Alpnach

e Gmaind im Kanton Obwalde

Alpnach ([ˈɑlpnɑχ], hittigstags sältener [ˈɑlpnɑχt]) isch ä Gmäind im Kanton Obwaldä i dr Schwiiz.

Alpnach; Alpnacht
Wappe vo Alpnach; Alpnacht
Basisdate
Staat: Schwiiz
Kanton: Obwalde (OW)
Bezirk: (Dr Kanton Obwaldä kännt käi Bezirk.)
BFS-Nr.: 1401i1f3f4
Poschtleitzahl: 6055 Alpnach-Dorf
6053 Alpnachstad
Koordinate: 663575 / 199136Koordinate: 46° 56′ 25″ N, 8° 16′ 25″ O; CH1903: 663575 / 199136
Höchi: 464 m ü. M.
Flächi: 56,98 km²
Iiwohner: 6109 (31. Dezämber 2020)[1]
Website: www.alpnach.ch
Charte
Charte vo Alpnach; Alpnacht
www

GeografiiBearbeite

Alpnach isch diä nerdlichschti Gmäind vo Obwaldä. Nachbergmäinde sind (dr Oorfiigä naa) Stansstad, Hergiswil, Entlibuech, Sarnä, Chärns und Ännemmos.

D Gmäind beschtaad us de drii Täil Alpnach-Doorf, Alpnachstad und em Schoriäd.

D Gmäind hed ä Flechi vo 5698 Hektare. Dr täifschti Punkt isch mid 434 m am Alpnachersee, der heechschti Punkt isch im Pilatusgebiet s Tomlishorn mid 2128,5 m.

NamäBearbeite

Dr Namä Alpnach wird sit em 19. Jarhunderd allgemäin vo Alpiniacum oder Albiniacum härgläited, was ‚Landguet vom Alpinius oder Albinius‘ häissä tued. Dr Namä gheerd i d Räiä von dä -acum-Nämä wiä dä vo Chisnacht.

Ä Diitig mid ämene diitschä Namä Albo oder Alpo und em althoochdiitschä aha fir ‚Wasser‘, wiä si eppä vom Renward Brandstetter voorgschlagä worden isch, wird abgleend.[2]

WappäBearbeite

S Wappä vo Alpnach zäigt ä rooti Liliä uf ämene griänä Driibärg i wiissem Grund.

GschichtBearbeite

I dr Uechtere, ämene Häimet zwische Alpnach und Schoriäd, sind im Dezember 1913 Muirä us der Reemerziit firä cho. I de Grabigä ab 1914 hed sich de zäigt, as hiä ä reemische Guetshof gsi isch. Das isch bis etz dr äinzig Oord, wo mä sicher wäiss, as z Obwaldä zu dära Ziit Liit gläbd hend.[3]

BilderBearbeite

LiteraturBearbeite

  • Angelo Garovi, Roland Sigrist, et al.: Korporation Alpnach – Von den Anfängen bis in die Gegenwart, Verlag Martin Wallimann, Alpnach 2012. ISBN 978-3-905969-21-4

WeblinkBearbeite

  Commons: Category:Alpnach – Sammlig vo Multimediadateie

FuessnooteBearbeite

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2020. Bei späteren Gemeindefusionen Einwohnerzahlen aufgrund Stand 2020 zusammengefasst. Abruf am 17. November 2021
  2. LSG, S. 83.
  3. Emmanuel Scherrer: Die vorgeschichtlichen und frühgeschichtlichen Altertümer der Urschweiz. In Mitteilungen der Antiquarischen Gesellschaft in Zürich, 27 (1909–1916), S. 191 ff., bsunders ab S. 227.