Anton Egloff

Der Anton Egloff (* 11. Juli 1933 z Wettige, Kanton Aargou) isch e Schwiizer Bildhouer. Är wohnt und schaffet sit 1964 z Lozärn.

Biografii

Vo 1957 bis 1959 het der Egloff en Usbildig i der Bildhouerklass vo der Schuel für Gstaltig Lozärn gmacht. Nochär het er bis 1964 a der Schtaatleche Kunschtakademie Düsseldorf bim Manfred Sieler schtudiert, won er aschliessend Assischtänt worde isch. Är het Arbetskontäkt mit em Joseph Beuys und em Gotthard Graubner gha.

Vo 1964 bis 1990 isch der Egloff Lehrer a der Schuel für Gstaltig z Lozärn gsi. Dört het er d Abteilig Freie Kunst ufbout, wo ner bis 1990 gleitet het.

Verschidnigi Schtudieufenthält hei dr Egloff is Usland gfüert. So isch er unter anderem 1991 z London (Atelierufenthalt vo der Kulturschtiftig Landis & Gyr, Zug) und 2005 z Prag (Atelierufenthalt vom Aargouer Kuratorium) gsi.

Wärch (Uswahl)

As Plastiker und Zeichner fasst dr Anton Egloff dr Skulpturbegriff wiit: Är lot d Outonomii vom Kunschtwärch grundsätzlech unaataschtet und legt Wärt uf höchi ästhetischi Qualitäte vo sine Skulpture und Arbete uf Papier. E genauso höchi Bedütig aber misst er em örtleche, geischtige und soziale Zämehang bi, wo sini Arbete wohrgno wärde.

Wärch in öffentleche und private Sammlige

Aargouer Kunschthus Aarau
Kunschtmuseum Lozärn
Museum zu Allerheiligen, Schaffuse
S Schublademuseum vom Herbert Distel (Kunschthus Züri)
Sammlig Peter Ludwig, Aachen (Dütschland)
Sammlig Burgauer, Züri
Sammlig Theo Hotz, Meile
Schwizerischi Eidgnosseschaft
Kanton Züri
Kanton Lozärn

Künschtlerischi Projäkt im öffentleche Ruum

1963: Wettige, Triptychon in Bronze und Brunne bim EW
1990–1995: Rigiplatz Zug. 4 skulpturali Interventione A. Egloff mit Carmen Perrin, Flavio Paolucci, Andrea Wolfensberger
1991: Bildstock Wachstumslinie uf em Kulturwäg Limmat
1992: WSL ETH Birmensdorf ZH, 3 skulpturali Ort
1994: CKW Rathausen LU, 2-teiligi Konstellation
1995: Bakom Biel/ Bienne, Hören Ost Süd West Nord, Raumkonstellation mit 4 farbige Steinquader und Textlinie in Bronze
1996: Lozärn Kantonsspital: Installation im Liechthof vo der psychiatrische Klinik
1998: Sursee LU: Gschtaltig vom Schtadtplatz am «Obertor» mit 2 Stele in Bronze, je 6,40 m höch, und 2 churze Bronzestele. Brunnegstaltig i der Altstadt. Architekte Hannes Ineichen und Peter Affentranger.
2000/2002: Expo 02 Murte: Un ange passe, Cabane parole, plastisch-rümlechs Projäkt.
2006 Lozärn, Lukas–Chile: Livre Sculpture, Ruum vo der Stilli

Priise (Uswahl)

1961: Pris vo der Poensgen-Stiftig Düsseldorf
1972: Anerchennigspriis vo der Schtadt Lozärn
1984: Kunscht- und Kulturpriis vo der Schtadt Lozärn
1992/1996: Wärchbiiträg vom Aargouer Kuratorium
1993: Ehregabe vo der Jubiläumsschtiftig vo der Schwizerische Bankgsellschaft

Einzel- und Gruppenusschtellige (Uswahl)

Kunschthus Glarus
Museum zu Allerheiligen, Schaffuse
Kunschtmuseum Lozärn

Literatur (Uswahl)

Anton Egloff, Storefront. Edizioni Periferia, Lozärn 2012, ISBN 978-3-906016-02-3.
Anton Egloff, Subskulptur, das plastische Werk. Edizioni Periferia, Lozärn 2003, ISBN 3-907474-02-3.
Anton Egloff. Projekt-Projektionen. Text: Niklaus Oberholzer. Periferia, Poschiavo/Lozärn 1997.
Anton Egloff: London Journal. Galleria Edizioni Periferia, Poschiavo/Lozärn [1992].
Anton Egloff. Kunstmuseum Luzern, 1991. Text: Niklaus Oberholzer, Martin Schwander. Lozärn 1991.
Peter Jenny: Kunst im öffentlichen Raum. Die Kunstwerke von Anton Egloff an der Kantonsschule in Glarus. Züri [1987].
Anton Egloff. Skulpturen und Zeichnungen. Text: Niklaus Oberholzer. Museum zu Allerheiligen, Schaffuse 1986.
Anton Egloff. Plastiken, Objekte und Collagen. Text: Peter F. Althaus. Galerie Raeber Lozärn 1970.

Weblink

Commons: Anton Egloff – Sammlig vo Multimediadateie

Niklaus Oberholzer: Egloff, Anton. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).

Dä Artikel basiert uff ere fräie Übersetzig vu dere Version vum Artikel „Anton_Egloff“ vu de dütsche Wikipedia. E Liste vu de Autore un Versione isch do z finde.