Chraftwärk Birsfälde
S Chraftwärk Birsfälde isch e Niiderdruck-Laufchraftwärk über em Rhii und lit zwüsche Birsfälde und em Chläibaasel. Es wird vo dr Schwizer Akziegsellschaft Kraftwerk Birsfelden AG mit Sitz z Birsfälde im Kanton Basel-Landschaft betriibe. S Chraftwärk liiferet e durchschnittligi Läistig vo öbbe 100 MW.
| Kraftwerk Birsfelden | ||
|---|---|---|
 | ||
| Laag | ||
| ||
| Koordinate | 614090 / 267777 | |
| Land | Schwiz | |
| Ort | Baasel, Birsfälde | |
| Gwässer | Rhii | |
| Kraftwärk | ||
| Bedriiber | Kraftwerk Birsfelden AG | |
| Blaningsaafang | Ändi vom 19. Joorhundert, konkret 1942 | |
| Bauzit | vo 1951 aa | |
| Betribaafang | 1954 | |
| Technik | ||
| Èngpassleischtig | öbbe 100 Megawatt | |
| Suschtiges | ||
| Dialäkt: Baseldütsch |
Gschicht und Bau
ändereSit em Ändi vom 19. Joorhundert häi sich verschiideni Undernäämergrubbe mit dr Brojektierig vom ene Chraftwärk befasst. Aber erst 1942 häi Basel-Stadt und Basel-Landschaft, wo d Stauaalaag zwüsche iire Rhiiufer hät sölle baut wärde, de zueständige Schwizer und badische Behörde iiri Blään underbräitet. Es isch denn no acht Joor gange, bis s Brojekt d Konzession überchoo het und d Chraftwärkgsellschaft am 16. Septämber 1950 gründet worde isch.
1951 het dr Archidekt Hans Hofmann dr Ufdraag überchoo, d Hoochbaute z blaane, und dr Stadtgärtner R. Arioli isch für die landschaftligi Gstaltig verantwortlig gsi.
D Chraftwärkgsellschaft het sich müesse verpflichte, ass Schiff zu jeder Zit zwüsche Baasel und Augst chönni vercheere und het wäge däm Schlöise müesse iiblaane. Wääred s Weer dr Hauptarm vom Rhii staut, si südlig vo dr Chraftwärkinsle im Nääbenarm zwäi Schlöise baut worde, wo 12 Meter bräit und 180, beziejigswiis 190 Meter lang si.
Über s Weer het mä e Fuessgänger- und Welowääg baut, dr Holzöpfelwääg, wo dr obersti Rhiiübergang z Baasel isch.
Die groossi Matte uf dr Chraftwärkinsle wird vo de Baasler as Noocherhooligsgebiet benützt.
Weblingg
ändere
Commons: Kraftwerk Birsfelden – Sammlig vo Multimediadateie- Kraftwerk Birsfelden AG
- Informationsblatt (Site cha nüme abgrüeft wärde; Suche im Webarchiv) (PDF)