Schööz
Schööz (amtlech Schötz) esch e politischi Gmeind im Wahlkreis Willisou im Kanton Lozärn, Schwiiz.
| Schötz | |
|---|---|
 | |
| Basisdate | |
| Staat: | Schwiiz |
| Kanton: | Lozärn (LU) |
| Wahlchreis: | Willisou |
| BFS-Nr.: | 1143 |
| Poschtleitzahl: | 6247 |
| Koordinate: | 641759 / 224638 |
| Höchi: | 504 m ü. M. |
| Flächi: | 15,32 km² |
| Iiwohner: | 4657 (31. Dezämber 2021)[1] |
| Website: | www.schoetz.ch |
 Schööz | |
| Charte | |
 | |
Geografi Bearbeite
Schööz liid in ere Ebeni am Weschtrand vom Wauwilermoos zwzösche dr Luutere im Weschte ond dr Wigger im Oschte. Zue dr Gmeind ghöre ou na d Wiiler Hostris (504–506 m ü.M.), Hinter Buttenberg (585 m ü.M.), Unterer Wellberg (493–498 m ü.M.), Gläng (501–504 m ü.M.) ond alli Wiiler vo Ohmstau. Vo dr Gmeindsflechi send 68,9 % Landwirtschaftlechi Flechi, 20,4 % Waud, 9,1 % Sidligsflechi ond 1,5 % süschtigi Flechi.[2] Nachbergmeinde vo Schööz send Äbersecke, Auberswiu, Egouzwiu, Ettiswiu, Gättnou, Nebike ond Wauwu.
Gschicht Bearbeite
Schööz esch zom erschte Mau gnamsed worde im Jahr 1173 aus Scotis.
Per 1. Jänner 2013 hät Schööz mit dr damalige Nachbergmeind Ohmstau fusioniert.
Bevölkerig Bearbeite
Quälle: Bundesamt für Statistik 2005[3]
| Jahr | 1850 | 1860 | 1870 | 1880 | 1888 | 1900 | 1910 | 1920 |
| Ohmstal | 416 | 366 | 345 | 388 | 306 | 283 | 291 | 290 |
| Schötz | 1462 | 1286 | 1252 | 1309 | 1264 | 1121 | 1249 | 1289 |
| Jahr | 1930 | 1941 | 1950 | 1960 | 1970 | 1980 | 1990 | 2000 |
| Ohmstal | 292 | 326 | 297 | 294 | 280 | 257 | 287 | 317 |
| Schötz | 1426 | 1537 | 1717 | 1890 | 2351 | 2317 | 2613 | 3065 |
Dr Uusländeraateil esch 2010 bi 14,7 % gläge.[2]
Religion Bearbeite
81 % vo dr Iiwooner vo Schööz send im Jahr 2000 römisch-katholisch gsii (Ohmstal 78,5 %), 7,3 % evangelisch-reformiert (Ohmstal 14,5 %).[2]
Politik Bearbeite
Bi dr Nationauraatswahle 2015 hät s das Ergebnis gää:[2] BDP 0,8 %, CVP 33,4 %, FDP 16,8 %, GLP 3,1 %, GP 2,5%, SP 5,5 %, SVP 34,5 %, Süschtigi 3,4 %.
D Gmeindspräsidentin vo Schööz esch d Regula Lötscher-Walthert (CVP). (Stand Januar 2020)
Wirtschaft Bearbeite
D Arbetslosigkeit esch z Schööz im Jahr 2011 bi 2,6 % gläge.[2]
Sprach ond Dialäkt Bearbeite
Bi dr Volkszellig 2000 hend vo dr 3769 Iiwohner 91,7 % Dütsch aus Houptsprach aagää, 0,4 % Französisch, 0,6 % Italienisch ond 7,6 % anderi Sprache.[2]
Z Schööz redt me s hochalemannisch Lozärntütsch.
Weblink Bearbeite
Commons: Schööz – Sammlig vo Multimediadateie- www.schoetz.ch
- Waltraud Hörsch: Schötz In: Historisches Lexikon vo dr Schwiiz.
Fuessnote Bearbeite
- ↑ Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 15. November 2022
- ↑ 2,0 2,1 2,2 2,3 2,4 2,5 Bundesamt für Statistik: Regionalporträts 2012: Kennzahlen aller Gemeinden uf bfs.admin.ch vom Mai 2012
- ↑ Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch Date im Aahang)
