Hauptmenü ufmache
s Alif i de isolierte Form

ʾAlif oder Alif (ألف) isch de ärscht Buechstab usem arabische Alphabet. Er isch usem phönizische Aleph hervorgonge un dertrum mitem latiinische A, däm griechische Alpha unem hebräische Aleph verwondt. Em isch de Zahlewert 1 zugordnet.

Luutwärt un UmschriftBearbeite

S Alif bizaichnet entweder de stimmlosi glottali Plosiv (IPA: /ʔ/) und trait den s Zaiche Hamza. Er entsprecht em Tütsche Knacklut, womer bim Schimpfe ghört: Du ʔEsel! oder im Hochtütsche i de Wortfuege: Seeʔadler. Denn bizaichnet er au de vollgöffneti Langvokal (IPA //) und chan au im Wortaafang verstume.

Alif zur VokaldehnungBearbeite

Alif kon de Dehnung vumene Fatha diene. Des erfillt drno praktisch d Funktion vun näm lange Vokal, nämli vumene offene „A“-Luut (IPA []) (wie in „Adelheid“). In däm Fall ischs in de DMG-Umschrift wie e „a“ miteme Strich drüber gschribe (ā).

Alif als e TrägervokalBearbeite

 
s Alif miteme Hamza obedraa
 
Alif mitem Hamza unedraa

S Hamza, wu de Stimmabsatz ussdruggt, brucht in de meischte Fäll e Trägervokal. Des kon nebem Alif au e Waw oder e Ya si. Fongt e Wort miteme Vokal o, fongt s noch de grammatisch Definition miteme Hamza o. Fir d Trägervokal Hamza om Wortofang wird immer s Alif gnumme. Dorum fonge alli Werter, wu miteme Vokal ofonge, in de Schrift mit m Alif o. I de DMG-Umschrift werds miteme Bögli gschribe (ʾ), wo geg links offen isch. I de nödwüsseschaftliche Literatur werds aber i de Regle nöd bizaichnet, do i europäische Sproche de Luut fälschlicherwiis nöd as Phonem empfunde werd. Au i ugnaue phonetische Umschrifte werd d Lut mengisch underschlage.

Stumms AlifBearbeite

Om Wortend wirds Alif in bschtimmti Verbforme zur Vokaldehnig un als Träger vu de indeterminierte Akkusativendung (-an) gnumme. S bliibt drno gnauso stumm wie in einzelni Werter مائة (mi'a, „hundert“). S'Alif het in däni Fall e rein orthografischi Funktion.

Bsunderhite vun de SchribungBearbeite

Goht däm Alif e Lam vorus, wirds Onschtell vo de Schriibung لـا d Ligatur لا (Lam-Alif) verwändet.

Alif als e HilfszeicheBearbeite

 
s Alif chan als e Hilfszeiche überen Konsonant gschribe werde

Im hitige Arabisch gibt s e hondvoll Werter, wu e longs a (ā) hen, wu aber nit gschriibe wird. Soll s ā widergebe werre, konn e kleins Alif uf d vorgongene Konsonante (im Bild as Kreis dargstellt) gsetzt werre.

Alif im UnicodeBearbeite

Unicode UTF-16 U+0627
Unicode-Name ARABIC LETTER ALEF
HTML ا
ISO 8859-6 0xc7

Auch s hochgstellt Alif isch kodifiziert, wird aber in mangii Schriftarte nit dargstellt.

Unicode UTF-16 U+0670
Unicode-Name ARABIC LETTER SUPERSCRIPT ALEF
HTML ٰ