Reformierti Chile Birrbu

Di reformierti Chile Birrbu isch di reformiert Dorfchile von de aargauische Gmeind Birrbu in der Schwiiz.

Gschicht

D Chile vo Birrbu isch im Johr 1275 zum erschte Mol in ere Urkund gnennt worde. De Chilesatz isch bi de jewilige Herre vom Schloss Liebegg gsi, wo en bis zum Änd vo de alte Eidgnosseschaft bhalte hei. Di Chile – so wi mer si hüt gseht – isch im 1689i vom Johann Friedrich vo Breitenlandenberg boue worde. Sit em 1950i stoht si unterm Schutz vom Kanton.

Usstattig

Bsunderheit in de Chile sind d Kanzle, de Taufschtei und d Moosbrugger Stuckdecki vo 1791. In de Chile sind au Wappe- und Kabinettschibe, vo dene zwei us em 17. Johrhundert sind. Die beide Schibe ghöred em Kanton Aargau und stönd sit em 2003 unter kantonalem Schutz.

Weblinks

 Commons: Reformierte Kirche Birrwil – Sammlig vo Multimediadateie

• Informatione zu de Chile uf de Website vo de Gmeind Birrbu

47.2917777777788.1979722222222