Reformierti Chile Ammerschwil

Di reformierti Chile Ammerschwil isch di reformiert Dorfchile in de aargauische Gmeind Ammerschwil in de Schwiiz. Si isch im 1275i zum erschte Mol in ere Urkund erwähnt worde und bi de Iiführig vo de Reformation in Bärn und sine Untertanegebiet zu ere reformierte Chile worde.

D Chile vo Ammerschwil

Gschicht

D Chile het ursprünglich numme us eme romanische Chileschiff bschtande und isch em Aposchtel Petrus gweiht gsi. Immer wider isch si erwiteret und verändert worde. Im Johr 1350 het mer si mit Fresken aagmoolet, wo me am Änd vom 15. Johrhundert bi ere Renovation wider übertüncht het. Witeri Veränderige hei sich ergäh, will de Chileturm, de Sakrischtei und im 1640i de Chor aabout worde-n-isch. Au di romanische Faischter het me durch Spitzbogefaischter ersetzt. Di Chileturmuhr mit eme schmiideiisige Uhrwerch isch im 1604 iibout worde. Bis ins 1948i isch s Uhrwerch in Betrieb gsi und me cha s hüt im Spycher aaluege. Bi de Innerenovation vo 1904 het me d Freske wider freiglait und im 1948 isch di letzscht Userenovation gsi.

D Sylvia Michel isch vo 1964 bis 1981 z Ammerschwil Pfarrerin gsi.

Weblink

 Commons: Reformierte Kirche Ammerswil – Sammlig vo Multimediadateie

47.3713598.209249