Sachslä

Sachslä (schriftdiitsch Sachseln) isch äs Dorf und ä Gmäind (politischi Gmäind) im Kanton Obwaldä i dr Schwiiz.

Sachslä
Basisdate
Staat:	Schwiiz
Kanton:	Obwalde (OW)
Bezirk:	(Dr Kanton Obwaldä kännt käi Bezirk.)
BFS-Nr.:	1406i1f3f4
Poschtleitzahl:	6072
UN/LOCODE:	CH OSA
Koordinate:	661013 / 19107946.8680458.238885483
Höchi:	483 m ü. M.
Flächi:	53.86 km²
Iiwohner:	5146 (31. Dezämber 2018)
Charte
www

Sachslä liid zmittst im Kanton Obwaldä und isch diä äinzig Gmäind z Obwaldä, wo a käi andrä Kanton gränzt. D Nachbergmäinde sind Sarnä, Chärns, Lungrä und Giswil.

Z Sachslä isch d Älggi-Alp, wo unnädra dr geografisch Middelpunkt vo dr Schwiz liid.

Geografy und Gschicht

D Gmäind beschtaad us em äigentlichä Dorf und us de Wiiler Ädisriäd, Ewil und em Fliäli. Vo dert chund dr Bruäder Chlois (1417–1487), und dert hed är gläbt, diä letschtä zwenzg Jaar äläi im Roift unnä. Siis Grab isch hitt i der Chilä vo Sachslä. Im Bruäder-Chlois-Gedänkjaar 2017 wird under anderem s Visonsgedänkspil Vo innä uisä uf dr Sachsler Allmend, i dr Neechi vom Forschtwärchhof Chalchofe, epe uf halber Heechi zwische Sachslä und em Fliäli, im en äxtra buite Pavillon uifgfiärt.

S Dorf liit am Saarnersee. Em See na sind d Gläis vo der Baan ufe Briinig.

Zuä Sachslä gheerd au di äint Syte vom Melchtal mit Täifibach, Äbnet, Underfliä und Chlischterli; is Chlischterli hed sich dr Bruäder Chlois 1467 churz zruggzogä.

Sit em Uistagä 2014 hed Sachslä uber 5000 Iwooner.

Bilder

• 

  Blick vo dr Chilchgass obenapä uf d Chilä vo Sachslä.

• 

  s Fliäli mit dä Sachsler Bärgä.

• 

  i dr Neechi vom Älggi isch dr Mittelpunkt vo dr Schwiiz.

• 

  dr Roift, um 1825.

Mundartschrifte z Sachslä

• 

  es Bänkli obän a Ädisriäd

• 

  e Gruess am enä Huis im Dorf

• 

  der Dorfladä

• 

  im Muisschwendli, es Säss obän a Ädisriäd

Literatur

• Angelo Garovi: Sachseln. In: Historisches Lexikon vo dr Schwiiz.

Weblink

 Commons: Sachslä – Sammlig vo Multimediadateie

• Offizielli Website vo dr Gmäind Sachslä