Reitnou (amtlich Reitnau) isch e Gmeind im Bezirk Zofige vom Kanton Aargau.

Reitnou
Wappe vo Reitnou
Basisdate
Staat: Schwiiz
Kanton: Aargau (AG)
Bezirk: Zofigew
BFS-Nr.: 4281i1f3f4
Poschtleitzahl: 5056 Attelwil
5057 Reitnau
Koordinate: 645920 / 23346247.250488.04522508Koordinate 47° 15′ 2″ N, 8° 2′ 43″ O; CH1903: 645920 / 233462
Höchi: 508 m ü. M.
Flächi: 7,98 km²
Iiwohner: 1542 (31. Dezämber 2018)[1]
Website: www.reitnau.ch
Reitnou

Reitnou

Charte
BaselbietBaselbietKanton BärnKanton LozärnKanton SoledurnBezirk AarauBezirk BruggBezirk LenzburgBezirk KulmAarburgBottewilBrittnauKirchleerauKöllikeMoosleerauMurgethalOftrigeReitnouRothristSafewilStaffelbach AGStrengelbachUerkheimVoremwaudWilibergZofigeCharte vo Reitnou
Iber des Bild
w

GeografyBearbeite

S Dorf Reitnou lyt im Suuretaal a dr Gränze zum Kanton Luzärn. Es stoot am Rand vo dr Ebeni und uf ere Moräne vom Gletscher us dr Yschzyt. S Land undedra a dr Suure isch s Suuremoos. Sid me d Suure ane 1923 in en grade Kanaal gleit het, isch das Gebiet Acherland. Im Weschte goot dr Gmeindbann übere Hügel bis is Üerketaal. D Strooss vo Reitnou i das Taal übere chunt oben a dr Moosersagi i das Taal abe. Uf em Hügelrugge am Hombärg sind Rodigsinsle mid de Puurehöf Grüterhof, Bärghof, Fäldlimoos und d Wüeschteburg.

S Dorf Attewiu isch ei Kilometer nördlech vom Zäntrum vo Reitnou. D Sidlige vo beidne Dörfer sind hüt zämegwachse.

Dr Suure noo goot di nazionali Welorute 3.

D Nochbergmeinde vo Reitnou sind – sid der Fusion mit Attewiu – Wilibärg und Staffelbach gäge Norde, Mooslerb im Oschte, Trienge im Süüde und Reide im Wiggertaal uf der Weschtsyte.

GschichtBearbeite

S Dorf isch als Reitinowa in ere Kwelle vo ane 1045 s erschte Mol erwäänt. Es isch en -Au-Name, wil s Dorf i der Nöchi vo der füechten Ebeni lyt.

D Chile vo der refermierte Pfarrei Attewiu-Wilibärg-Reitnou stoot uf ere Gländterrasse z Reitnou. Anne 1993 het mä archäologischi Räschten im Chileboden undersuecht, wo zeige, ass d Chile vo Reitnou scho im sibete Joorhundert als Eigechile vom ene Adelsgschlächt törft gründet worde sy;[2] der hüttig Bou isch usem 16. Joorhundert und der Chiledurm vo 1900. D Chile het mit em Dorf de Grafe vo Länzbrg ghört, wo d Ortschaft öppe 1045 em Chlooschter Schänis gschänkt händ. Im Middelalter isch s Dekanat Reitnou es grosses Gebiet vom Bischtum Konstanz gsi; s Land bis uf Aarau abe het derzue ghört. 1528 het Bärn au do d Refermazion duregsetzt.[3]

Sid 1965 git’s z Reitnou all Joor es Bärgrönne mit Rönnauto.[4]

Uf e 1. Jänner 2019 het sech d Gmeind Reitnou mit der alte Nochbergmeind Attewiu zämetoo; die nöi Gmeind heisst au Reitnou. Bschlosse worde isch die Fusion am 26. Novämber 2017 vo de Stimmberächtigte vo beidne Gmeinde.[5]

LiteraturBearbeite

WeblinkBearbeite

  Commons: Reitnau – Sammlig vo Multimediadateie

FuessnooteBearbeite

  1. Bevölkerungsbestand nach Gemeinde, Nationalität und Geschlecht, per 31. Dezember 2018 vo Statistik Aargau uf ag.ch abgruefen am 27. März 2019
  2. Die Kirchen- und Baugeschichte uf ref-kirchen-ag.ch
  3. Die Kirche Reitnau uf ref-kirchen-ag.ch
  4. Bergrennen Reitnau (Memento vom 28. Novämber 2018 im Internet Archive) uf bergrennen-reitnau.ch
  5. Zwei Dörfer werden eins: Attelwil (hauchdünn) und Reitnau (deutlich) sagen Ja zur Fusion (Memento vom 30. Dezämber 2017 im Internet Archive) Artikel uf aargauerzeitung.ch vom 26. Novämber 2017