Undersee
De Undersee isch de westlichi Tail vom Bodesee und isch mit sebem mitem Seerhii verbunde. Er litt öppe 30 Santimeeter tüüffer as de grösser Seetail.
De wichtigst Zuefluus nebetem Seerhii, ergo im Bodèsee bi Stroomkilometer 4,3, isch d Radolfzer Aach, de Uusfluss isch de Hochrhii bi Stroomkilometer 25,4 diräkt bi Stei am Rhii a de Rhiibrugg vo Stei. De Undersee isch dõdemit fascht 21 Kilometer lang bi nere Flächi vo 62 km².
De Undersee isch starch glideret mit merere Buchte:
Im Undersee liged d Chlosterinsle Rychenau, d Insle Triboltingerbohl und d Werdinsle bi Stai.
De Undersee hèt am Nordufer Dütschland, und zwar s dütsche Bundesland Baddè-Württèbörg, un de schwizer Kanton Schafuuse als Aarainer, am Südufer dè schwizer Kanton Thurgau un für e munzigs Stugg d Schafuuser.
47 km² vo dè Gsamtflächi ghöred zu Baddè-Württèbärg, diè reschtlichè 13 km² dè schwizer Kantön Thurgau un Schafuuse. Dè Schafuuser Deil beschränkt sich uff èn 1,3 km langè nördlichè Uferschtreifè vo dè Gmeindegränz zu dè südbaddische Gmeind Ööninge bis zu dè Rhiibrugg un en öppè 360 m langè Streifè am Südufer vo dè Wärd-Inslè bis zu dè Rhiibrugg am südliche Widerlager im Steiner Stadtteil Stei am Rhii vor der Brugg.
Uf dr Nordsiite vom Undersee isch s Naturschutzpiet Wollmatinger Ried. Und derzue het s uf dr dütsche Siite no 13 anderi Schutzgebiet.
Bi de Röömer het dr Undersee Lacus Acronius ghaisse.
Weblink
ändere
Commons: Undersee – Sammlig vo Multimediadateie