Arconciel
Arconciel (im Friburger Patois ) isch e politeschi Gmeind im Saanebezirk vom Kanton Friburg.
| Arconciel | |
|---|---|
 | |
| Basisdate | |
| Staat: | Schwiiz |
| Kanton: | Friburg (FR) |
| Bezirk: | Saane |
| BFS-Nr.: | 2171 |
| Poschtleitzahl: | 1732 |
| Koordinate: | 575991 / 177262 |
| Höchi: | 734 m ü. M. |
| Flächi: | 6.11 km² |
| Iiwohner: | Expression-Fähler: Nit erwartete Operator: <Ungültiger Metadaten-Schlüssel 2171 (31. Dezämber 2022)[1]
|
| Website: | www.arconciel.ch |
 Arconciel | |
| Charte | |
 | |
Name
ändereDer früener düütsch Ortsname Ergenzach wird hüt chuum me bruucht.
Geografii
ändereS Dorf Arconciel lyt sibe Kilometer südweschtlech vo Friburg. Es isch uf emene Plateau uf dr Oschtsyte vom Saanegrabe am Fuess vo de Friburger Voralpe.
Im Norde chunt dr Gmeindbann as Chraftwärch Hauterive a dr Saane.
Gschicht
ändereIm Gemeindgebiet vo Arconciel ligge verschideni archäologeschi Fundstelle. Die eltischte sind us dr Bronzezyt und dr Römerzyt.
Dr Ortsname isch s erschte Mol ane 1082 i dr latynische Form castrum Arconciacum gnännt, dr dütsch Name Erchunzacho im Joor 1236.
Arconciel isch sit em 11. Joorhundert e regionaal bedütendi Herrschaft gsi. Bi Arconciel isch e Strooss durs Saanetobel ggange, wo uf beide Syte uf de Felse mit Feschtige gsicheret gsi isch, im Weschte dur d Burg Illens und im Oschte dur ne ganz chlyni Stadt, ebe Arconciel. Sid 1251 het d Herrschaft de Grafe vo Savoie ghört, und ane 1475 isch si vo de Friburger und de Bärner eroberet worde.
Yywoner
ändereQuela: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Yywoner | 285 | 297 | 327 | 308 | 316 | 392 | 427 | 417 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Yywoner | 423 | 412 | 378 | 332 | 326 | 399 | 553 | 656 |
De Uusländeraateel isch 2010 bi 9,9 % gläge.[3]
Religion
ändere82,3 % va de Yywoner si im Jaar 2000 römisch-katholisch gsii, 7,6 % evangelisch-reformiert.[3]
Spraach und Tialäkt
ändereBi de Vouchszelig 2000 hii va de 656 Yywoner 91 % Franzöösisch aus Hùùptspraach aaggää, 6,3 % Tüütsch ù 2,7 % anderi Spraache.[3]
De aut frankoprovenzalisch Patois hii im Jaar 2000 na iigene Aagabe na 19 va de 656 Yywohner ggredt.
Weblink
ändere
Commons: Arconciel – Sammlig vo Multimediadateie- Website vo dr Gmeind Arconciel
- Marianne Rolle / KMG: Arconciel (Gemeinde). In: Historisches Lexikon vo dr Schwiiz.
- Marianne Rolle, Ernst Tremp / MF: Arconciel (Herrschaft). In: Historisches Lexikon vo dr Schwiiz.
Fuessnoote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
- ↑ 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv) , Mai 2012
