Ernest Bovet

en Schwizer Romanist
dr Ernest Bovet

Dr Ernest Bovet (* 24. Mai 1870 z Lausanne; † 25. August 1941 au dört) isch e Schwiizer Romanischt gsi.

s LääbeBearbeite

Dr Bovet het z Züri d Romanistik studiert und 1895 bim Heinrich Morf syni Dokterarbet gschribe. Er het denn a dr Uni z Rom gschaffet und isch 1901 als Nochfolger vom Heinrich Morf a dr Uni Züri Profässer für französischi und iteliänischi Literaturgschicht gsi.

Bis 1907 isch mit iim dr Jakob Ulrich Profässer am Romanischen Institut vo dr Uni Züri gsi, und sit 1907 dr Louis Gauchat.

Vo 1912 bis 1918 isch er dr Presidänt vom Schwiizer Heimetschutz gsi.

Nach synere Zyt z Züri het er vo 1922 bis 1939 als Generalsekretär für die Schwiizerischi Vereinigung füre Völkerbund gschaffet.

LiteraturBearbeite

  • Martin Rizek: Bovet, Ernest. In: Historisches Lexikon vo dr Schwiiz.
  • Ernest Bovet, seine Persönlichkeit, sein Werk: Festschrift zu seinem 70. Geburtstag. hrsg. von der Schweizerischen Vereinigung für den Völkerbund. Bern 1940.
  • Geoges Büttiker: Ernest Bovet, 1870–1941. Basel/Stuttgart 1971.
  • Landry Charrier: Ernest Bovet, la Société des Nations et l’idée d’Europe unie (1914-1923). In: Traverse. Zeitschrift für Geschichte. Revue d’histoire 2, 2010, S. 108-118.