Reformierti Chile Birr

Di reformierti Chile Birr isch di reformierti Dorfchile in de aargauische Gmeind Birr in de Schwiiz. Si isch im Johr 1662 bout worde, het aber älteri Vorgängerbaute. Di erscht Erwähnig in ere Urkund von ere Chile z Birr isch us em 1370i. Mit de Iiführig vo de Reformation z Bärn isch au Birr und dodermit d Chile reformiert worde.

Chile Birr

Gschicht

Di älteschti Chile z Birr, wo an de selbe Schtell gschtande-n-isch, isch us de Zit ums Johr 1000. Di hütig Chile het mindescht 3 Vorgängerbaute, wo me bi de Grabige im 1972i gfunde het. Di erschti Chile isch öppe halb so breit und halb so lang gsi, wi di hütigi. An de Wendi vom 12. zum 13. Johrhundert het me di Chile mit ere Apsis erwiteret. Vermuetlich im 14. Johrhundert isch dann s Chileschiff um die gliichi Lengi, wo si scho gha het, verlängeret worde. Im 16. Johrhundert het me de Chileturm aabout, und im 1662 isch di hütig Chile errichtet worde und zwar vom Baumeischter Abraham Dünz, wo au di praktisch bouglich Chile z Gräniche bauet het.

Weblinks

• Informatione zu de Baugschicht vo de Chile uf de Website vo de reformierte Chilegmeind

47.4370078.201315