S Basler Roosedaal-Quardier

Rosental
Quartier vo Basel

Flechi

0,64 km²

Iiwohner

4559 (Jan. 2003)

Bevölkerigsdichti

4559 / 0.64 Iiwohner/km²

Usländeraadeil

52,2 %

BFS-Nr.

2701-016

Postleitzahl

4058

Dialäkt: Baseldütsch

S Roosedaal (au Rooseli) isch e Quardier in dr Schwiizer Stadt Basel. Es lit im Zentrum vo Chleibasel und gränzt im Norde an Chleihünige (Fluss Wiise), im Oste an s Hirzbrunne-Quardier (Autobahn A3), im Süde an s Wettstei-Quardier (Riechestrooss) und im Weste an s Glore, Mattys und Glyybi Quardier (Riechering).

S Quardier het si Name vom ene früehnere Landguet „zum Rosedaal“ überchoo. Im Zentrum vom Roosedaal befindet sich d Roosedaalaalag, wo für kulturelli Aaläss wie d Basler Herbstmäss oder dr Circus Knie bruucht wird. Im Roosedaal befinde sich au no d Halle vo dr Mustermäss Basel und dr Mässdurm, s höchste Gebäud in dr Schwiiz.

Sit em 1. Januar 2008 wird s Quardier in zwei Bezirk, „Mäss“ im Süde und „Erlematt“ im Norde underdeilt.^[1] Die neuji Bezirksiideilig dient dient aber nume statistische Zwäck und het kei Iifluss uf s Quardier as sonigs.

Gebäud und Sehnswürdikeite

Fuessnote

↑ Statistisches Amt des Kantons Basel-Stadt: Stadtplan Basel und Umgebung (Ausgabe Januar 2008) Archivlink (Memento vom 24. Mai 2008 im Internet Archive) (17. August 2008)

Weblingg

S Statistische Amt vom Kanton Basel-Stadt - Quartierportrait Roosedaal

Dä Artikel basiert uff ere fräie Übersetzig vum Artikel „Basel-Rosental“ vu de dütsche Wikipedia. E Liste vu de Autore un Versione isch do z finde.

[1] Statistisches Amt des Kantons Basel-Stadt: Stadtplan Basel und Umgebung (Ausgabe Januar 2008) Archivlink (Memento vom 24. Mai 2008 im Internet Archive) (17. August 2008)

[1]