Ain (Arabische Buechstabe)

ʿAyn oder ʿAin ( عين ) isch de 18. Buechstabe im arabische Alphabet und het de Zaalwert 70. Entstande isch er usem phönizische Ajin und drum verwandt mitem latinische O, em griechische Omikron und em hebräische Ajin.

s Ain i de isolierte Form

Luutwert und Umschrift Bearbeite

Arabisch Bearbeite

Im Arabische stoot s Ayn för de stimmhafti pharyngali Frikativ (IPA: /ʕ/) und het kai Entsprechig i europäische Sprooche. I de DMG-Umschrift wer er mit eme Bögli (ʿ) transkribiert, wo geg rechts offen isch. I Domainnäme und Internetfore werd da Zaiche recht vill mit de Zaal "3" gschribe.

S Ayn isch e Moobuechstabe, da haisst de Artikel al- werd nöd transkribiert: al-ʿayn »s Auge; d Quele«.

Persisch Bearbeite

Im Persische stönd s Ayn und s Hamza fö de Knackluut (IPA: /ʔ/), wo im Alemannische vor hässige Flüech vorchunnt: "ʔesəl!" oder "ʔaff!" und im Hochtütsche normal vor jedem Wort, wo miteme Vokal afangt, bsunders tütli aber i de Wortfuege, wie "Seeʔadler". De Luut werd im Arabische nume mit em Hamza gschribe.

Unicode Bearbeite

Unicode Codepoint	U+0639
Unicode-Name	ARABIC LETTER AIN
HTML	ع
ISO 8859-6	0xd9

Für die Transkription:

Unicode Codepoint	U+02BF
Unicode-Name	MODIFIER LETTER LEFT HALF RING
HTML	ʿ