Gotthard-Gruppe
| Gotthard-Gruppe | |
|---|---|
 | |
 In dr Mitte vu dr Gotthard-Gruppe lyt dr Pizzo Centrale 2'999 m ü. M. | |
| Höchst Gipfel | Pizzo Rotondo (3'192 m ü. M.) |
| Deil vo | Weschtalpe |
| Koordinate | 695056 / 159409 |
| Flechi | 700 km² |
D Gotthard-Gruppe[1], au Gotthardbärg[2] gnännt, isch e Gebirgsgruppe in dr Schwyz im eschtlige Dail vu dr Weschtalpe, wu iber d Kanten Üri, Graubünde, Wallis un Tessin goht. Ire hegschte Gipfel isch dr Pizzo Rotondo (3'192 m ü. M.), wu sidwechstli vum Gotthardpass lyt.
In dr Alpenyydailig no SOIUSA un SAC giltet d Gotthardgruppe nit as sälbschtändigi Gruppe un wird statt däm verschidene Nochbergruppe zuegornet.
Lag un Flechi
ändereS Biet wird (im Uhrzaigersinn ab Nord) umgränzt vum Oberalppass, Vorderrhy, Rein da Medel, däm sym linke Quällfluss Froda, Lukmanierpass, Brenno, Tessin, Nufenepass, Ägene (au Ägina, linke Zuefluss zur Rhone), Rottu (Oberlauf vu dr Rhone), Furkapass, Furkarüüss un Oberalprüüss un deckt e Flechi vu 700 km2.[2]
Gruppe un Gipfel
ändereD Gotthardbärg wäre in die segs Untergruppe yydailt:[2]
- Galinachette mit em Pizzo Gallina 3'061 m ü. M.
- Rotondochette mit em Pizzo Rotondo 3'192 m ü. M.
- Lucendrochette mit em Pizzo Lucendro 2'963 m ü. M.
- Chaschtelhorn-Pizzo-Centrale-Chette mit em Pizzo Centrale 2'999,3 m ü. M.
- Maighels-Curnera-Nalps-Gruppe mit em Piz Gannaretsch 3'040 m ü. M. & Piz Blas 3'019 m ü. M.
- Solegruppe mit em Pizzo del Sole 2'773 m ü. M.
Däler un Ortschafte
ändereIm Innere vu dr Gruppe git s nume churzi Däler, d Ortschafte sin wäge däm am Rand: Oberwald, Realp, Hoschpetal, Andermatt, Biasca, Giornico, Faido, Airolo un Bedretto. Am sidlige Änd vum Leventina isch dr niderscht Punkt uf 292 m ü. M., dodermit git s e Differänz zum hegschte vu 2900 m.
Klima un Wasser
ändereS Gsamtbiet stoht unter em Yyfluss vu zwoo Klimazone: Im Norde vu dr atlantische Weschtwindzone un im Side vum Mittelmeerklima. Sidli vu dr Kammlinie falle weniger Niderschleg un d Zahl vu dr Sunneschyystunde isch hecher. D Glätscher sin do ender chlai, väm allgmaine Ruggang ganz abgsää.
Dr grescht Dail vu dr Gruppe, mitsamt dr Hauptgipfel, ghert geologisch zum Gotthardmassiv, wu di vier Fliss Rhone, Rhy (as Rein da Tuma), Rüüss un Ticino entspringe un dr Vier-Quälle-Wäg aaglait woren isch.
Uf em Alpehauptkamm nume ne bitzli eschtli vum hegschte Bärg vu dr Gruppe bim Pt. 3025 (eme Näbegipfel vum Witewasserestock) lyt dr Wasserschaidpunkt zwische Rhy, Rhône un Po. An ebe däre Stell dräffen au d Kanten Üri, Tessin un Wallis zäme.
Weblink
ändere
Commons: Unter: Lepontinischi Alpe – Sammlig vo Multimediadateie- D Gotthard-Gruppe bi Deine Berge.
- Vier-Quälle-Wäg im Gotthardmassiv.
Fueßnote
ändere- ↑ Bärgalbum no Johannes Führer in "Bergwelt" 1980, S. 38 ff.
- ↑ 2,0 2,1 2,2 Ernst Höhne: Knaurs Lexikon für Bergfreunde / Die Alpen zwischen Matterhorn und Bodensee. Droemer Knaur, München 1987, ISBN 3-426-26223-1, S. 124 f.
|
Dä Artikel basiert uff ere fräie Übersetzig vu dere Version vum Artikel „Gotthard-Gruppe“ vu de dütsche Wikipedia. E Liste vu de Autore un Versione isch do z finde. |