Rièdèrè

Riedern am Sand Gemeinde Chleggau
	Wappè vo Rièdèrè vor dè Ygmeindung
Flechi:	2,89 km²
Iiwooner:	256 (2013)
Iigmäindig:	1. August 1971
Postleitzahl:	79771
Vorwahl:	07742

Koordinate: 47° 37′ 29″ N, 8° 26′ 38″ O

Rièdèrè (amtlich: Riedern am Sand) isch èn Ortsdeil vo dè Gmeind Chleggau im Chleggau im Landchrais Waldshuèt. Er bschtòt uss Obber- un Unterrièdèrè. Dè Zuèsatz „am Sand“ vowyst uff s Vorchò vo Graupèsand, wo i dè Sandgruèb Rièdèrè abbaut wörd. Rièdèrè lyt am Unterlauf vom Schwarzbach, dè è ängs Dal hèt, dõrum isch Rièdèrè in Dalrichtung langzogè. Am nördlichè Ortsrand vo Rièdèrè gòt s Schwarzbachdal i d Chleggaurünni übber. Südöschtlich vo Obberrièdèrè gränzt Büèl mit èm Abschtand vo 850 m a Rièdèrè.

dè Schwarzbach am Ortsuusgang vo Rièdèrè

Well Rièdèrè am Sand mit 14,8 km relativ nòch bi Rièdèrè am Waald lyt, hèt mò sich im Volksmund uff folgendi Regelung geinigt:

Rièdèrè am Sand heißt Rièdèrè
Rièdèrè am Waald heißt Rièdè

Gschichtè ändere

Uff èm Schloßbuck finded sich nò d Räschtè vo dè Burg Neuchrenkingè. 1305 wörd dè Ort im Fürschtèbärgischè Urkundèbuch uffgfüürt. Bis 1806 isch er Deil vo dè Hèrrschaft Schwarzèbärg un isch denn 1806 zum Großherzogdum Baddè chò. Am 1. Auguscht 1971 isch diè selbschtändigi Gmeind Rièdè im Raamè vo dè baddè-württèbärgischè Gebietsreform i diè Gmeind Chleggau ygmeindet worrè.

Wǜrtschaft ändere

Z Rièdèrè bschtòt isch früèner è Quarzwärch für d Gwinnung vo Quarzsand in Bedryb gsi, hauptsächlich für s Voputzè vo Gebäude mit èm Kellèwurf, abber au für dè Sandguss. D Sandgruèb erschlièßt dè Graupèsand vo dè Obbèrè Süßwassermolassè. Dè Sand enthaaltet näbbè dè bekanntè Fossiliè wiè Haifischzää au Ärzböönle. S Boonärz isch im gsamtè Chleggau- un Randègebièt uss Neschter gwunnè worrè, wo sich im Kalchschtei bildet hèn. S Boonärz glycht im Uussää schwarzè Boanè, dõhèr dè nò hüt übliche Nammè „Boonèvirtel“ für s Gebièt um Grièßè un Hohètèngè.

Literatur ändere

Helmut Vocke (Hrsg.): Chronik des Landkreis Waldshut. 1957
Norbert Nothelfer (Hrsg.): Der Kreis Waldshut. 1979
Waldemar Lutz, Hansjörg Noe (Hrsg.): Kennzeichen WT Heimatkunde für den Landkreis Waldshut. Reinhard Caspers (Mithrsg.), 1989, ISBN 3-12-258330-5
Stadt Tiengen (Hochrhein): Der Klettgau. Franz Schmid (Hrsg.), 1971; (bis heute maßgebliche Monographie, mit Beiträgen von: Ruth Blum, Eugen Fürstos, Richard Gäng, Josef Hirt-Elmer, Josef Isele, Helmut Maurer, Ludwig Mayer, Emil Müller-Ettikon, Heinrich Münz, Helmut Naumann, Alois Nohl, Alfons Peter, Ernst Rüedi, Franz Schmid, Karl Schwarzenberg, Ignatz Stein, Heinz Voellner, Karl Friedrich-Wernet, Hans Jakob Wörner)

Dä Artikel basiert uff ere fräie Übersetzig vu dere Version vum Artikel „Riedern_am_Sand“ vu de dütsche Wikipedia. E Liste vu de Autore un Versione isch do z finde.