Saantoni

(Witergleitet vun St. Antoni)

Santooni (Betoonig ufum oo; hoochdytsch St. Antoni, wäutsch Saint-Antoine, Patois Chin t'Anténo/?) isch a Gmiin im Seisebezirk im Kanton Frybùrg i de Schwytz. Si het bys zùm Jaar 1860 offyziell Schrickschrot ghiisse, nam Naame vo de Houptsidlig, wo o d Pfarrchûucha stiit.

Saantoni
Wappe vo Saantoni
Wappe vo Saantoni
Basisdate
Staat: Schwiiz
Kanton: Friburg (FR)
Bezirk: Seisebezirkw
BFS-Nr.: 2302i1Expression-Fähler: Nit erkannt Satzzeiche „[“f4
Poschtleitzahl: 1713
Koordinate: 586453 / 185659Koordinate: 46° 49′ 19″ N, 7° 15′ 40″ O; CH1903: 586453 / 185659
Höchi: 715 m ü. M.
Flächi: 16.85 km²
Iiwohner: Expression-Fähler: Nit erwartete Operator: <Ungültiger Metadaten-Schlüssel 2302 (31. Dezämber 2021)[1]
Website: www.stantoni.ch
Katholischi Chûucha va Saantoni
Katholischi Chûucha va Saantoni

Katholischi Chûucha va Saantoni

Charte
Charte vo SaantoniMurtenseeGreyerzerseeSchiffenenseeSchwarzseeKanton BernKanton BernSeebezirk (Freiburg)Kanton BernKanton WaadtGreyerzbezirkSaanebezirkBroyebezirkSeebezirk (Freiburg)AlterswilBösingen FRBrünisriedDüdingeGiffersHeitenriedPlaffeienPlasselbRechthaltenSchmitten FRSt. Antoni FRSt. Silvester FRSt. UrsenTafersTentlingenUeberstorfWünnewil-Flamatt
Charte vo Saantoni
w
Dialäkt: Seislertütsch

Geografyy ändere

D Gmiin St. Antoni isch a Ströysidlig mit vûle Wyyler ù Hööfe. De Sidligsmittùpùnkt ùf ca. 715 m ù.M. bûudet d Pfarrchûucha, wo ùf annera Aahööyi glääge isch. De hööyschta Pùnkt isch de Chutz mit 884 m ù.M., de tûûfschta Pùnkt de Ledeubach ùnderhaub vo Tutzishuus a de Mûndig vom Muurebach ùf 615 m ù.M.

Ds Gmiinsgebiet ùmfasst 16.73 km², somit isch Santooni di flächemäässig viertgrööschti Gmiin vom Seisebezirk. Ds Doorf Santooni säuber stiit am Rand vom verzwiigte Gebiet.

D Gmiin grenzt entlang vo de Seisa, vom Sodbach bys Schwenny ùf 4 km a de Kanton Bärn. Das gäge Süüde aastygenda Gebiet giit vo de kollyyni bys zù de vooraupyyni Zoona. Entschprächend vûufäutig isch d Vegetazyoon.

Nùme as haubjùschts Wappe ändere

Beschryybig: Tûut vo Goud mittùm wachsende schwarze Antoniterchrüz, bheicht mit zwûû schwarze Glöggleni ù vo Blau mit drüü sûuberne Ringe

Ds Gmiinswappe isch im 1925 ùs Foug vomena Irrtùm yygfüert choo. No na zwenzg Jaar isch mù de Miinig gsyy, de Frybùrger Schultheiss Jean Gambach hiigi ds Antonius-Chäppeli ùf ùm Schrick ggrûndet, drùm het ds Gambacher Famyliewappe de Platz i de ùnderi Häufti vom Wappe bechoo. De Schultheiss Gambach isch taatsächlech Iigetûmer vomena Antonius-Chäppeli – allerdings i de Houptstadt Frybùrg, dette wo hûtt d Unyversytäät stiit. Mittùm Chäppeli z Santooni ùs ùm 16. Jaarhùndert het di Gambach'schi Stûftig a ki Bezyig. Di drüü sûubrige Ringe vo de Gambach sy im Wappe trotzdäm erhaute plûbe. De Staab mit de zwûû Glöggleni vom Heilige Antonius triit d Gmiin aber zù Rächt. De Antonius isch ùs Patron vo de Huustier vereert choo. Wûu sys Tier bsùnders ds Schwyy gsyy isch, het d Aarmefûûrsoorg wärend ùm Mittùauter Schwyy la haute. Si hii fryy chöne ùmmalùùfe ù hii Glöggleni traage ùs Erkenigsziiche. Vor ùm Fescht vo iirùm Patron sy si gmetzget choo ù ds Fliisch isch a di Aarme vertûut choo.

Gschûcht ändere

Am Platz vom hûttige Dorfchäärn het es bys 1447 ki Sidlig ggää. Si isch ersch ùm ds Antonius-Chäppeli ùm entschtane, wo nam Syyg vo de Frybùrger ùber d Bärner im Jaar 1448 puut choo isch. Ab de Mitti vom 16. Jh. het sich de Naame vom Chäppeli ùf de Ort säuber ùbertraage.

Di hûttegi Gmiin het iinisch zù de Pfarryy Tafers kört ù demit zù de Auti Landschaft. De Platz ùf däm wo d Chûucha puut isch hiisst Schrick, was so vûu wy steil bedütet. Mit de Uftiilig vo de aute Pfarrgmiine isch Santooni 1831/32 zùnnera säubschtändegi polytteschi Gmiin choo.

Bevöukerigsentwicklig ändere

Mit de Revysyoon vo de Buuoornig im Jaar 1994 het o d Yywoonerzaau zuegnoo. Buutäätigkiit isch vor alùm z Lampertshaute, z Bùrgbüu, z Nidermùnte ù z Nidermuure feschtzschtöle gsyy. Im 1990 het di Iidgnösseschi Vouchszölig no 1'762 Yywooner feschtgschtöut. Im Endi 2001 hii i de Gmiin scho 1950 Persoone gwoont.

Jaar 1850 1860 1870 1880 1888 1900 1910 1920
Yywoner 1276 1284 1456 1596 1646 1523 1659 1705
Jaar 1930 1941 1950 1960 1970 1980 1990 2000
Yywoner 1615 1628 1652 1574 1517 1570 1725 1924

Quela: Bundesamt für Statistik 2005[2]

De Uusländeraateel isch 2010 bi 3,6 % gläge.[3]

Religion ändere

75,5 % va de Yywoner si im Jaar 2000 römisch-katholisch gsii, 17,5 % evangelisch-reformiert.[3]

Spraach und Tialäkt ändere

Bi de Vouchszelig 2000 hii va de 1924 Yywoner 95,8 % Tüütsch aus Hùùptspraach aaggää, 1,6 % Franzöösisch ù 2,6 % anderi Spraache.[3]

De seislertüütsch Tialäkt va Santòòni ghöört zum Hööjschtalemannisch.

Wûrtschaft ändere

D Gmiin isch tradyzyonell landwûrtschaftlech präägt. Ùber 90 Betriibe bewûrtschafte im Houpt- oder Näbe-erwäärb 1'372 ha Lann, wobyy d Mûuchwûrtschaft de Hööyelaag ù de Vegetazyoon aapasst di wichtegschti Rola spûut. So git es (wäge te groosse Wääge) z Nidermuure, z Obermùnte, z Schwenny ù z Santooni säuber o no vier Cheeseryye, wo tääglech 16 Tone Mûuch veraarbiitet chäme.

I nüüschter Zytt hii sich Gwärbs-, Ynduschtryy- ù Dienschtleischtigsbetriibe aagsidlet. Trotz wäge däri Zuenaam a Aarbiitsplätz blybt Santooni a tüppeschi Wägpendlergmiin.

Vercheersverbindige ändere

Santooni ligt zwûsche Tafers ù Hitteried a de Houptschtraass vo Frybùrg ùf Schwarzebùrg (Gmiin Waalere) im Kanton Bärn.

Weblink ändere

  Commons: Santòòni – Sammlig vo Multimediadateie

Fuessnote ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)
  3. 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch, Mai 2012