Chärns

Chärns
	Wappe vo Chärns
Basisdate
Staat:	Schwiiz
Kanton:	Obwalde (OW)
Bezirk:	(Dr Kanton Obwaldä kännt käi Bezirk.)
BFS-Nr.:	1404
Poschtleitzahl:	6064 Kerns; 6066 St. Niklausen; 6067 Melchtal; 6068 Melchsee-Frutt
UN/LOCODE:	CH KER
Koordinate:	663831 / 194969Koordinate: 46° 54′ 10″ N, 8° 16′ 35″ O; CH1903: 663831 / 194969
Höchi:	564 m ü. M.
Flächi:	92,66 km²
Iiwohner:	6424 (31. Dezämber 2022)
Website:	www.kerns.ch
Charte
	Charte vo Chärns

Chärns (schriftdiitsch Kerns) isch ä Gmäind im Kanton Obwaldä.

Geografi

Chärns isch flächemäässig diä greescht Gmäind z Obwaldä. Nachbergmäinde sind (dr Oorfiigä naa) Alpnach, Sarnä, Sachslä, Lungrä, Haslibäärg, Innertkirche, Wolfeschiässe, Dalewiil und Ännemmos. Uf Dalewil ibere gaat der Ächerlipass.

D Gmäind beschtaad us em äigetlichä Dorf und us verschidene Wiiler und Sidligä. Uifzellä chamä hiä bsunders dr Sand, aber ai Samiglaisä, ds Melchtel und p Frutt.

Name und Wappe

Äs gid nu käi Diitig vom Namä Chärns, wo wirklich uberziigd.^[2] S Wappä vo Chärns zäigt drii goldigi Chorngarbe uf blawem Grund. Das Wappe isch um d Mitti vom 18. Jaarhundert entschtandä und cha als «redends Wappe» agluägt wärdä.^[3]

Gschicht

Ds Fraiweschimmrächt hed d Gmäind Chärns (uf Gmäindsäbeni) erscht am 30. Novämber 1980 igfiärd – ganz im Gägäsatz zur katolischä Chilägmäind, wo 1969 im Kantoon ä Vorriiterrollä ubernu hed.^[4]^[5] Vilicht hed dä koservatiivi Zug vo de ländlich präägte Chärnser drzuä gfiärd, ass diä anderä im Kantoon immer ai ächlii uber sii gschpettled hend. So hed i dä 1970er Jaar p Fraag «Chuisch vo Chärns?» under jungä Liit eppä gmäind «Läbsch nu hinderem Moond?» oder gar «Schpinnsch?»

Bilder

s Doorf Chärns mid dr Chilä
diä Heech Brigg verbindet d Gmäindä Chärns und Sachslä
d Chappälä vo Samiglaisä
s ehemaalig Fraiwechlooschter im Melchtel
d Gondelbaan uf p Frutt im Winter

Liit

Karl Imfeld (1931–2020), katolischä Gäischtlich, Werterbuächmacher, Volkskundler und Schriftschteller

Literatur

Willi Studach: Kerns. In: Historisches Lexikon vo dr Schwiiz.

Weblink

Commons: Chärns – Sammlig vo Multimediadateie

Offizielli Website vo dr Gmäind Chärns

Fuessnoote

↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023
↑ LSG, S. 478.
↑ P. Rupert Amschwand: Kerns. Gemeinde Kerns, 1976, S. 34.
↑ Stephanie Jeker: Der holprige Weg zur Einführung des Frauenstimmrechts im Kanton Obwalden. Liz.-Aarbed Uni Friburg i. Üe., 2003, S. 123.
↑ Karl Imfeld: Pfarreigeschichte von Kerns. 10. Jh. bis 2010. Verlag Martin Wallimann, Alpnach 2012, ISBN 978-3-905969-13-9, S. 231.

[1] Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2022. Bei späteren Gemeindefusionen Einwohnerzahlen aufgrund Stand 2022 zusammengefasst. Abruf am 5. September 2023

[2] LSG, S. 478.

[3] P. Rupert Amschwand: Kerns. Gemeinde Kerns, 1976, S. 34.

[4] Stephanie Jeker: Der holprige Weg zur Einführung des Frauenstimmrechts im Kanton Obwalden. Liz.-Aarbed Uni Friburg i. Üe., 2003, S. 123.

[5] Karl Imfeld: Pfarreigeschichte von Kerns. 10. Jh. bis 2010. Verlag Martin Wallimann, Alpnach 2012, ISBN 978-3-905969-13-9, S. 231.

[1]

[2]

[3]

[4]

[5]