Hauptmenü ufmache

Rapperswil-Jona

e politeschi Gmaind, wo 2007 dur e Fusion entstanden isch

Rapperschwil-Jona isch sit em 1. Januar 2007 e politischi Gmeind im Kanton Sanggalle, wo dur e Fusion entstande isch. Rappi-Jona isch mit 26'989 Iwohner (31. Dezember 2017) die zweitgröscht Stadt im Kanton – noch de Stadt San-Galle. D Gmeind bestoht us de ehemalige Gmeinde Rapperschwil und Jona, mit de Ortschafte Rapperschwil, Jona, Kemprate, Waage und Bollinge.

Rapperswil-Jona
Wappe vo Rapperswil-Jona
Basisdate
Staat: Schwiiz
Kanton: St. Galle (SG)
Wahlchrais: See-Gaschterw
BFS-Nr.: 3340i1f3f4
Poschtleitzahl: 8640 Rapperswil
8645 Jona
8646 Wagen
8715 Bollingen
8640 Kempraten
UN/LOCODE: CH ZJW (Rapperswil)
CH JON (Jona)
CH WAN (Wagen)
Koordinate: 705500 / 23180047.2286988.831764409Koordinaten: 47° 13′ 43″ N, 8° 49′ 54″ O; CH1903: 705500 / 231800
Höchi: 409 m ü. M.
Flächi: 22,17 km²
Iiwohner: i26'989 (31. Dezämber 2017)[1]
Uusländeraateil: 18,6 % (31. Dezember 2009)[2]
Website: www.rapperswil-jona.ch
Charte
PfäffikerseeZüriseeEntenseeliAatalweierSihlseeWägitalerseeObersee (Glarus)WalenseeKanton Appezäll UsseroodeKanton GlarusKanton SchwyzKanton ZüriWahlkreis SarganserlandWahlkreis ToggenburgAmdeBänggeErnetschwilEschebachGoldigeGommiswaldChaltbrunnRapperswil-JonaRiedeSanggalechappelSchänisSchmärkeUzneWeseCharte vo Rapperswil-Jona
Iber des Bild
ww

GeografiBearbeite

Rapperschwil-Jona isch di südweschtlichscht Gmeind im Kanton San-Galle und isch am rechte Züriseeufer gläge. Dank em Seeufer, de Altstadt und em Chinderzoo vom Zirkus Knii isch d Stadt en beliebte Usflugsort. Vo Rappi füehrt de Seedamm uf Pfäffike SZ wo de Zürisee in Obersee und de Hauptsee trennt. Nachberstädt sind Hombrächtike, Buebike, Rüti, Eschebach, Schmärke, und über em Zürisee Hurde (Gmeind Freiebach), Altedorf, Lache und Wange. Wie uf ere Halbinsle lit d Altstadt vo Rapperschwil mit em Schloss und de Chile. Nördlich devo, über de Bucht, isch Kemprate und de Lenggis. Öschtlich schlüsst sich Jona a und im Süde isch Busskirch, diräkt am Obersee. Im Oschte vo Jona isch s Erle-Quartier. Und no e chli witer im Oste a de Hauptstross Richtig Ricke isch Waage. A de Stross uf Schmärke lit Bollinge, es Dörfli am See.

JonaBearbeite

Jona isch bis am 31. Dezember 2006 e Gmeind im Wahlkreis See-Gaster im Südwesten vom Kanton San-Galle mit öppe 17'700 Iwohner und dodemit die zweitgröscht Stadt vom Kanton gsi. S Dorf wird vom Fluss Jona durflosse wo im Stampf in Obersee flüsst. Im Nordoschte vom Gmeindsgebiet häts Wald. Am Obersee entlang isch de Strandwäg, wo vo Schmärke über Bollinge, Wurmsbach bis zum Seedamm z Rappi füert.

FusionBearbeite

Rapperschwil und Jona sind scho länger fast zämegwachse. Us de Luft isch d Gränze fascht unsichtbar gsi. Nach zwei erfolglose Abstimmige, hät d Bevölkerig im Johr 2003 annere Abschtimmig de Fusion vo Rapperschwiil (2001: 7'400 Iwohner; Ja-Ateil 82 %) und Jona (2001: 17'100 Iwohner; Ja-Ateil 52 %) zuegstimmt. De Fusionsvertrag isch im Früelig 2005 vo de Bevölkerig vo beide Gmeinde aagno worde. Rapperschwil und Jona händ am 1. Januar 2007 fusioniert und dozmol zämme über 24'000 Iwohner gha. Rapperschwil-Jona isch dodemit nach de Stadt San-Galle iwohnermässig di zweitgröscht Gmeind im Kanton worde.

WappeBearbeite

Uf em Wappe sind d Rapperschwiler Rose und de Fluss Jona abbildet. S neu Wappe isch a de Gmeindsversammlig am 1. Dezember 2005 aagno worde.

InduschtriiBearbeite

International bekannti Unternähme wo de Sitz z Rapperschwil-Jona hend, sind d Geberit wo WCs und suschtigi sanitäri Alage macht und de Zementproduzent Holcim.

MedieBearbeite

D Wuchezitig Obersee Nachrichte und d Zürisee-Zitig Obersee (het früener Linth-Zeitung gheisse), beidi z Rappi aasässig, prichted über die aktuelle Theme vo de Stadt und de Region. S Stadtmagazin wird jede Monät usegä.

Sit 1994 hät s Radio Zürisee sis Studio z Rappi, grad i de Nöchi vom Bahnhof.

SportBearbeite

Z Rappi-Jona häts vil Sportverein wo mer verschideni Sportarte cha lerne und trainiere.

SportalageBearbeite

D Stadt het vili Sportalage. Zum Bispil de Stampf, s Grüenfeld, e paar Badi und Schwimmbäder und Turnhalle.

S GrüenfeldBearbeite

Im Grüenfeld häts es Tschutti-Stadion, e 400-Meter-Rundbahn zum renne, vili Tschutti-Plätz, e Volleyballalag und Fuuschtball- und Tennisfelder.

Stampf (Badi)Bearbeite

De Stampf isch 2008 vergrösseret worde und lit am Zürisee. Es hät en 5-Meter-Sprungturm, Volleyballfelder, e Wasserrutschi und es chlises Schwimmbecki für Baby. S het Lüt wo döt es Zelt hend wils au en Camping-Platz isch. Es het au es Restaurant döt. Badmeister überwached de Badebetriib.

VerastaltigeBearbeite

IronmanBearbeite

De Ironman 70.3 Switzerland findet immer im Juni statt. Es isch en Triathlon mit 1,9 km schwimme, 90 km Velo fahre und 21,1 km laufe.

SchlosslaufBearbeite

De Schlosslauf isch im Oktober i de Altstadt. Öppe 1000 Läufer i unterschidlichem Alter mached amel mit.

RegattaBearbeite

Im Herbscht findet amel d „Obersee Regatta“ statt. D Ruederregatta mit enere Distanz vo 1000 Meter.

VereinBearbeite

Rappi-Jona LakersBearbeite

Z Rappi sind d Lakers dihei. Si spiled i de Nationalliga A, sit em Ufstiig 1994 i de höchschte schwizer Hockeyliga.

FC Rappi-JonaBearbeite

Di erscht Mannschaft vom FC Rapperswil-Jona, spilt i de erschte Liga Promouschen und chönnted nöchscht Joor ufschtiige. Er isch 1928 gründet worde.

SchueleBearbeite

VolksschuelBearbeite

D Primarschuel (aktuell im 2012) isch i de Schuelhüser Hanfländer, Bollwiis, Schache, Herreberg, Wide, Lenggis und Dorf, d Oberstufe sit em August 2012 (d Sek und Real) i de Schuelhüser Bollwiis, Burgerau, Wide, Chrüzstross und Rai. Bis im Juli 2012 sind d Real und d Sek i trennte Gebäude gsi.

FachhochschuelBearbeite

Z Rappi isch s Tech, s Technikum Rapperschwil (HSR), mit de Schwerpünkt Technik/Informatik und Bau/Planig.

BruefsschuelBearbeite

Am Bruefs- und Witerbildigszentrum Rapperschwil (BWZ) chamer Grundusbildige und Witerbildige wie Sprachkürs mache.

ZirkusBearbeite

De schwizer Nationalzirkus Knii het do sis Winterquartier und sin Sitz. Am Knii ghört au de bekannti Chinderzoo.

KulturBearbeite

VerastaltigeBearbeite

blues’n’jazzBearbeite

Z Rapperschwil-Jona findet s blues’n’jazz-Fest statt (3 Täg). Pro Johr chömed 35'000 bis 40'000 Bsuecher und es isch eini vo de gröschte Kulturverastaltige vo de Obersee-Region. 1999 häts s erschte Mol stattgfunde.

SeenachtsfestBearbeite

I de Altstadt und um de Hafe findet alli drü Johr s Seenachtsfest statt. 2009 sinds 80'000 Bsuecher gsi.

ChristchindlimärtBearbeite

Sit 2002 findet jewils Mitti Dezember i de Altstadt vo Rappi en Wienachtsmärt statt, de sogenannt Christkindlimärt. Mit über 20'000 Besuchern eine vo de gröschte schwizer Wienachtsmärt.[3]

Fasnacht und Eis-zwei-GeissebeiBearbeite

S Eis-zwei-Geissebei am Fasnachtszischtig z Rapperschwil bim Rathus isch eine vo de ältischte Brüch z Rapperschwil.[4]

FrüeligsfeschtBearbeite

S Früeligsfescht z Jona isch für d Stadt Rapperschwil-Jona en wichtige Ahlass und wird sit 30 Johr im April duregfüehrt; s isch s gröscht Fescht i de Region. Im Johr 2011 wär fascht s Endi vom Früeligsfescht gsi, wenn s ke neus Organisationskomitee bildet het. S Komitee bestoht us je eim Vertreter vo de mitmachende Verein: Feldmusig, Mannechor, Skiclub, Jona-Uznach Flames, CVP und 91er Mens Club Rapperswil-Jona. De Alass isch jedes Johr vom Fritig bis Suntig am letschte April-Wuchenänd.[5]

KulturhüserBearbeite

KunschtzüghusBearbeite

S Kunstzüghus het 2008 eröffnet und isch imene ehemalige Züghus. Es sind öppe 5000 Kunstwerk vo schwizer Gegewartskunst usgstellt.

Villa GrüenfelsBearbeite

I de Villa Grüenfels sind d Jugendmusigschuel und d Chällerbühni Grüenfels.[6]

 Chällerbühni GrüenfelsBearbeite

I de Chällerbühni vo de Villa Grüenfels werded Musig, Kabarett und Theater us de Chlikunst-Szene zeigt. D Villa isch grad nebedem Bahnhof Jona (S5/S15).

ZAKBearbeite

S Zentrum für aktuelli Kultur (ZAK) isch es Kulturlokal für junge Persone. Im ZAK werded verschideni kulturelli Verastaltige duregfüert. S chan au gmietet werde.

BilderBearbeite

PersönlichkeiteBearbeite

WeblinkBearbeite

FuessnoteBearbeite

  1. Ständige und nichtständige Wohnbevölkerung nach Jahr, Kanton, Bezirk, Gemeinde, Bevölkerungstyp und Geschlecht (Ständige Wohnbevölkerung). In: bfs.admin.ch. Bundesamt für Statistik (BFS), 2018-08-31. Abgrüeft am 2018-09-30.
  2. Rapperswil-Jona in Zahlen Archivlink (Memento vom 21. Novämber 2010 im Internet Archive), Stadt Rapperswil-Jona, abgerufen am 12. April 2011
  3. Christchindlimarkt
  4. Website Rappi-Jona, Gschicht
  5. Archivierte Kopie. Archiviert vom Original am 2014-04-15. Abgrüeft am 2013-06-07.
  6. [1] (Site cha nüme abgrüeft wärde; Suche im Webarchiv)[2] [3] Vorlage:Toter Link/www.rapperswil-jona.ch



  Dä Artikel basiert uff ere fräie Übersetzig vum Artikel „Rapperswil-Jona“ vu de dütsche Wikipedia.

E Liste vu de Autore un Versione isch do z finde.