Andrea Štaka
D Andrea Štaka (* 1973 z Lozärn) isch e Schwyzer Filmreschiseeri un Draaibuechautori.
.jpg)
Lääbe
ändereD Andrea Štaka isch z Lozärn uf d Wält chuu un z Züri ufgwagse. Iri Mueter stammt vu Sarajevo, Bosnie, ire Vater vu Dubrovnik, Kroazie un ire Stiefvater vu Serbie. Aagfange met si mit Fotografy. Vu 1992 bis 1993 het si am London College of Printing gleert. Schließli isch si aber zu Film un Reschy gwägslet un het vu 1993 bis 1998 an dr Hochschuel fir Gstaltig un Chunscht (hite ZHdK) z Züri studiert. Ab 1999 het si zytwys z New York gläbt.
Mer chännt si syt irem Film Das Fräulein, wu si anne 2006 mit em Guldeni Leopard am Internationale Filmfeschtival vu Locarno derfir uuszaichnet wooren isch.
Anne 2015 het si fir ire Film Cure – Das Leben einer Anderen dr Preis für den gesellschaftlich relevanten Film bim Max-Ophüls-Feschtival iberchuu.[1]
Ire dritt Langspiilfilm Mare isch 2020 in dr Sekzioon Panorama vu dr Berlinale urufgfiert woore[2]. Dr Film isch an verschiidene Feschtiwäl zaigt woore. Bim Sarajevo Film Festival isch er mit zwee Bryys uuszaichnet woore un 2021 het er an dr Soledurner Filmdääg dr Prix de Soleure gwunne.
2022 isch si yyglaade woore, fir s Projäkt Postcards from the Future e Chuurzfilm z draaie, wu im Rame vum Filmfeschtiwäl Locarno uf dr Piazza Grande zaigt wooren isch.[3]
Zäme mit em Christian Johannes Koch het si d Reschy vu dr 2. Stapfle vu dr TV-Seerie Neumatt gfiert, wu aafangs 2023 im Schwyzer Fäärnsee uusgstraalt wooren isch.[4][5]
D Andrea Štaka schafft hite as Reschiseeri, Draaibuechautori un Produzänti. Si läbt mit irem Partner, em Filmmacher Thomas Imbach, un irem gmainsame Suhn z Züri. In verschidene Projäkt het si au mit irem Mann scho zämegschafft. Anne 2007 hän si zäme d Firma „Okofilm Productions“ grindet.
Filmografy
ändere- 1992: Time to Buy Flowers (Experimentalfilm, 5 min)
- 1995: Ruža (Experimentalfilm, 2 min.)
- 1996: Kitchen Floor (Musikvideo, 3 min)
- 1998: Hotel Belgrad. Reschy/Draaibuech (Chuurzfilm, 13 min.)
- 1999: Daleko (Chuurzfilm, 9 min)
- 2000: Yugodivas. Reschy (Dokumentarfilm)
- 2006: Das Fräulein. Reschy/Draaibuech (Spiilfilm)
- 2011: Mary’s Ride. Produkzioon/Draaibuech (Spiilfilm)
- 2013: Mary Queen of Scots Produkzioon/Draaibuech (Spiilfilm)
- 2014: Cure – Das Leben einer Anderen, Reschy/Draaibuech/Produkzioon (Spiilfilm)
- 2018: Glaubenberg Produkzioon (Spielfilm)
- 2020: Nemesis Produkzioon (Dokumentaarfilm)
- 2020: Mare, Reschy/Draaibuech
- 2020: My Mom, my Son and Me, Reschy/Draaibuech (Essay)
- 2022: Neumatt, Reschy (TV-Seerie, 2. Stapfle)
Uuszaichnige
ändere- 1998: Grand Prix du Jury, Recontres Internationales Henri Langois, Poitiers (Hotel Belgrad)
- 1998: Beschte Film, Seh-Süchte Festival, Berlin (Hotel Belgrad)
- 1998: Beschti Reschy, Brooklyn International Film Festival, New York (Hotel Belgrad)
- 2000: Qualiteets Uuszaichnig, Schwyzer Kulturbüro (Yugodivas)
- 2006: Guldine Leopard, Locarno Film Feschtspiil (Das Fräulein)
- 2015: Bryys fir dr gsellschaftli relevante Film, Max-Ophüls-Festival (Cure)
- 2020: CICAE Award un Bryys fir di bescht Hauptdaarstelleri, Sarajevo Film Festival (Mare)
- 2021: Jurybryys, Prix de Soleure, Soledurner Filmdääg (Mare)
Weblink
ändere
Commons: Andrea Štaka – Sammlig vo Multimediadateie- Andrea Štaka in dr Internet Movie Database
- Andrea Štaka bi filmportal.de
- Biografy bi OKOFILM PRODUCTIONS
- Biografy bi SWISS FILMS
- Cinéportrait Andrea Štaka (2009 / 2014)
- Interview zue Cure – The Life of Another
- Interview zue Yugodivas uf srf.ch (2013)
Fueßnote
ändere- ↑ Die Preisträger 2015. (Nicht mehr online verfügbar.) Filmfestival Max Ophüls Preis, 24. Januar 2015, archiviert vom Original am 3. Juli 2015; abgruefen am 25. Januar 2015.
- ↑ Mare. Abgruefen am 22. Juni 2020 (änglisch).
- ↑ Vorhang auf für Locarno75. Abgruefen am 8. August 2022.
- ↑ Drehstart der zweiten Staffel der Erfolgsserie «Neumatt». Abgruefen am 20. März 2023.
- ↑ Zweite Staffel der SRF-Serie «Neumatt» startet am Sonntag. Abgruefen am 20. März 2023 (de-DE).