été entre sports de combat et messes tradis. In: Libération. 25. August 2023, abgruefen am 14. Dezember 2023 (französisch).
  16. ↑ 16,0 16,1 Ivanne Trippenbach: Marion Maréchal n’ira pas à l’université d’été d’Academia Christiana. In: L’Opinion. 18. Juli 2019, abgruefen am 14. Dezember 2023 (französisch).
  17. ↑ 17,0 17,1 Gérald Darmanin va demander la dissolution de l’association Academia Christiana. In: Le Monde. 10. Dezember 2023, abgruefen am 14. Dezember 2023 (französisch).
  18. ↑ Gérald Darmanin annonce la dissolution d'Academia Christiana, un mouvement catholique traditionaliste. In: Le Figaro. 10. Dezember 2023, abgruefen am 14. Dezember 2023 (französisch).
  19. ↑ Darmanin veut la dissolution d’Academia Christiana, mouvement catholique traditionaliste d’extrême droite. In: Le Parisien. 11. Dezember 2023, abgruefen am 14. Dezember 2023 (französisch).
  20. ↑ Academia Christiana dépose une plainte en diffamation contre Gérald Darmanin. In: Le Figaro. 12. Dezember 2023, abgruefen am 14. Dezember 2023 (französisch).
  Dä Artikel basiert uff ere fräie Übersetzig vu dere Version vum Artikel „Academia_Christiana“ vu de französische Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Academia_Christiana&oldid=1052800"