Tuendereff
Tuendorff [ˈtuəndɔrfː] oder Tuendereff [ˈtuəndərəfː][2] isch e polítischi Gmaind im Bezírk Frauefäld im Schwiizer Kanton Turgau.
| Thundorf | |
|---|---|
 | |
| Basisdate | |
| Staat: | Schwiiz |
| Kanton: | Thurgau (TG) |
| Bezirk: | Frauenfeld |
| BFS-Nr.: | 4611 |
| Poschtleitzahl: | 8512 |
| Koordinate: | 714879 / 267395 |
| Höchi: | 546 m ü. M. |
| Flächi: | 15,6 km² |
| Iiwohner: | 1549 (31. Dezämber 2021)[1] |
| Website: | www.thundorf.ch |
 Thundorf TG | |
| Charte | |
 | |
Ussert Tuendorff sälber, wó uf 'me Plateau oberhalb vu Frauefäld, öppe 550 m ü.M lyt, gghööred au t Döörfer Wétzike und Lueschtereff und t Wyler Hesebol, Chilperg, Rüti, Ufhofe, Grueb und Fridbärg zur Ggmaind. Chile stönd z Chilperg und z Lueschtereff. Uf Tuendorff chamme vu Frauefäld her mit em Poschtauto faare.
Ggmaindame isch zur Zyt de Hersche Alois. (Stand Mai 2014)
Wappe Bearbeite
Blasonierig: I Róót en sílbrige Balche, béglaitet vu dreine sächsstraalige sílbrige Steerne (2, 1)
Ggschicht Bearbeite
Di hütig Ggmaind Tuendorff isch 1995 éntschtande duur t Verainigung vu den Óórtsggmainde Tuendorff und Lueschtereff, wó schó vóheer i de Municipalggmaind Tuendorff zämeggfasst gsy sind, mit der Óórtsggmaind Wétzike, wó vu 1803 bis 1994 zur Municipalggmaind Lommis gghöört hät.
Etymologi Bearbeite
De Name Tuendorff, im Jaar 888 als Tuomsdorof zum éérschte maal úrkundlich erweent, isch zämegsétzt us em Genitiv vum althóóchtütsche Persóónename Duomo/*Tuomo únd em Oórtsnamesuffix -dorf.[2]
Weblink Bearbeite
Commons: Tuendorff – Sammlig vo MultimediadateieFuessnote Bearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
- ↑ 2,0 2,1 Philipp Obrist/Andres Kristol, Thundorf TG (Frauenfeld) in: Dictionnaire toponymique des communes suisses – Lexikon der schweizerischen Gemeindenamen – Dizionario toponomastico dei comuni svizzeri (DTS|LSG), Centre de dialectologie, Université de Neuchâtel, Verlag Huber, Frauenfeld/Stuttgart/Wien 2005, ISBN 3-7193-1308-5 und Éditions Payot, Lausanne 2005, ISBN 2-601-03336-3, p. 873f.
