Ő

Őő

De Büechstabe ő (o mit Doppelakut) isch e Zeiche vom ungarische Alphabet. Er stoht in de alphabetische Ordnig zwüsche ö und p an 27. Stell. Usser de ungarische verwände keini andere Sproche dä Büechstabe. Dört stoht er für de Lut [ø:] (im Gegesatz zum ö, wo für e churzes [ø] stoht).

S ehemolig lang <ö>

De Büechstabe chunnt vo-n-re Kombination vom Büechstabe ö und em Akzänt Akut, wo im Ungarische immer für langi Vokal benutzt wird. E erschti Version hät wie ´ö usgseh und isch im 18. Johrhundert entstande; im 19. Johrhundert isch säll durch de Doppelakut ersetzt worre.

Uff Internetsite wird oft de Büechstabe õ ersetzt, do er zu Darstelligsproblem fiehre cha. Bi korräkter Codierig trättet des Problem aber nit uff.

In ungarische Tekscht isch öbbe jede 113. Büechstabe e ő. Dodemit stoht's an 23. Stell.

Lüeg au: Ű