Ẓāʾ (Arabische Buechstabe)


Ẓāʾ ( ظاء ) isch de sibezeet Buechstabe im arabische Abece und het de Zaalwert 900. Er isch nöd direkt usem phönizische Alphabet entstande, sondern dodur, as öber s arabische Ṭāʾ e Punkt gschribe werd.

s isolierti Za

Luutwert und Umschrift ändere

S Ẓāʾ isch ann vo de vier arabische emphatische Luut und het kai Entsprechig im Tütsche. Es werd gliich artikuliert wie z Zāy, aber mit mee Spanig und d Zunge isch nöcher bim Gaume (IPA: /zˁ/). De Luut isch allerdings üsserst selte und vill Araber sprechet en gliich uus wie s Ḍād. I de DMG-Umschrift werd s Ẓāʾ mit /ẓ/ gschribe, aso emene /z/ miteme Punkt unedra. I de nödwüsseschaftliche Literatur werd de Punkt maist eweggloo.

S Ẓāʾ isch e Sunebuechstabe, da haisst de Artikel al- werd assimiliert: aẓ-ẓuhru "de Mittag".

Unicode ändere

Unicode Codepoint U+0638
Unicode-Name ARABIC LETTER ZAH
HTML ظ
ISO 8859-6 0xd8