Reformierti Chile Wettige
Di reformierti Chile Wettige isch d Chile vo de evangelisch-reformierte Chilegmeind Wettige-Noiehof. Si isch im Johr 1939 poue worde.
Vorgschicht ändere
Für e churzi Ziit isch s Chloschter und s Dorf Wettige reformiert gsi, was aber mit em zweite Chappelerchrieg im 1531i es Änd gfunde het. Wettige isch e katholischi Gmeind blibe, bis es wäge de Iirichtig vom Lehrerseminar im ehemalige Chloschter und wäge de Induschtrialisiirig wider Reformierte in de Gmeind gäh het.
D Gottesdienscht sin am Aafang im Seminar gfiiret worde. Im Johr 1877 isch dann di Reformierti Chilegnosseschaft Wettige-Noiehof gründt worde un de Kanton Aargau het dere Gnosseschaft im gliiche Johr erlaubt, in de Chloschterchile Gottesdienscht z fiire. Im 1920i het dann de Grossi Rot zugschtimmt die Gnosseschaft in e Chilegmeind umzwandle. Di Chilegmeind het dann im 1926i Land kauft und da druf s erschti Pfarrhuus poue.[1]
D Chile ändere
Di Bouphase ändere
Uf em Land, wo d Chilegmeind im 1926i kauft het, isch im 1939i di reformiert Chile Wettige poue worde. S Projekt het de Zürcher Architekt Walter Henauer gwonne[1] un so isch sis Projekt realisiirt worde. Will im 1939i de Zweit Weltchrieg usbroche-n-isch, het me de Chileturm ned so hoch chönne boue, wis am Aafang planet isch gsi. S Boumatrial isch nämlich für d Befeschtigung vo de Limmatstellig bruucht worde. Statt 18 Meter isch de Turm deshalb hüt numme 14 Meter höch.
S Chilegebäude ändere
Di Chile isch, typisch reformiert, im Innere nüchtern und hell gschtaltet. Si het insgsamt 340 Plätz, dodervo 120 uf de Empore. Öppis bsunders isch d Platziirig vo de Goll-Orgle, wo im Chorruum stoht.[2] Sit de Renovation im Johr 1982[3] het d Chile kei Bänk me, sondern Schtüehl.
D Glocke ändere
S Glüüt vo de reformierte Chile bschtoht us 5 Glocke, wo vo de Landesusstellig Züri uf Wettige cho sind und im November 1939 ufezoge worde sin.
Literatur ändere
- Ortsbürgergemeinde Wettingen (Hrsg.): Geschichte der Gemeinde Wettingen. Baden, 1978.
- Organisationskomitee des Jubiläumsfestes (Hrsg.): Die reformierte Kirche Wettingen. 75 Jahre im Dienst der Kirchgemeinde, Wettingen 2014.
- Lutz Fischer: Ein steiniger Weg. Zum Bau der reformierten Kirche Wettingen 1938/39 bis zur Einweihung der Orgel 1941, in: Badener Neujahrsblätter 2015, S. 148-153.
Weblink ändere
Commons: Reformierte Kirche Wettingen – Sammlig vo MultimediadateieEinzelnochwiis ändere
- ↑ 1,0 1,1 Geschichte der Gemeinde Wettingen S. 456
- ↑ http://www.ref-ag.ch/kirchgemeinden_mitglieder/kirchgemeinden/Kirchliche_Gebaeude_Wettingen.php (Site cha nüme abgrüeft wärde; Suche im (Site cha nüme abgrüeft wärde; Suche im [http://wayback.web.archive.org/web/*/http://www.ref-ag.ch/kirchgemeinden_mitglieder/kirchgemeinden/Kirchliche_Gebaeude_Wettingen.php Webarchiv) Webarchiv])
- ↑ Archivierte Kopie. Archiviert vom Original am 16. Dezember 2014; abgruefen am 10. August 2009.
Koordinate: 47° 27′ 46,3″ N, 8° 19′ 8,3″ O; CH1903: 666376 / 257270
|
Dä Artikel basiert uff ere fräie Übersetzig vum Artikel „Reformierte_Kirche_Wettingen“ vu de dütsche Wikipedia. E Liste vu de Autore un Versione isch do z finde. |