Alemannische Wikipedia

Martin Schulz

ditsche Bolitiker

Dr Martin Schulz (* 20. Dezämber 1955 z Hehlrath bi Aachen) isch e dytsche Bolitiker (SPD) un vum 19. Merz 2017 bis zum 13. Februar 2018 SPD-Barteivorsitzer gsii. Von 1987 bis 1998 isch er Burgermaischter vu Würselen (NRW) gsii. Syt 1994 isch dr Schulz Abgordnete un vu 2012 bis 2017 isch er mit Unterbrächig Bresidänt vum Europäische Barlemänt gsii.

Martin Schulz (2014)
Unterschrift von Martin Schulz
Unterschrift von Martin Schulz

Bi dr Bundesdagswahl 2017 isch dr Schulz Chanzlerkandidat vu syre Bartei gsii.

Familie, Uusbildig un Beruef

ändere

Dr Schulz isch anne 1955 z Hehlrath (hite ne Dail vu Eschweiler) as jingschts vu fimf Chinder uf d Wält chuu. Sy Vater isch e Bolizischt im mittlere Dienscht gsii un isch us ere sozialdemokratisch orientierte Bärgmannsfamilie chuu. Sy Mutter Clara chunnt us ere sträng konservativ-katholische Familie un het zue dr Grindigsmitglider vum CDU-Ortsverband Würselen ghert.[1] Vu 1966 bis 1974 isch er uf s privat katholisch Heilig-Geist-Gymnasium vu dr Missionsgsellschaft vu dr Spiritaner im Würselener Stadtdail Broich gange. Wäge schlächte schuelische Laischtige in dr Oberstufe isch dr Schulz nit zum Abitur zuegloo wore. Är het d Schuel derno im Juli 1974 mit dr Fachoberschuelryfi verloo.[2]

Dr Schulz het urspringli e Profi-Fueßballspiiler bi Alemannia Aachen welle gee, e schwäri Chnyyverletzig as Fueßballspiiler bi sym Jugendverain Rhenania Würselen (Linksverdaidiger) het aber e megligi Profi-Karriere verhinderet.[3]

Mitti vu dr 1970er-Johr isch dr Schulz as Jugedlige zum Alokoholiker wore. Iber die Zyt het er gsait: „Ich war ein Sausack und kein besonders angenehmer Schüler“.[4] Syt 1980 läbt er abschtinänt.[5]

Nodäm er e Johr lang arbetlos gsii isch, het er 1975 bis 1977 e chaufmännischi Lehr zum Buechhändler gmacht.[6] In dr fimf Johr druf het er bi verschidene Verlag[7] un Buechhandlige gschafft, bis er anne 1982 mit syre Schweschter Doris en aigeni Sortimänts- un Verlagsbuechhandlig z Würselen grindet het, bis 1994 isch er au Mitinhaber gsii.[8]

Dr Schulz isch mit ere Landschaftsarchitäkti ghyrote[9] un het zwai großi Chinder, e Suhn un e Dochter. Är läbt mit syre Frau Inge z Würselen.[10] Näbe Dytsch schwätzt er au Franzesisch, Änglisch, Niderländisch, Spanisch un Italienisch.[11][12] In syre Haimetstadt schwätzt er s Wöschelter Platt[13]

Bolitik

ändere

Im Alter vu 19 Johr isch dr Schulz in d SPD yydrätten un het si ab 1974 bei d´r Jusos engaschiert. Anne 1984 isch er in dr Würselener Stadtrot gwehlt wore, wun er bis 1998 fascht zwoo Wahlperiode as SPD-Stadtverordnete aaghert het. 1987 isch er Burgermaischter vu Würselen wore. Mit 31 Johr isch er dodmol dr jingscht Burgermaischter z Nordrhy-Weschtfale gsii. Des Amt het er bis 1998 ghaa.

Bi dr Europawahl 1994 isch dr Schulz in s Europäisch Barlemänt gwehlt wore un isch zwische 2000 un 2004 Vorsitzer vu dr dytsche SPD-Landesgruppe gsii. Syt dr Europawahl 2004 het er dr Vorsitz vu dr Sozialistische Fraktion im Europabarlemänt ghaa, as Noofolger vum Spanier Enrique Barón Crespo. Syt em 13. Novämber 2009 isch er dr Europabeufdraite vu dr SPD, go d Koordinierig vu dr Barteiarbet mit dr EU-Bolitikebeni z verbessere. Är isch au Mitglid vu dr iberbarteilige Europa-Union Dytschland.[14]

Am 17. Jänner 2012 isch dr Schulz im erschte Wahlgang zum Bresidänt vum Europabarlemänt gwehlt wore. Bi dr Europawahl 2014 isch er Kandidat fir s Amt vum Kommissionsbresidänt vu dr Sozialdemokratische Bartei vu Europa un Spitzekandidat vu dr SPD gsii. No dr Europawahl isch er am 18. Juni 2014 wider zum Fraktionsvorsitzer gwehlt wore..[15] Des Amt het er niderglait, wun er am 1. Juli 2014 mit 66,8 % wider zum Bresidänt vum Barlemänt gwehlt woren isch.[16][17] Im Jänner 2017 isch dr Italiener Antonio Tajani zue sym Noofolger as Bresidänt vum Europa-Barlemänt gwehlt wore.

Am 29. Jänner 2017 isch dr Schulz vum SPD-Barteivorstand aistimmig as Chanzlerkandidat vu syre Bartei fir Bundesdagswahl 2017 nominiert wore. Uf eme usserordelige Barteidag am 19. Merz 2017 isch dr Martin Schulz mit 100 Brozänt vu dr giltige Stimme zum SPD-Barteivorsitzer gwehlt wore.[18] Derzue isch er offiziäll as Chanzlerkandidat vu dr SPD fir d Bundesdagswahl 2017 bstetigt wore. Bi dr Bundesdagswahl am 24. Septämber 2017 het d SPD 20,5 % vu dr Stimme iberchuu un isch dodermit uf schlächtscht Ergebnis in dr Noochriegsgschicht chuu.[19] Uf em Bundesbarteidag vu dr SPD aafangs Dezämber 2017 isch dr Schulz mit 81,9 % as Barteivorsitzer widergwehlt wore.[20]

Am 7. Februar 2018 isch noch em Abschlkuss vu dr Koalitionsverhandlige mit dr Union bekannt wore, ass er Usseminischter soll wäre un dr Barteivorsitz an d Andrea Nahles abgit.[21][22] Noch innerbarteiligem Druck het er 9. Februar 2018 schriftli sy „Verzicht uf dr Yydritt in d Bundesregierig“ verchindet.[23][24] Am 13. Februar 2018 isch er vum Amt vum SPD-Barteivorsitzer zruggdrätte.

Schrifte

ändere

Literatur

ändere
ändere
  Commons: Martin Schulz – Sammlig vo Multimediadateie

Fueßnote

ändere
  1. ↑ Munzinger Personen:Martin Schulz (Memento vom 1. März 2017 im Internet Archive) uf www.munzinger.de
  2. ↑ Unter Eierköppen. Der Spiegel. 11. März 2013. Abgrüeft am 6. Februar 2014.
  3. ↑ http://www.rp-online.de/politik/deutschland/martin-schulz-der-weltpolitiker-aus-wuerselen-aid-1.6393141
  4. ↑ http://www.n-tv.de/politik/Sausack-Schulz-machts-spannend-article18862256.html
  5. ↑ So überwand EU-Parlamentspräsident Schulz seine Alkoholsucht. DIE WELT, 17. Dezember 2012, abgruefen am 1. Mai 2014.
  6. ↑ Martin SCHULZ. Europäisches Parlament. Abgrüeft am 19. Januar 2012.
  7. ↑ Martin Schulz. SPD. 15. November 2013. Archiviert vom Original am 14. Februar 2014. Abgrüeft am 14. Februar 2014.
  8. ↑ Martin Schulz, MdEP. SPD Aachen. Archiviert vom Original am 13. Juli 2015. Abgrüeft am 14. Februar 2014.
  9. ↑ Archivierte Kopie. Archiviert vom Original am 9. Februar 2017; abgruefen am 24. November 2016.
  10. ↑ Martin Schulz, MdEP. SPD-Unterbezirk Kreis Aachen, 2014, archiviert vom Original am 2. Mai 2014; abgruefen am 1. Mai 2014.
  11. ↑ Unter Eierköppen – Der Deutsche Martin Schulz spielt eine zentrale Rolle in Europa.
  12. ↑ Martin Schulz: Mister Europa?. Zeit Online. 20. Februar 2014. Abgrüeft am 4. März 2014.
  13. ↑ Martin Schulz. Ein Vollblut-Europäer für Deutschland, MDR, 25. Jänner 2017
  14. ↑ Europa-Union Parlamentarier im Europäischen Parlament. europa-union deutschland. Archiviert vom Original am 23. Dezember 2016. Abgrüeft am 19. Januar 2012.
  15. ↑ Utta Tuttlies: S&D Fraktion wählt Martin Schulz zum neuen Fraktionsvorsitzenden (Memento vom 14. Juli 2014 im Internet Archive) uf www.socialistsanddemocrats.eu. 18. Juni 2014.
  16. ↑ Die S&D Fraktion wählt heute ihren neuen Fraktionsvorsitzenden. S&D Fraktion im Europäischen Parlament. 1. Juli 2014. Archiviert vom Original am 14. Juli 2014. Abgrüeft am 1. Juli 2014.
  17. ↑ Martin Schulz ist erneut Präsident des EU-Parlaments. Die Welt. 1. Juli 2014. Abgrüeft am 1. Juli 2014.
  18. ↑ cte/Reuters/AFP: Schulz mit 100 Prozent zum SPD-Parteichef gewählt. In: Spiegel Online. 19. März 2017, abgruefen am 19. März 2017.
  19. ↑ Das Wichtigste im Überblick (Memento vom 27. Septämber 2017 im Internet Archive), tagesschau.de, 25. Septämber 2017.
  20. ↑ SPD hält an Schulz fest - und wählt sechs Parteivizes, Süddeutsche, 7. Dezämber 2017
  21. ↑ SPD: Schulz soll Außenminister werden - und Parteivorsitz an Nahles abgeben. In: Spiegel Online. 7. Februar 2018, abgruefen am 7. Februar 2018.
  22. ↑ Wechsel an der Parteispitze: Schulz macht SPD-Vorsitz für Nahles frei. In: Tagesschau. 7. Februar 2018, archiviert vom Original am 7. Februar 2018; abgruefen am 7. Februar 2018.
  23. ↑ Schulz verzichtet auf Außenministerium. In: Deutschlandfunk. 9. Februar 2018, archiviert vom Original am 10. Februar 2018; abgruefen am 9. Februar 2018.
  24. ↑ Schulz verzichtet auf Amt des Außenministers. In: Die Welt. 9. Februar 2018, abgruefen am 9. Februar 2018.
  25. ↑ Plädoyer für ein besseres Europa. Deutschlandfunk. 18. März 2013. Archiviert vom Original am 3. Februar 2017. Abgrüeft am 3. Mai 2014.
  Dä Artikel basiert uff ere fräie Übersetzig vu dere Version vum Artikel „Martin_Schulz“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Martin_Schulz&oldid=1008402"