Urs Zimmermann

De Urs Zimmermann (* 1942, heimatberechtigt z Affoltere am Albis) isch en Schwiizer reformierte Pfarrer und Politiker (EVP). Vo 2005 bis 2010 isch er Mitgliid vom Rat vom Schwiizerische Evangelische Chilebund (SEK) gsi.

De Zimmermann het Theologii gschtudiirt und sis pfarramtliche Praktikum (Vikariat) gmacht und isch danach zerscht Pfarrer in ere Chilegmeind im aargauische Seetal gsi. Er hat dann in d Chilegmeind Wettige-Noiehof gwächslet und isch derte bis zu sinere Pensioniirig 29 Johr Pfarrer gsi. Im Dekanat Bade isch er einigi Johr Dekan gsi und in de Amtsperiode 2003–2006 Synodepräsident vo de Reformierte Landeschile Aargau. Vom Juli 2005 bis Endi 2010 isch er Mitgliid vom Rat vom SEK gsi.

Nach sinere Pensionierig het de Zimmermann im Johr 2009 uf de Lischte vo de EVP für de Gross Rot vom Kanton Aargau kandidiirt und isch im Bezirk Bade uf de erschti Nochrückplatz hinter de Lilian Studer gwählt worde.

De Urs Zimmermann isch mit de ehemolige EVP-Grossrötin Elsbeth Zimmermann ghürate und het viir erwachseni Chind.