Chile Bärgdietike

Di Chile Bärgdietike isch di reformiirti Dorfchile in de Gmeind Bärgdietike im Schwiizer Kanton Aargau. De Chilebau isch im 1960 aagfange worde und im 1961 isch d Iiweihig gsi.

D Chile Bärgdietike

Gschicht

Di Reformiirte vo Bärgdietike hei bis im Johr 1940 zu de Zürcher Chilegmeind Dietike-Urdorf ghört. De Grossi Rot vom Kanton Aargau het dann, wo di reformiirti Chilegmeind Schpreitebach gründt worde-n-isch, entschide, dass Bärgdietike als Teilchilegmeind zu dere Chilegmeind chunnt. Sit em 1984 isch di reformiirti Chilegmeind Bärgdietike selbschständig.

Chilebau

S Gebäud het de Architekten Zschokke entworfe und bauet. De Chileruum het d Form vo eme Zält und de Chileturm stoht frei denebe. Im Turm sind viir Glocke, wo d Näme vo de vier Evangelischte übercho hei. In de Chile het's Glasfaischter vo eme Schpreitebacher Künschtler. D Orgle isch vo de Firma Metzler Orgelbau us em benachbarte Dietike bauet worde. Di letzscht Renovation vo de Chile isch im 1985 gsi.

Weblinks

 Commons: Chile Bärgdietike – Sammlig vo Multimediadateie

• Informatione über d Chile uf de Website vo de Gmeind Bärgdietike
• Informatione über d Chile uf de Website vo de reformiirte Landeschille

47.3896348.388178