Hauptmenü ufmache

Albula/Alvra

a politeschi Gmaind i da Region Albula, wo 2015 im Kanton Graubünde gründet worden isch

Albula/Alvra isch a politischi Gmaind i da Region Albula im Schwizer Kanton Graubünda.

Albula/Alvra
Wappe vo Albula/Alvra
Basisdate
Staat: Schwiiz
Kanton: Graubünde (GR)
Region: Albulaw
BFS-Nr.: 3542i1f3f4
Poschtleitzahl: 7492 Alvaneu
7451 Alvaschein
7084 Brienz/Brinzauls
7458 Mon
7472 Surava
7459 Stierva
7450 Tiefencastel
Koordinate: 763607 / 17017346.6627329.576587851Koordinate 46° 39′ 46″ N, 9° 34′ 36″ O; CH1903: 763607 / 170173
Höchi: 851 m ü. M.
Flächi: 93,63 km²
Iiwohner: 1324 (31. Dezämber 2017)[1]
Website: www.albula-alvra.ch/home.html
Charte
Igl LaiLago di LeiLai da MarmoreraLago di MontesplugaSilserseeSt. MoritzerseeSufnerseeItalieRegion ViamalaRegion ImbodeRegion MalojaRegion Engiadina Bassa/Val MüstairRegion PlessurRegion Prättigau/DavosRegion SurselvaAlbula/AlvraBergün FilisurLantsch/LenzSchmitten GRSurses GRVaz/ObervazCharte vo Albula/Alvra
Iber des Bild
ww

GeografiiBearbeite

D Gmaind Albula/Alvra ligt im undera Albulatal, am Zämafluss vo da Albula und da Gelgia (Julia). De Ort Tüfakaschta ischt an Verkehrsknotapunkt und ligt zwüscha Thusis und Filisur (und witer i Richtig Albulapass), aber au zwüscha dr Lenzerhaid und Savognin (und witer i Richtig Julierpass). D Gmaind bestoot us da Frakziona (Dörfer) Alvaneu, Alvaschein, Brienz/Brinzauls, Mon, Surava, Stierva und Tüfakaschta.

Da tüüfscht Punkt vo da Gmaind isch underhalb vo da Solis-Brugge, döt wo da Rain digl Lai vo rächts i d Albula mündet, uf 767 m ü. M. une. Öpa 200 Meter nordweschtlich vom Piz Mitgel isch uf 3'098 m da högscht Punkt vom Gmaindsgebiet. Bi da Brugg öber d Albula im Dorf vo Tüfakaschta wird uf de Landcharte a Meereshöchi vo 850 m aagee. Im Gegesatz dezue liit d Haltstell vom Postauto z Stürvis uf 1'365 m obe.

GschichtBearbeite

Di politisch Gmaind Albula/Alvra isch am 1. Januar 2015 us da bishäriga Gmainda Alvaneu, Alvaschein, Brienz/Brinzauls, Mon, Surava], Stierva und Tüfakaschta entstanda. Dia betroffna Gmainda hän am 28. Februar 2014 ama entsprächena Beschluss zuegstumma.[2] Uursprüngli hetti Lantsch/Lenz au sölla mitmacha, hät sich dänn aber im September 2013 us dena Fusionsverhandliga zruggzoga.[3]

Zum erschta Gmaindspräsidänt isch an ara Abstimmig am 28. September 2014, mit 235 vo 271 gültiga Stimma, da Daniel Albertin worda. Er isch CVP-Grossroot und damals no Gmaindspräsidänt vo Mon gsi.[4]

Bis Endi 2015 hät d Gmaind zum Krais Alvaschain im Bezirk Albula ghört. Dur d Bündner Gebiatsreform sind d Krais ufghoba und us da Bezirk sind Regiona gmacht worda.

SprochaBearbeite

Amtssproche sind gemäss Verfassig, wo am 24. August 2014 an ara Urnaabstimmig i allna betroffana Gmainda beschlossa und vo da Bündner Regierig gnemigt worda isch, Dütsch und Rätoromanisch.[5] Für s Romanisch gilt, dass d Verwaltig s Idiom Surmiran brucht, aber d Schuelsproch isch Rumantsch Grischun.

WeblinkBearbeite

  Commons: Albula/Alvra – Sammlig vo Multimediadateie

FuessnooteBearbeite