Brunnõdèrè

47.6922222222228.1452777777778818

Brunnõdèrè isch dè högschtglègene Ortsdeil vo dè Gmeind Wyylè im Landchrais Waldshuèt z Baddè-Württèbärg. Brunnõdèrè isch bis zuè dè Gmeindsreform im Johr 1975 èn Ortsdeil vo Remetschwyl gsi.

Brunnadern (Weilheim) Gmeind Wyylè
Wappe vo Brunnadern (Weilheim)
Dialekt:	Alemannisch
Hauptvariante:	Hochalemannisch
Regionalvariante:	Südschwarzwälderisch
Höchi:	818 m
Iiwohner:	286
Iigmeindig:	1. Januar 1975
Regierigsbezirk:	Fryburg
Landchreis:	Waldshuèt
Nummereschild:	WT

Geografy

Brunnodèrè isch dè högschtglègeni Ortsdeil vo Wyylè.

Brunnõdèrè lyt im Südschwarzwald i dè Region Hochrhy, 8 km nordweschtlich vo Wyylè un obberhalb vo dè Alb im Weschtè un im Abschtand vo 1,4 km zuè Remètschwyl im Südè. S Dorf lyt i dè Nôchi vom Firscht vom Höchèschwander Bärg, wo s nördliche Nõchbòrdorf Dièfèhüsèrè, 1,1 km vo Brunnõdèrè entfèrnt, deheim isch. D B 500 füürt a Dièfèhüsèrè vorby, Brunnõdèrè lyt 400 m weschtlich devò, un dõdemit am obberè Rand vo dè Weschtflankè vom Höchèschwander Bärg un lycht abhäldig gegè s Albdal Sellèwäg hèt mò vo Brunnõdèrè è guèti Fèrnsicht i s Albdal un uff dè Hotzèwaald in Höchi vom Daggsbärg sowiè bi günschtiger Wetterlaag uff d Schwizer Alpè.

Kirche

Brunnadermer St. Martins-Kapèllè

Zmitts z Brunnõdèrè stòt d Dorfkapellè, wo im Heiligè Sankt Martin gwidmèt isch.

Gschicht

Èrschti Erwäänung hèt Brunnõdèrè in èrè Urkundè, datyrt uff s Johr 1266, vom Rudolf vo Habsburg gfundè. Brunnõdèrè isch zèrscht unter dè Hèrrschaft vo dè Hauèschteiner Grõfè gsi, spôter isch Brunnõdèrè a d Einig Höchenschwand übbergangè. Im Johr 1809 widderum hèt mò Brunnõdèrè dè Vogtei vo Immèeich im Albdal zuègschlagè. In geischtlichè Belang isch d Pfarrei Waaldkirch für Brunnõdèrè, glych wiè bi Remètschwyl, zuèschtändig gsi

Vokeersaabindig

Brunnõdèrè lyt im Abschtand vo 400 m weschtlich vo dè B 500. Vo Brunnõdèrè füürèd zwei Strõßè a d B 500. Südlich gòt d Dorfschtrõß als K 6552 uff Remètschwyl abbè. wo vom Rank èwäg èrscht uff Brunnõdèrè un denn witter a d B 500 gòt. Nõch Weschtè gòt dè Schützèwäg vo dè Dorfmitti i s Loch abbè Richtung Albdal, um a dè Dalwangè i d K 6551, wo vo Remètschwyl dehèr chunnt, übber z gò, selli Strõß vohürõtet sich bi dè Niddermülli mit dè Albdalschtrõß L 154.

Weblingg

 Commons: Brunnodere – Sammlig vo Multimediadateie