Haslibäärg
Haslibäärg (amtlech Hasliberg, 1834-1923 Hasleberg) isch e politischi Gmeind im Verwautigschreis Inderlache-Oberhasli im Kanton Bärn, Schwyz.
| Hasliberg | |
|---|---|
 | |
| Basisdate | |
| Staat: | Schwiiz |
| Kanton: | Bärn (BE) |
| Verwautigschreis: | Inderlache-Oberhasli |
| BFS-Nr.: | 0783 |
| Poschtleitzahl: | 6083 Hasliberg Hohfluh 6084 Hasliberg Wasserwendi 6085 Hasliberg Goldern 6086 Hasliberg Reuti |
| Koordinate: | 658571 / 176597 |
| Höchi: | 1'082 m ü. M. |
| Flächi: | 41.7 km² |
| Iiwohner: | 1101 (31. Dezämber 2022)[1] |
| Website: | www.hasliberg.ch |
 Haslibäärg | |
| Charte | |
 | |
Geografi
ändereHaslibäärg ligt über em Aaretau an de Häng vor Bärgchette Gibel-Chingstuel-Glogghüs-Planplatte. D Gmeindsflächi bsteit us 52,8 % langwirtschaftlecher Flächi, 32,4 % Waud, 2,8 % Sidligsflächi u 12 % süschtigi Flächi.[2] D Nachburgmeinde si Meiringe un Innerkirchen im Kanton Bärn u Chäärns u Lungere im Kanton Obwaude.
Vercheer
ändereVo Meiringe fahrt e Luftseilbahn diräkt in Wiler Reuti ueche. Süsch mues me mit em Auto ufe Brünigpass u vo dert dur aui Dörfer vom Haslibäärg bis zhingersch noch Reuti fahre. Im Brünig vore gits de Bahnhof «Brünig-Hasliberg» vo de Zentralbahn, de ehemolige Brünigbahn, wo Luzärn mit Interlake verbindet. Vo dere Stazion us sind d Dörfer vom Haslibäärg mit em Postauto erschlosse.
Gschicht
ändereHaslibäärg isch zum erschte Mal gnennt worde im Jahr 1358 aus Hasle an dem berge. Bis zum 31. Dezämber 2009 het d Gmeind zum Bezirk Oberhasli ghört.
Ywohner
ändereQuäuue: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ywohner | 1309 | 1346 | 1262 | 1257 | 1180 | 1037 | 960 | 944 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ywohner | 912 | 897 | 1044 | 1172 | 1292 | 1328 | 1335 | 1276 |
Dr Uusländeraateil isch 2010 bi 16,3 % gläge.[2]
Religion
ändere73,4 % vo de Ywohner si evangelisch-reformiert, 11,8 % si römisch-katholisch (Stang 2000).[2]
Politik
ändereBi de Nationauraatswahle 2011 het s das Ergebnis ggää:[2] BDP 16,6 %, CVP 2,0 %, EVP 1,3 %, FDP 5,5 %. GLP 1,2 %, GP 8,0 %, SP 15,2 %, SVP 43,8 %, Suschtigi 6,4 %.
Gmeindspresidäntin vo Haslibäärg isch d Katrin Nägeli-Lüthi (Stang 2013).
Wirtschaft
ändereD Arbetslosigkeit isch im Jahr 2011 bi 0,6 % gläge.[2]
Sprach u Dialäkt
ändereBir Vouchszeuuig 2000 hei vo de 1276 Ywohner 89,8 % Dütsch aus Houptsprach aaggää, 0,9 % Französisch u 0,5 % Italienisch.[2]
Dr Dialäkt vo Haslibäärg ghört zum Höchstalemannisch.
Literatur
ändere- Daniel Wolf, Jost von Allmen: Ernst E. Anderegg. Ausgewählte Bauten in der Region Interlaken-Oberhasli. (Schweizerische Kunstführer, Nr. 887/888, Serie 89). Hrsg. Gesellschaft für Schweizerische Kunstgeschichte GSK. Bern 2011, ISBN 978-3-85782-887-4.
Weblink
ändere
Commons: Hasliberg – Sammlig vo Multimediadateie- www.hasliberg.ch
- Anne-Marie Dubler: Haslibäärg. In: Historisches Lexikon vo dr Schwiiz.
Fuessnote
ändere- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
- ↑ 2,0 2,1 2,2 2,3 2,4 2,5 Bundesamt für Statistik: Regionalporträts 2012: Kennzahlen aller Gemeinden, Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv) , Date im Aahang (Site cha nüme abgrüeft wärde; Suche im Webarchiv) )
