Europäische Holocaust-Maandaag fir Sinti un Roma
Dr Europäisch Holocaust-Maandaag fir Sinti un Roma,[1] auch bekannt als Europäischer Holocaust-Gedenktag für die Roma,[2] maant all Joor am 2. Augschte an d Opfer vum Porajmos, em Velkermoord an dr europäische Sinti un Roma in dr Zyt vum Nazionaalsozialismus. D Gsamtaazaal vu dr Opfer vum Genozid wird uf 220.000 bis 500.000 gschetzt.
S Daatum vum Maandaag beziet si uf dr Moord an 4.200–4.300 gfangene Sinti un Roma,[3] in dr Hauptsach Fraue, Chinder un Alti, in dr Naacht vum 2. uf dr 3. Augschte 1944 im vu dr SS „Zigyynerlaager“ gnännte Dail vum Konzentrazioonslaager Auschwitz II. In e Dail Länder isch där Maandaag au an andere Dääg.
Iniziatiive ändere
Anne 2004 het d Werchowna Rada, s Barlemänt vu dr Ukraine bschlosse, ass e Holocaust-Maandaag fir d Roma yygfiert wiird.[4]
Anne 2009 hän au dr Nazionaalkungräss vu dr seerbische Roma (Romski Nacionalni Savet) un d di International Roma Union e soonige Maandaag voorgschlaa.[5]
Im Joor 2011 het s polnisch Barleänt dr Maandaag unter em Name Dzień Pamięci o Zagładzie Romów i Sinti yygfiert. Au Kroazie, Tschechie, Litaue un d Slowakei maane am 2. Augschte an dr Genozid an dr Roma.[6][7]
Am 15. April 2015 het s Europäisch Barlemämt aagregt, am 2. Augschte ne europawyte Maandaag fir d Roma yyzfiere.[8]
Anderi Iniziatiivbe zum Maandaag cheme vum Europaroot.[9]
Anderi Maandääg ändere
Z Finnland, z Dytschland, z Irland, z Itaalie, z Lettland, z Portugal, z Sloweenie, z Spaanie un z Schweede wird an dr Genozid an dr Roma am 27. Jänner, em Internazionaale Daag vum Maane an d Opfer vum Holocaust, gmaant. Z Tschechie git s näb em 2. Augschte drei anderi Maandääg, dr 7. Meerz, dr 13. Mai un dr 21. Augschte. Z Lettland wird an d Roma am 27. Jänner, am 8. April un am 8. Mai gmaant.[7][10]
Z Seerbie giltet dr 16. Dezämber as Roma-Maandaag, was uf s Ghaiß vum Himmler 1942 zur sischtemaatische Deportazioon vu dr Roma verwyyse duet.[5]
Weblink ändere
- 2. August – Internationaler Tag des Gedenkens an den Genozid an den Sinti und Roma. Eeschtryychisch Bundesminischterium fir Bildig, Wisseschaft un Foorschig.
Fueßnote ändere
- ↑ Home (en). Abgruefen am 8. Februar 2021 (de-DE).
- ↑ Entschließung des Europäischen Parlaments vom 15. April 2015 zum Internationalen Roma-Tag – Antiziganismus in Europa und Anerkennung durch die EU des Tags des Gedenkens an den Völkermord an den Roma während des Zweiten Weltkriegs. Europäisches Parlament, 31. Juli 2020, abgruefen am 1. August 2020 (deutsch).
- ↑ Sinti and Roma (Gypsies) in Auschwitz / Categories of prisoners / History / Auschwitz-Birkenau. Abgruefen am 8. Februar 2021.
- ↑ Andrej Kotljarchuk: The Nazi Massacre of Roma in Babi Yar in Soviet and Ukrainian Historical Culture. In: Baltic Worlds. Centre for Baltic and East European Studies, Södertörn University, 28. Mai 2015, abgruefen am 2. August 2020 (änglisch).
- ↑ 5,0 5,1 Milovan Pisarri: The Suffering of the Roma in Serbia during the Holocaust. Forum for Applied History, Belgrad 2014, S. 5 (cpi.rs [PDF; abgerufen am 2. August 2020]).
- ↑ OSCE/ODIHR. Europarat, abgruefen am 2. August 2020 (änglisch).
- ↑ 7,0 7,1 International Roma Day – anti-Gypsyism in Europe and EU recognition of the memorial day of the Roma genocide during WW II. (PDF) Europäisches Parlament, abgruefen am 2. August 2020 (änglisch).
- ↑ 24. Internationaler Roma-Tag – Antiziganismus in Europa und Anerkennung des Völkermords an den Roma im Zweiten Weltkrieg durch Begehen des Gedenktags in der EU. Europäisches Parlament, abgruefen am 2. August 2020.
- ↑ 2 August European Roma Holocaust Memorial Day. Europarat, abgruefen am 2. August 2020 (änglisch).
- ↑ Teaching about and Commemorating the Roma and Sinti Genocide: Practices within the OSCE Area. (PDF) OSCE, abgruefen am 2. August 2020 (änglisch).
|
Dä Artikel basiert uff ere fräie Übersetzig vu dere Version vum Artikel „Internationaler_Tag_des_Gedenkens_an_den_Genozid_an_Sinti_und_Roma“ vu de dütsche Wikipedia. E Liste vu de Autore un Versione isch do z finde. |