Bergün Filisur

politeschi Gmaind i da Schwiz

Bergün Filisur isch de Name von ere Fusionsgmaind im Kanton Graubünde i de Schwiz. Di neu Gmaind isch uf de 1. Jänner 2018 us de politische Gmainde Bergün/Bravuogn und Filisur entstande.[2]

Bergün Filisur
Wappe vo Bergün Filisur
Wappe vo Bergün Filisur
Basisdate
Staat: Schwiiz
Kanton: Graubünde (GR)
Region: Albulaw
BFS-Nr.: 3544i1f3f4
Poschtleitzahl: 7477 Filisur
7482 Bergün/Bravuogn
Koordinate: 774498 / 169225Koordinate: 46° 39′ 5″ N, 9° 43′ 6″ O; CH1903: 774498 / 169225
Flächi: 190,14 km²
Iiwohner: 893 (31. Dezämber 2021)[1]
Website: www.berguenfilisur.ch
Filisur, Tal uswärts
Filisur, Tal uswärts

Filisur, Tal uswärts

Charte
Charte vo Bergün FilisurIgl LaiLago di LeiLai da MarmoreraLago di MontesplugaSilserseeSt. MoritzerseeSufnerseeItalieRegion ViamalaRegion ImbodeRegion MalojaRegion Engiadina Bassa/Val MüstairRegion PlessurRegion Prättigau/DavosRegion SurselvaAlbula/AlvraBergün FilisurLantsch/LenzSchmitten GRSurses GRVaz/Obervaz
Charte vo Bergün Filisur
w

Gschicht ändere

A de Gmaindsversammlige vom 9. April 2014 z Bergün/Bravuogn und z Filisur isch d Grundsatzfrog von ere mögliche Fusion vo de beedne Gmainde erstmols traktandiert worde.[3] Z Bergün hät me de Verhandligsufnahm zuegstimmt, d Bevölkerig vo Filisur aber bschlüüsst, de Gmaindsvorstand mües zerscht bi de Gmaind Schmitte aafroge.[4] Wil aber Schmitte es Johr vorher i me Grundsatzentschaid sich gegen e Fusion mit de Gmainde im vordere Albulatal entschide hät, isch z Filisur a de Gmaindsversammlig vom Früelig 2015 d Uufnahm vo Verhandlige mit Bergün guetghaisse worde.[5]

Im Amtliche Gmaindsverzaichnis vo de Schwiz isch i de Uusgob vom März 2016 aakündt worde, as uf Aafangs 2017 us Bergün und Filisur e neui Gmaind söll wärda (damals no «Bergün-Filisur» gschribe).[6] A de Sitzig vom 10. Mai 2016 bschlüüsst d Regierig vom Kanton Graubünde en Förderbiitrag för di neu Gmaind im obere Albulatal i de Höchi vo 8,615 Million Franke.[7]

I de zwaite Fusionsbroschüre, wo im Juni 2016 vo de Fusionsarbetsgruppe veröffentlicht worden isch, werd vorgschlage, as de Name vo de neue Gmaind «Bergün Filisur» sii und s Wappe vom ehemolige Chrais öbernee wärde söll.[8]

Geografii ändere

D Gmaind Bergün Filisur liit im oberen Albulatal und zum Gebiet vo de Gmaind ghöred d Dörfer Filisur (1'032 m ü. M.) und Bergün/Bravuogn (1'367 m), die beede Fraktione Stugl und Latsch wie au die beede Wiiler Preda (mitsamt de Maiesäss Naz) und Chants (1'822 m). D Gmaind hät dodemit e Flächi vo 190,14 km² und zellt knapp tuusig Iiwohner.

Weblink ändere

  Commons: Bergün Filisur – Sammlig vo Multimediadateie

Fuessnoote ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Amtliches Gemeindeverzeichnis der Schweiz. Aakündigti Änderige 2017, Uusgob vom 15. Juni 2017
  3. Fusion: Bergün und Filisur stellen Grundsatzfrage Artikel bi suedostschweiz.ch vom 20. März 2014
  4. Fusion: Filisur will zuerst Schmitten kontaktieren Artikel bi suedostschweiz.ch vom 10. April 2014
  5. Fusionsinfo#1 uf gemeinde-berguen.ch vom April 2016
  6. Amtliches Gemeindeverzeichnis der Schweiz. Aakündigti Änderige 2016, Uusgob vom 23. März 2016
  7. Zusammenschluss der Gemeinden Bergün/Bravuogn und Filisur: Kantonale Förderung Bschluss vo de Regierig vom Kanton Graubünde vom 10. Mai 2016, uf filisur.ch, abgruefen am 1. Januar 2017
  8. Fusionsinfo#2 uf gemeinde-berguen.ch vom Juni 2016