Seetal

es Tal und e Landschaft i de Kantön Lozärn und Aargau

S Seetal isch e Landschaft vo dr Schwiiz.

im Seetal

Es isch es Tal im Schwiizer Middelland, wo i de Kantöön Luzärn und Aargau lyt. Sini Lengi isch öppe dryssg Kilometer. Es verbindet s Luzärner Rüüsstal nördlich vo Luzärn mit em Aaretal am Jurasüdfuss bi Länzbrg. Im Tal lige dr Hallwilersee un dr Baldeggersee. Usem Baldeggersee in Hallwilersee abe und us däm vo Hallwil bis uf Wildegg flüsst dr Aabach. Oben am Baldeggersee heisst dr Talfluss Ron und nonig Aabach.

Vo dr zimli flache Wasserscheidi zwüschem Yzugsgebiet vo dr Ron z’oberscht im Seetal und däm vo dr Rüüss, öpen uf 515 Meter über Meer, bis zum Ändi vom Tal bi de Länzbrger Gletschermoräne uf 420 Meter goot s Tal meh as hundert Meter abe. Undedra, also usserhalb vom ängere Berych vom Seetal, verlüürt dr Aabach bis zu sinere Mündig id Aare nomol sibezg Meter Hööchi.

S Tal isch vo uralte Flüss und vom Rüüssgletscher i de Yschzyte gmacht worde. Dr steinig Bode under am Tal isch us verschidene Schichte vo Sandschtei; me gseht dr Felse sälber nume a ganz weni Plätz, wil fasch uf dr ganze Flechi Gletscherschutt und andere Bode druff lyt.[1]

Linggs drvo, also uf dr Weschtsyte, lyt di längzognigi Reie vo de Höger Erloose, Howacht, Yschlag, Hochwacht, Hombärg, Egg, Chräje, Surbärg, Seenerbärg, Schürbärg, Binze und Lotte. Uf dr Oschtsyte isch es dr Lindebärg.

Grösseri Dörfer im Seetal sind, vo Süüde här gseh, Eschebach, Hoftere, Ballwil, Ärmesee, Hitzkirch, Mäischterschwande, Böiel, Seenge, Boniswil, Seon und Egliswil.

Dur s Seetal goot d Seetalbaan.

Weblink ändere

Fuessnoote ändere

  1. Ulrich P. Büchi: Zur Geologie der Molasse zwischen Reuss und Seetal (Baldegger- / Hallwilersee / Aabach). In: Eclogae Geologicae Helvetiae, 51, 1958, S. 279-299.

Koordinate: 47° 14′ N, 8° 14′ O; CH1903: 660201 / 232542