Baselstaab

Dialäkt: Baseldütsch

As Baselstaab oder Baslerstaab wird dr Hirtestaab bzw. Bischofsstaab in de Wabbe vo Dörfer und Stedt in dr Regioon Basel bezäichnet.

S Wabbe vo dr Stadt Basel und vom Kanton Basel-Stadt

S Wabbe vom Kanton Basel-Landschaft

S Wabbe vom Kanton Jura

So findet mä dr Bischofsstaab vom Fürstbischof zu Basel im Wabbe vo dr Stadt Basel und vo de Kantöön Basel-Stadt, Basel-Landschaft und Jura. Dr Baselstaab vo Basel-Stadt isch schwarz und dä vo Basel-Landschaft und vom Jura root.

Dr Staab isch e historischi Kuriosidäät: Bis zur Reformazioon isch dr Sitz vom Bischof vo Basel daatsächlig z Basel gsi (vo doo dr Naame Bistum Basel), denn e Zitlilang z Pruntrut und sit em 19. Joorhundert isch dr offizielli Sitz vom Bischof vo Basel z Soledurn. S Bistum häisst aber immer no Bistum Basel und d Kantöön Basel-Stadt und Basel-Landschaft häi dr Bischofsstaab im Wabbe bhalte drotz iirem reformierte Bekenntniss.

Verwändig

Dr Baselstaab chunnt in deene Kantons-Wabbe vor:

• Basel-Landschaft
• Basel-Stadt
• Jura

Dr Baselstaab chunnt in de Wabbe vo vile Gmäinde in dr nööchere und wiitere Umgääbig vo Basel vor: (d Liste undenooche isch nit vollständig)

• Basel
• Bättwil
• Bärschwil
• Dälschbrg
• Effringe-Chirche
• Grellinge
• Hochwald
• Laufe
• Lieschtl
• Mervelier
• Riinach
• Röschenz
• Schlienge
• Wahle

Weblingg

 Commons: Baselstab – Sammlig vo Multimediadateie

• Der Baselstab und sein Ursprung uf altbasel.ch

Dä Artikel basiert uff ere fräie Übersetzig vum Artikel „Baselstab“ vu de dütsche Wikipedia. E Liste vu de Autore un Versione isch do z finde.