Chraftwärch Reckingè
S Chraftwärch Reckingè isch è Laufwasserchraftwärch am Hochrhy, rund 700 Meter obberhalb vom Baanhof Rekingè. Well s Chraftwärchsgebäude uff dè badischè Sitè bim Ortsdeil Reckingè vo dè Gmeind Küssabärg lyt, wörd d Schrybwys mit ck bruucht un nit d Schrybwys vo dè am aargauerischè Ufer ligendè Gmeind Rekingè. S Chraftwärch isch zwǜschè 1938 un 1941 baut worrè, obwoll d Konzessionè scho 1928 erteilt worrè sin. D Zuèsatzkonzessionè, welli 1938 erdeilt worrè isch, laufed nõ bis 2020. S Gsuèch für d Erneuerig vo dè Konzession isch frischtgrächt gschtellt worrè.[2]
| Kraftwerk Reckingen | ||
|---|---|---|
 | ||
| Laag | ||
| ||
| Koordinate, (CH) | 47° 34′ 14″ N, 8° 20′ 18″ O (667692 / 269263) | |
| Land | Dütschland, Schwiz | |
| Ort | Rekingè, Küssabärg | |
| Gwässer | Hochrhy | |
| Höchi Obberwassèr | 335,2 m ü. M. | |
| Kraftwärk | ||
| Eigedümer | 50 % EnBW Energy Baddè-Württèbärg AG[1] 30 % AEW Energy AG[1] 20 % Axpo Power AG[1] | |
| Bedriiber | Axpo Power AG | |
| Blaningsaafang | 1928 | |
| Bauzit | 1938-1941[1] | |
| Technik | ||
| Èngpassleischtig | 38[1] Megawatt | |
| Uusbaudurrèfluss | 560[1] m³/s | |
| Regelarbetsvomögè | 252[1] Millione kWh/Johr | |
| Turbinè | 2 Kaplan-Turbinè[1] | |
| Suschtiges | ||
Aafänglich isch s Chraftwärch durch d Lonza z Basèl betribbè worrè, un d Leischtig un diè erzügti Energy gmäss urschprünglichè Vodrääg jewyls zu 50 % uff d Schwiz un s Land Baddè vodeilt worrè. Hüt sin d Eigèdumsvohältnis wiè folgt greglèt: D EnBW Energy Baddè-Württèbärg AG haaltet 50 %, d AEW Engergy AG 30 % un d Axpo Power AG 20 %. D Betrybsfüürig wärd sit 2003 durch d Axpo Power AG wòrgnõ.[1]
S Chraftwärch staut dè Rhy uff è Höchi vo 335,2 m ü. M. un ènèrè Längi vo 11,5 Kilometer, un langèd somit bis i dè Unterwasserberych vom Chraftwärch Eglisau. S Stauweer un s Chraftwärchsgebäude bilded zämmè d Stauschtufè. S Weer hèt è lichti Witi vo 69 Meter sowiè drei Öffnungè vo 20 Meter. D Doppelschütz hèn è Höchi vo 12 Meter un sin als sechs Meter hochi Hackèschütz uusbildet. Im Obberwasser sin für dè Notabschluss drei Dammbalchè vorgsää. A beidè Ufersitè git s è Fischschtägè. D Bootsrampè lyt uff dè schwizerischè Sitè.
S Maschinnèhuus hèt è Grundabmessig vo 64,6 uff 18,5 Meter, s hèt zwei vertikalachsigi Maschinnègruppè dinnè. Selli bschtôn jewyls uss einèrè Kaplanturbinè mit enèrè Schluckfähigkeit vo 280 m³/s, a welli dirèkt èn Drèèschtròmgenerator mit ènèrè Leischtig vo 22'000 kVA kupplèt worrè isch. Sellè erzügt bi 75 Umdrehungè pro Minutè è Spannig vo 11 Kilovolt bi nèrè Frequènz vo 50 Hertz. D Generatorschpannig wörd mit Hǜlf vo Transformatorè bi dè schwizerischè Ableitig uff 50 Kilovolt un bi dè dütschè Ableitig uff 110 Kilovolt brocht.
S Chraftwärch isch vo dè Motor-Columbus AG z Badè blaant worrè. Selli Firma hèt au d Bauleitig gmacht, als örtlichè Bauleiter isch dè Ingenieur Dr. F. Gugler tätig gsi.
Diè rächtsrheinischi (uff dè badischè Sitè) blaanti Schiffsschlüüsè isch nit uusgfüürt worrè.
Literadur ändere
- Schweizerischer Wasserwirtschaftsverband und Verband Schweizerischer Elektrizitätswerke (Hrsg.): Führer durch die schweizerische Wasser- und Elektrizitätswirtschaft, Band 2, 1949, S. 639-642
Weblingg ändere
Commons: Kraftwerk Reckingen – Sammlig vo MultimediadateieEinzelnõchwys ändere
- ↑ 1,0 1,1 1,2 1,3 1,4 1,5 1,6 1,7 1,8 Historie uf de Website vom Chraftwärch Reckinge
- ↑ Konzession (Memento vom 19. Augschte 2014 im Internet Archive) uf de Website vom Chraftwärch Reckinge
| Di nögscht Brugg flussufwärts: Fhybrugg Kaiserschtuèl-Hohètèngè |
Bruggene öber de Rhy | Di nögscht Brugg flussabwärts: Rhybrugg Zurzi-Rhiènè |
|
Dä Artikel basiert uff ere fräie Übersetzig vu dere Version vum Artikel „Kraftwerk_Reckingen“ vu de dütsche Wikipedia. E Liste vu de Autore un Versione isch do z finde. |