D Boor isch e Hochebini a de Grenz vom früerne Bade und Württeberg. Si grenzt im Weste an Schwarzwald und im Nordoste a d Schweebisch Alb. Im Süüde chunnt si as Chläggi und an Heegi ane. I de Boor verainiget sich d Brig und d Breg bey Eschinge zu de Toene, wo au d Eschinger Quell vom Donnebach leyt. De Ursprung vo de Brig und de Breg isch im Schwarzwald weschtlich vo de Boor (manchmal seyt mr zo dem Dail vom Schwarzwald au Boorschwarzwald). De zwait groß Fluss, wo in de Boor sen Ursprung hät, isch de Negger. Demm see Quell isch im Schwenninger Moos.

d Boor

Gresere Städt i de Boor sen Eschinge, Villinge-Schwenninge, Leffinge, Diire, Drossinga und Blumberg.

D Hochebini vo de Boor, wo zwüschet 600 und 900 Meter höch litt, isch zringsletum vo Bergzüg umgee und bildet bei Eschinge e Becki, wo sich chalti Luft asammlet und ghört wäge dem zu aim vo de chelteste Fläcke vo Dütschland. De höchscht Berg vo de Boor isch mit 977 Höchemeter de Lupfe am Iibergang zo de Booralb.

D Dialektgrenz zwischem Nideralemanisch (Huus, Muus) und Schwäbisch (Hous, Mous) goht durch d Boor durre.

Weblink ändere