Baanhof Hausè im Dal

Hausè im Dal (amtlich: Hausen i Tal)
	Empfangsbau un aagränzendes Baanwärterhüsle (2018)
	Empfangsbau un aagränzendes Baanwärterhüsle (2018)
Daate
Kategorii	6
Perron	1
Abchürzig	THAT
Eröffnig	1890
Laag
Gmeind	Beuron
Ort	Hausè im Dal
Land	Baden-Württemberg
Staat	Deutschland
Koordinate	48° 4′ 50″ N, 9° 1′ 39″ OKoordinate: 48° 4′ 50″ N, 9° 1′ 39″ O
Höchi	599 m ü. NHN
Iisebahnstreckene
	Schwôbischi Donaudalbaan (km 23,642);
Bahnhööf z Bade-Würtebärg

i7 i12 i13 i15 i15 i16 i17

Dè Baanhof Hausè im Dal (amtlich: Bahnhof Hausen i Tal) isch è Bedrybsschtell a dè Schwôbischi Donaudalbaan. Er lyt im Oschtè vo dè Gmaind Beuron un ein Kilometer weschtsüdweschtlich vum Dorf Hausè im Dal. Dè Baanhof isch gmeinsam mit èm Donaudalbaanabschnitt Duttlingè-Inzigkofè 1890 in Bedryb gangè. D Donaudalbaan isch 1890 als Deil vo dè Strategischè Baanè z Südbaddè im milidärischem Intressè baut worrè. Hintergrund isch d Aabindung vo dè Bundesfeschtung Ulm a diè Dütsch-Französischi Gränz im Elsaß gsi, um dè Nõchschub zuè dè Garnisonsschtandört im Elsaß z sichèrè. Elf Johr spôter sin alli Luggè im Lauf vo dè Donaudalbaan zuègmacht worrè, sitdèm lyt dè Baanhof Hausè a dè durchgängigè Donaudalbaan Ulm Hbf-Bhf. Donaueschingè.

Laag

Dè Bhf. Hausè im Dal lyt im Donaudal öppè 7 km unterhalb vo Fridingè odder öppè 22 km unterhalb vo Duttlingè sowiè knapp 14 km obberhalb vo Sigmaringè. In Sichtwitti zum Bhf. Hausè im Dal lyt eini vo dè bekannteschtè Landmarkè im Nadurpark Obberi Donau, s Schloss Werèwaag.

Infraschtruktur

S EG isch èn Baanhofsbau für èn tǜpische baddischè Landbaanhof mit drei Stockwärch un èm Satteldach. È bsunderes ysèbaantechnisches Wòòrzeichè isch klassisch-baddische Wasserturm mit Flachboddè un Kegeldach a dè Weschtuusfaart vum Baanhof. Dè Wasserturm isch schu längscht ußer Bedryb un isch yschturzgfôrdet.^[1]

Dè Baanhof Hausè isch wiè dè Bhf. Fridingè mit ènèm lokal bedièntè mechanischè Stellwärch i dè Einheitsbauart uusgschtattet, wo 1976 in Bedryb gnõ worrè sin. D Weichè, d Yfaar- un Uusfaarsignaal, sowiè d Schrankè wörrèd vum Faardiènschtleiter übber Dròòtzüüg gschtellt un bediènt.^[2]

S git im Bhf. Hausè zwei Hauptgleis. Nu s Gleis 1 lyt am Hausbaanschteig, s Gleis 2 isch è Durchgangsgleis ooni Baanschteig. Am Nordrand vum Gleisfäld hèt s früèner è Laddègleis, wo abber abbaut worrè isch. D Ladderampè un dè Prellbock vo sèllèm Gleis cha mò nò aaguckè.

Z Hausè im Tal haaltèd alli zwei- bis vyr Stund èn Regional-Express-Zuug vo dè DB Regio, wo zwǜschè Ulm Hbf un Donaueschingè (RE 55) sowiè einzelni Züüg vo dè HZL, wo zwüschè Sigmaringè un Duttlingè (RB43) vokeerè duèt.

Wasserturm für Dampflokomotyvè un Formsignal
S mechanische Stellwärch im Bhf. Hausè im Dal
Bligg uff dè Baanhof

Trivia

Dè Wasserturm isch vor Johrè als Modèll im Maßschtab H0 durch s Unternämmè Faller aabotè worrè.^[3]

Literadur

Signal & Technik zu Besuch in... Hausen i Tal – Schätze im Donautal (2). I dè: DREHSCHEIBE 308, Heft 8/20, Dez./Jan., S. 104–107.

Weblinggs

Commons: Bahnhof Hausen i Tal – Sammlig vo Multimediadateie

Einzelnõchwys

↑ Falko Hahn (fah): Donautalbahn ist Kulturdenkmal. Im: Südkuryr vom 16. Septèmber 2006
↑ Holger Kötting: Lischtè mit Dütschè Stellwärch uff stellwerke.de, vum 26. Oktober 2015, abgruèfè am 4. April 2018
↑ Siehe: Faller Wasserturm

Dä Artikel basiert uff ere fräie Übersetzig vum Artikel „Bahnhof_Hausen_i_Tal“ vu de dütsche Wikipedia. E Liste vu de Autore un Versione isch do z finde.

[1] Falko Hahn (fah): Donautalbahn ist Kulturdenkmal. Im: Südkuryr vom 16. Septèmber 2006

[2] Holger Kötting: Lischtè mit Dütschè Stellwärch uff stellwerke.de, vum 26. Oktober 2015, abgruèfè am 4. April 2018

[3] Siehe: Faller Wasserturm

[1]

[2]

[3]