Tambogruppe
| Tambogruppe | |
|---|---|
 Gruppe am Sidoschtrand vu dr Weschtalpe | |
 s Tambohorn ääne vum Hinterrhydal. | |
| Höchst Gipfel | Tambohorn (3'279 m ü. M.) |
| Lage | Schwyz / Italie |
| Deil vo | Weschtalpe |
| Koordinate | 733751 / 114856 |
| Flechi | 2.600 km² |
D Tambogruppe isch e Gebirgsgruppe an dr Gränze zwische Schwyz un Italie. Si lyt im Sidoschte vu dr Weschtalpe in dr Kanten Graubünde un Tessin un in dr lombardische Provinze Varese, Como un Sondrio.
Lag un Flechi
ändereS Biet wird (im Uhrzaigersinn ab Nord) umgränzt vum Hinterryh, Hüscherebach, Splügepass, Liro, Mera, em Oschtarm vum Comer See, dr Po-Ebene, em Lago Maggiore, Tessin, Moësa un em San-Bernardino-Pass un deckt e Flechi vu 2600 km2.[1]
Wird d Gruppe dur zwee großi Oberitalienischi See yygränzt, no isch dr Luganersee derzwische. Vun ihm ziet si derno e langi Chette ohni Unterbuch no Noprde, wu uf dr ganze Lengi d Gränze zwische dr Schwyz im Weschte un Italie im Oschte bildet, bis zum Pizzo Tambo, wu si si zäme mit em Alpehauptkamm em Splügepass zuechehrt. Är isch sozesage dr Zäntralpunkt vu dr Alpe, wel si do uf däm Sattel d Wescht-Oschtalpe-Gränze verlauft un si do schnydet mit dr Linie zwische Nord- un Sidalpe.
In Nord-Sid-Richtig goht d Gruppe vum Rhywald nerdli vum Alpehauptkamm (Wasserschaide) bis zur Popebeni.
Gruppe un Gipfel
ändereD Tambogruppe wird in die sibe Untergruppe yydailt: [1]
- Tambo-Curciusa-Gruppe mit em Pizzo Tambo (Tambohorn) 3'279 m ü. M. [2]
- Piz-Pombi-Chette mit em Piz Corbet 3'025 m ü. M. [3]
- Pizzo-Paglia-Gruppe mit em Pizzo-Paglia 2'593 m ü. M. [2]
- Camogè-Támaro-Gruppe mit em Monte Tamaro 1'960 m ü. M. [4]
- Vareser Voralpen mit em Monte Campo dei Fiori 1'227 m ü. M. [4]
- Generoso-Intelvi-Gruppe mit em Monte Generoso 1'701 m ü. M. [5]
- Alta Brianza mit em Monte San Primo 1'682 m ü. M. [5]
Däler un Ortschafte
ändereD Däler im biet sin relativ churz, wäge däm het s au im Innere vu dr Gebirgsgruppe nume wenig Ortschafte, wie Lugano un Porlezza; an irem Rand lige Splüge, Lecco, Como, Varese, Luino un Bellinzona. Am Stade vum Lago Maggiore isch dr niderscht Punkt uf 193 m s.l.m., dodermit git s e Differänz zum hegschte vu 3086 m.
Weblink
ändere
Commons: Tambogruppe – Sammlig vo MultimediadateieFueßnote
ändere- ↑ 1,0 1,1 Ernst Höhne: Knaurs Lexikon für Bergfreunde / Die Alpen zwischen Matterhorn und Bodensee. Droemer Knaur, München 1987, ISBN 3-426-26223-1, S. 272 ff.
- ↑ 2,0 2,1 No SOIUSA & SAC dr Albula-Alpe zuegornet.
- ↑ No SOIUSA & SAC dr Glarner Alpe zuegornet.
- ↑ 4,0 4,1 No SOIUSA & SAC dr Vareser Voralpe as Dail vu dr Luganer Voralpe zuegornet.
- ↑ 5,0 5,1 No SOIUSA & SAC dr omer Voralpe zuegornet.
|
Dä Artikel basiert uff ere fräie Übersetzig vu dere Version vum Artikel „Tambogruppe“ vu de dütsche Wikipedia. E Liste vu de Autore un Versione isch do z finde. |