Wikipedia Diskussion:10 Johr Alemannischi Wikipedia

Letzter Kommentar: 9. Novämber 2013 von Stephele in Abschnitt Bilder fir d Artikel vu dr Wuche

Projäktsyte zum 10-jehrige Jubiläum vu dr Alemannische Wikipedia im Novämber 2013

Ideesammlig ändere

  • Pressemitdailig
  • Spotjohrsdräffe im Novämber
  • Houptsyte rund um s Jubiläum, lueg dr Aafang vun ere Teschtsyte
  • Schrybwettbewärb
  • Vordrag uf dr WikiCon 2013 (Schwerin, nei: Karlsruhe, 22.-24. November 2013 )

--Holder (Diskussion) 19:40, 1. Jul. 2013‎ (MESZ)Beantworten

Wikimedia CH het d'Förderig vo de alemannische Wikipedia in de Schtatute schtoh.

  1. i wär interessiert mitz'helfe un chönnt Zyt drfür inveschtiere, I bi jetz als Selbschtschtändige flexibler wie früener, I han s'letscht Johr d'WikiCon z'Dornbirn organisiert
  2. i bi Mitglied bi Wikimedia CH (i han dörtmols sälle Satz in d'Schtatute inebrocht) un ha viel mit em Verein z'due will ich dört d'Technik mach, drum denk i, dass i au e gueti Zämmearbet anekriege dät, usserdäm hat Wikimedia CH jetz au e dütschschprochigi Community Managerin (d'Muriel).

I däd drum unterschtütze (s' schtoht jo eh alles scho obe):

  • d' Prässemitdeilig (schrybe mir, löhn uns abr vo WMCH und WMAT korrekturläse un useschicke - AT het jo au alemannische Schprochruum un i weiss, dass di en Abo bi de APA hen, denn chunnts au in die grosse Medie ine)
  • Träffe / alemannischs WikiCamp odr so öbbis, e Wuchenendveraschtaltig mit Programm (Friddig z'obe bis Sunndig Middag), amme schöne Ort, mit Übrnachdig - dät mi drum chümmere, au ums Geld, wenn sich Lüt finde wo sich ums Programm kümmere däte
  • Schrybwettbewerb sött in de Prässemitdeilig aakündigt werde, Priisvergab am Träffe
  • Vordrag z'Schwerin erübrigt sich weil's nit dört stattfinde wird (me cha sell Galama uff de de:wp nochläse, wä mr Fruschtrationstolerant isch), aber irgendöbbis wirds trotzdem geh un i wird auch dört sie.

--Manuel Schneider(bla) (+/-) 20:54, 4. Sep. 2013 (MESZ)Beantworten

Sali Manuel,
@Prässemitdailig: wänn d Prässemitdailig vu WMCH un WMAT uusegschickt wird, wär des sicher besser wie wänn s eber vu uns uuseschickt. Chennt des au no WMDE verschicke an d Zytige z Bade-Wirttebärg?
@Dräffe: s wär jo schen, wänn mir e meedägig Dräffe zstandbringe, aber sunscht längt au ne aidägig.
@Schrybwettbewärb: bim letschte hämer vier Wuche Zyt zum Schrybe ghaa ghaa, derno zwoo Wuche Abstimmig, des haißt zwische dr Prässemitdailig un em Dräffe sotte derno zmindescht sechs Wuche lige. Was mache mer aber, wänn dr Siiger gar nit persenlig zum Dräffe cha chuu?
D WikiCon isch jetzt z Karlsrue, des lyt fir uns jo no ginschtiger wie Schwerin. My Vordrag wett i dert uf jede Fall halte un e Workshop zue Wikipedia in chlaine Sproche haan ia au scho aagchindet.
Noch e Idee wär im Ibrige: am Frytig, 15. Novämber zämme mit em Wikipedia-Stammtisch Züri uf Bärn in s Bundesarchiv.
--Holder (Diskussion) 21:03, 8. Sep. 2013 (MESZ)Beantworten
I freu mi uff die positivi Ruckmäldig, abr s'isch es weng arg ruhig. Sin mir zwei die einzige, die öbbis mache wänn? Wäge mir isch des au rächt, solang sich drnoch niemeds beschwehrt er / sie heigi nüt gwüsst odr sig sogar drgäge. Chönnte mir uns mol (virtuell) zämmesetze go die Sache konkreter plane? I hät e offeni Videokonferenzplattform z'biete odr chumm au emol uff Friiburg uffe. I denk numme mr sotte mol aafange mit richtige Planige - d'Idee schiene sich jo eh scho z'decke. --Manuel Schneider(bla) (+/-) 10:43, 11. Sep. 2013 (MESZ)Beantworten
I han drno a Mail an unseri Mailinglischte gschickt: http://lists.wikimedia.org/pipermail/wikials-l/2013-September/000102.html --Manuel Schneider(bla) (+/-) 11:08, 11. Sep. 2013 (MESZ)Beantworten
Loss is doch aifach emol churz delifoniere zum wyter blane, z. B. eb mer uf Dyni Videoplattform gehn. Ich schryb Dir e Mail mit myre Nummere. Grueß, --Holder (Diskussion) 12:14, 11. Sep. 2013 (MESZ)Beantworten
Hoi zäme, laider bliibt mer grad nöd vill Zitt öbrig för d Wikipedia und cha drom onöd gross helfe - aso mached nu, wieners för richtig halted. Amene Treffe bini aber sicher interessiert und wöör au luege, as i chann choo. Die Idee mitem öffetliche Uusschriibe vomene Schriibweppiwerb isch e gueti Idee und chönnt üss noiji Autoore bringe. Uf Charlsrue weri nöd choo, die Stadt cheni scho und i hasi nöd ase toll gfunde (Offeburg wäär schönner). Vill Erfolg bim Voortraag, Holder. --al-Qamar (Diskussion) 12:28, 12. Sep. 2013 (MESZ)Beantworten

So zämme: De Holder un i hen grad delifoniert. Ei Konsequenz drvo hän r eh grad gseh: I han selli Diskussione emol uff d'Diskussionssyste usglageret, so dass mr uff de Projektsyte cha sell feschthalte, was mr tatsächlich mache wänn. S'git en Schrybwettbewerb churz vorem Jubiläum mit Priisverleihig an de WikiCon, drzwüsche findet de Geburtsdag schtatt, zue däm mr denn e Pressemiddeilig usegänn. Mr hen churz übrleit ob mr e Pressemiddeilig vorem Schrybwettbewerb mache sotte, abr sell wär z'wiit weg vom Geburtsdag, un zwei Middeilige (eini zuem Schrybwettbewerb, e zweiti zum Geburtsda mit ggf. de Top-3 vom Schrybwettbewerb un Hiiwys uff d'WikiCon) wär z'viel, d'Medie interessiere sich nit so schtark für d'alemannischi Wikipedia, als dass si zwei Mäldige so churz hinterenander drucke würde. Also konzentriere mr üs uff s'interessanteschte, was mr hän: De Geburtsdag. --Manuel Schneider(bla) (+/-) 21:46, 12. Sep. 2013 (MESZ)Beantworten

Sustigs ändere

Uf jede Fall söll den Hoptsitte (nume) uf Elsassisch sii, do da jo de Muettertielekt isch. --al-Qamar (Diskussion) 15:05, 2. Jul. 2013 (MESZ)Beantworten

Find i guet, un do cha mer jo derno di ganz Syte ibersetze, also au "Hesch gwisst", "Gschicht" un d Yylaitig vum "Artikel vu dr Wuche".
Het eber e Idee, was firigi Artikel mer im Novämber as "Artikel vu dr Wuche" chennt nee? --Holder (Diskussion) 15:52, 2. Jul. 2013 (MESZ)Beantworten
Hm, näbis Aktuells? Aber da wössemer no nöd. Oder Mailestai, z.B. de 100. de 1000. de 10000. de 100000. de … äh, halt stopp! Asewiit simmer nonöd. S Thema zom Schriibweppiwerb söttemer ono usefinde (aber da im ghaime, demit niemert im Voruus scho en Artikel schribt. --al-Qamar (Diskussion) 16:31, 2. Jul. 2013 (MESZ)Beantworten
Aso die Artikel fändi gaignet Chemie (1.); Le Landeron (Zunftwesen) (1000.); Hunschpach (5000.) und Josef Villiger (10000., het aber e kais Fötteli). Isch aber nu e Vorschlag. --al-Qamar (Diskussion) 16:43, 2. Jul. 2013 (MESZ)Beantworten

Find i e gueti Idee mit däne Mylestai, aber zmindescht «Chemi» sott mer scho no ne weng uusböue. Un des mit em Schrybwettbewärb mache mer eso ghaim, dass nit emol mir zwee s Thema chänne, bis er aafangt   . --Holder (Diskussion) 20:04, 3. Jul. 2013 (MESZ)Beantworten

Wotsch s Thema vom Schriibwettbewerb lösle oder wi wotsch das mache, Holder? Uf jede Fall find ich en Schribwettbewerb e gueti Idee. --Badener (Diskussion) 20:54, 3. Jul. 2013 (MESZ)Beantworten
S Thema vum Schrybwettbewärb haan i jetz emol ganz ellai in ere Nacht-un-Näbel-Aktion bstimmt un zwar des, was s letscht Johr vum Badener vorgschlaa woren isch, nämli ebis Aktuälls, aber uusgwytet uf di letschte 10 Johr: 3. Schrybwettbewerb. --Holder (Diskussion) 05:31, 18. Sep. 2013 (MESZ)Beantworten

Gschicht ändere

Wani guet fäänd und scho lang gern hätt, wäär e Gschicht öber di alemannischi WP. Dodezue müest mer de Terfili afrööge. Mii Vorschlag wäär e separati Siite Wikipedia:Gschicht vo de alemannische Wikipedia o.ä. --al-Qamar (Diskussion) 13:50, 4. Jul. 2013 (MESZ)Beantworten

E Aafang zuen ere Gschicht vu dr Alemannische Wikipedia git s do: Wikipedia:Aktuelle Meldungen. --Holder (Diskussion) 13:53, 4. Jul. 2013 (MESZ)Beantworten
Un e Iberblick iber d Ammanne in dr letschte 10 Johr het s do: Wikipedia:Ammanne/Archiv Ehmoligi. --Holder (Diskussion) 18:58, 4. Jul. 2013 (MESZ)Beantworten
Ääh, Holder der Große, al-Qamar der Zornige, Mireille die Generöse ... Sit wenn schribet Amane Gschicht? --al-Qamar (Diskussion) 19:49, 4. Jul. 2013 (MESZ)Beantworten
S git halt zwee Benutzertype: die, wu d Wikipedia schrybe, die findet mer do: Wikipedia:Artikelverzeichnis, un diejenige, wu si lesche, ebe di große, zornige, generöse Amtmanne un Amtfraue. Un zuesätzli git s natyrli no die, wu in dr Hauptsach driber dischpetiere, die findet mer do. --Holder (Diskussion) 20:03, 4. Jul. 2013 (MESZ)Beantworten

ändere

Un as Bilder chennte mer fir die vier Artikel so ebis nee:

Oder eso ebis (mießt mer halt no alemannisiere)

--Holder (Diskussion) 20:04, 3. Jul. 2013 (MESZ)Beantworten

I find nöd, asmer die uusgwäälte Artikle gross forssiere müend. Sicher echli erwittere, aktualisiere und verbessere scho, aber s cha jo au interessant sii, wemmer gsiet, wie d Wikipedia gwachsen isch. --al-Qamar (Diskussion) 10:10, 4. Jul. 2013 (MESZ)Beantworten

Prima Idee, dia Meilenstei-Àrtìkel! Noch a Logo derzüe (vìllìcht a so ebbis   mìt da Kerza 10 ìn SVG gmolt)? Un vìllìcht noch ebbis màcha mìt Audio-Ufnamma? --MireilleLibmann (Diskussion) 13:25, 4. Jul. 2013 (MESZ)Beantworten

Numma àls Vorschlàg:

--MireilleLibmann (Diskussion) 23:18, 8. Jul. 2013 (MESZ)Beantworten

Des Bild mit dr Cherze isch nätt, s erscht Bild mit em "10 Johr" gfallt mir sogar no besser. Wämer do no d Unterschrift drunter macht (lueg do: Datei:Wiki.png) no chennte mer eso ne Bild as Logo nee im Novämber. --Holder (Diskussion) 05:58, 9. Jul. 2013 (MESZ)Beantworten
Da Bildli mit de Cherze gfallt mer guet. Chönnt mer die nöd nochli grösser mache und eventuell no innere chlinnere Schrift "Joor" drunderschroobe? --al-Qamar (Diskussion) 10:07, 9. Jul. 2013 (MESZ)Beantworten
Ja, àm And, wenn d Verziarung güet gnüe ìsch, wìrd sa uf d Datei:Wiki.png drufbappt; noh sìeht ma dr Text „Di frei Enzyklopedi“, wo derzüe gheert. Derwilscht màch i numma schnalla Test ìn SVG Format (mìt em Programm Inkscape). Noch a Vorschlàg, nìt 100% scheen, àwer 's ìsch fer a Idee z'gaa:
Naachschta Mol vìllìcht rìchtig rot, ehnder às rossarot, fer pràwiara... Un d Kerza greeßer, aui noch.
Oder a runda Kerza üssem Logo màcha?...     --MireilleLibmann (Diskussion) 22:36, 9. Jul. 2013 (MESZ)Beantworten
Aso da mit 10 Joor Wikipedia goot nöd, well sös de Iidruck entstoot, as d Wikipedia erst zee Joor gitt. Do müest scho "alemannischi Wikipedia" stoo, aber da isch woll zlang. De letschti Vorschlag mit de Wikipediachugle as Null findi super, de Vorschlag gfallt mer am beste und i wöör dem grad zustimme. Ganz guet glunge!!!    --al-Qamar (Diskussion) 09:49, 10. Jul. 2013 (MESZ)Beantworten
Àchtung, nìt vergasssa: àm And steht noch „Di frei Enzyklopedi“, dàs màcht scho àlemànnisch. Àwer ma kààt aui "alemannischi" extrà derzüe schriiwa. Ìch hà noch a Bìld mìt rota Kerza derzüe gmàcht (leider geht s Wort "Johr" a bìtsi z'vìel ìwra, dàs kännt ma noch verbessera). --MireilleLibmann (Diskussion) 13:17, 10. Jul. 2013 (MESZ)Beantworten
Wie wär s dodermit: die "10 Johr" wyter uffe un derno drunter "Alemannischi", dodrunter "Wikipedia" un dodrunter "di frei Enzyklopedy"? --Holder (Diskussion) 17:51, 10. Jul. 2013 (MESZ)Beantworten
S noi Bild isch au guet, aber de Zuesatz "Di frey Enzyklopädy" wöri ewegg loo, ase wörkts uf mii echli öberlade. --al-Qamar (Diskussion) 09:16, 13. Jul. 2013 (MESZ)Beantworten

Nèier Vorschlàg: ändere

--MireilleLibmann (Diskussion) 08:45, 14. Jul. 2013 (MESZ)Beantworten

Da Vorschlag rächts gfallt mer ganz guet. D Wältchugle im Hindergrund vom lingge Bild würi aber passender finde. Si hät weniger dunkli Stelle im obere Beraich. Gruess --Schofför (Diskussion) 09:05, 14. Jul. 2013 (MESZ)Beantworten

Mer gfallet baidi, de rechts echli besser. Ase fallt de Tegscht guet is Aug und s wörkt nöme öberlade. Vile Dank, super Arbet. --al-Qamar (Diskussion) 10:14, 14. Jul. 2013 (MESZ)Beantworten
Scheen! S rächt Logo find i au besser, wel mer d Schrift besser cha läse. --Holder (Diskussion) 18:09, 14. Jul. 2013 (MESZ)Beantworten
Güet, mìr gfàllt dàs vu rachts aui àm beschta!
Jetz, numma àss uns nitt meh rèit, hàn i noch a Proba gmàcht mìt em Bìld vu lìnks ìn rot, àstàtt rossarot. As gfàllt mìr àwer aui nìt a so: 's ìsch züe schwar un nìt sehr lasbàr.
--MireilleLibmann (Diskussion) 21:19, 14. Jul. 2013 (MESZ)Beantworten

E chlaini Aamerkig no: s Logo vu dr Wikipedia stoht unter Copyright vu dr Wikimedia Foundation un Variatione dervu chenne nit unter e freie Lizänz gstellt wäre. Ich due des mol bi allne neie Dateie korrigiere. --Holder (Diskussion) 21:27, 14. Jul. 2013 (MESZ)Beantworten

Ja, ìch hà's zwàr gwìsst, àwer ìch hà nìt gwìsst wia's schriiwa. Merci! :-) --MireilleLibmann (Diskussion) 21:41, 14. Jul. 2013 (MESZ)Beantworten

Mir gfallt dr rächti Vorschlag au guet. Bim lingge hanis Gfühl, s Null sig e Bombe... --Dr Umschattig red mit mir 12:30, 20. Aug. 2013 (MESZ)Beantworten

Die Kampfplaneete vo de Tunkle Macht in Starwars-Film gseend au esoo uus wie die oben offe WP-Chugle, wänns na im Bou sind... --Freigut (Diskussion) 14:10, 23. Aug. 2013 (MESZ)Beantworten

Korrektur vum wissa Hìntergrund ändere

Ìch hà a nèi Logo ìn SVG-Format gmàcht, ohna wissa Hìntergrund fer dr Text „WIKIPEDIA“. üs dam hà-n-i zwei PNG-Dàteia exportiart: 135px ou 624px.

Bilder fir d Artikel vu dr Wuche ändere

Fir d Artikel vu dr Wuche im Novämber schlaan i die Bilder vor:

--Holder (Diskussion) 20:32, 10. Okt. 2013 (MESZ)Beantworten

Güet! --MireilleLibmann (Diskussion) 21:26, 10. Okt. 2013 (MESZ)Beantworten
Ich find die Idee e weng yyfallslos, eifach irgetwelli Meilestei z nee. Dezue chunt no dass eine devo scho emool Artikel vo de Wuch gsi isch, zwei vum glyche Autor sin, un eine en Ortsartikel imene sehr wyt entfernte Dialäkt isch. Insgsamt au nit grad unbedingt Vorzeigeartikel. Also wemmer e bsundri Aktion wott mache, no chönnt mer z.B. au Artikel zum aaloose nee, vo dänne hemmer nämli no fümf in Reserve, in vier verschidne Dialäkt. Am wichtigste aber: am 12. Novämber isch de 150 Geburtstag vum Albert Bachmann un am 30. Novämber de 200. vum Hermann Kurz! Wemmer die mit e paar Artikel zum aaloose mischt, no hät mer jedi Wuch en andre Dialäkt. --Terfili (Diskussion) 14:31, 17. Okt. 2013 (MESZ)Beantworten
D Idee isch gsii, dass d Houptsyte im Novämber ganz uf s Thema "10 Johr Alemannischi Wikipedia" abgstimmt isch, lueg uf däre Teschtsyte, bishär vor allem unte bi "Gschicht", "Hesch gwisst" un "Nochrichte". E Probläm isch aber halt emol wider, ass d Diskussion do schnäll wider yygschlofen isch. --Holder (Diskussion) 15:02, 17. Okt. 2013 (MESZ)Beantworten
An was fir gläseni Artikel hesch denn dänkt? --Holder (Diskussion) 06:18, 18. Okt. 2013 (MESZ)Beantworten
Ha es het no Muspilli, Europäischer Maulwurf, Schauinslandbahn, Castroville (Texas) ùn Artikulationsart. Castroville ùff jede Fall wyl's ùff Elsässisch isch, Schauinslandbahn aber nit, wyl scho de Albert Bachmaa vùm Holder isch, deno vùm al-Qamar änder de Scheer, ùn no blybt no Artikulationsart. --Terfili (Diskussion) 17:03, 21. Okt. 2013 (MESZ)Beantworten
Wänn mir uns do jetz gege dr Vorschlag vum al-Qamar mit dr Mylestai entschaide, no fänd i s aber besser, im Novämber nume Artikel z nee, wu s Tonufnahme derzue het. So spektakulär find i jetz die bede Geburtsdäg nit fir unser Geburtsdag. Gläseni Artikel sin aber scho ebis bsunders. --Holder (Diskussion) 18:03, 21. Okt. 2013 (MESZ)Beantworten
Mir gfallt d Idee vo de Mailestai - aber au die vo de gsprochne Artikel. Die beede Geburtstäg chömed sicher am jewilige Datum uf de Hoptsite une lings. Oder me chönnt si jo under «Hesch gwüsst ...» bsonders erwääne. E witeri Möglichkait wär, au d Mailestai under «Hesch gwüsst ...» z bringe. Dänn het mer bim «Artikel vor Wuche:» Glägehait, di gsprochne Artikel z bringe. Gruess --Schofför (Diskussion) 08:40, 29. Okt. 2013 (MEZ)Beantworten
D Startsyte siit im Novämber eso uus, d. h. s git kai aktuälli Theme e jede Dag unte links, un unter "Hesch gwisst" cheme ebe au nume Info rund um di Alemannisch Wikipedia. Aber wänn mer d Myylestai nit as Artikel vu dr Wuche nämme, chenne mer si gärn unter "Hesch gwisst" uffiere. --Holder (Diskussion) 09:05, 29. Okt. 2013 (MEZ)Beantworten
Meilestei oder Gsprochena Wikipedia: schwar z'entscheida, beida sìn flott. As blibt noch a bìtsi Plàtz ìm Ràhma "Àrtikel fìnde", do kännt ma a kleina Sektion "Meilestei" àm And derzüebappa. Àndra Leesung: schnall noch d Meilestei-Àrtìkel àls Audio ufnamma, àwer 's ìsch wohrschins züe vìel Àrwet un züe knàpp ìn dr Zitt. Sowìeso, wia ma màcht, wìrd's güet sìì. --MireilleLibmann (Diskussion) 13:10, 29. Okt. 2013 (MEZ)Beantworten

Dr Fideli het no ne Vorschag gmacht: e Tour d'Alemannia, wu luter Artikel präsentiert wäre, wu ebis z due hän mit dr Region. Des chennt eso mache: mer wächsle all Dag die vier Bilder ganz obe, no hämer 30 Däg mol 4 Artikel = 120 Artikel = 120 Bilder im Lauf vum Novämber. Ich schlaa mol vor, ass mer 30 Artikel us dr dytsche Alemannia nämme, 30 us dr Schwyzerische Alemannia, 30 us dr franzesische Alemannia un derno nomol 30 vu Vorarlbärg/Liechtestai/Südwalser. --Holder (Diskussion) 18:53, 29. Okt. 2013 (MEZ)Beantworten

Do haan i scho mol aagfange mit ere Sammlig vu Bilder un Artikel. --Holder (Diskussion) 18:54, 29. Okt. 2013 (MEZ)Beantworten
D Lischt mit Bilder un Artikel fir d Tour d'Alemannia stoht jetz: Wikipedia:Bilder fir d Houptsyte. S isch all Dag ai Bild vu Dytschland, ais us dr Schwyz, ais us em Elsass un ai Bild vu Vorarlbärg/Liechtestai/Südwalser. Jetz cha mer si no weng ummesortiere un glychmäßiger verdaile, no Farbe, Motiv, Greßine ... --Holder (Diskussion) 21:29, 30. Okt. 2013 (MEZ)Beantworten
Gset doch guet us! Danke för die Arbet!   --Schofför (Diskussion) 22:50, 30. Okt. 2013 (MEZ)Beantworten

D Churzumfrog in dr letschte Däg bi dr zurzyt aktiven Autore zue dr Frog "Mylestai oder Vorgläseni Artikel" het ergee: e klar Unentschide ... aber mit ere lychte Tendänz zue dr vorgläsene Artikel. Also, no mache des eso! D Mylestai zelle mer uf unter "Hesch gwisst" wie s dr Schofför vorgschlaa het un derzue mache d Tour d'Alemannia wie s dr Fideli vorgschlaa het. Un Artikel vu dr Wuche im Novämber (ab dr negschte Wuche) sin

Ich hoff, dodermit sin alli zfride. Un ab morn isch unser Jubiläums-Novämber! --Holder (Diskussion) 18:10, 31. Okt. 2013 (MEZ)Beantworten

Kenne mr ds Logo (Bravo dodefir, d'ailleurs) öi fr de frànzeesch Wikipédia nufflàde - ääh, uff de Allmend odr so?--Stephele (Diskussion) 19:48, 6. Nov. 2013 (MEZ)Beantworten

Jo, mach aifach. Jetz chunnt wider my Lieblingsantwort: "Des isch e Wiki ..." --Holder (Diskussion) 20:13, 6. Nov. 2013 (MEZ)Beantworten
Ääh, höhö. :-)) Jà ich màch diss jo öi jedr Daa, so ebs! Ich weiss ehrlich gsaat nit emol wells ich nemme sott, welles 's „offiziell“ ésch, diss, wo mr uff de Häuptsit findt!? Ehrlich gsaat, ich hàb gehofft, ich find des so un kànn infàch ebs bi de „Hase“ schriwwe un des insetze...--Stephele (Diskussion) 20:20, 6. Nov. 2013 (MEZ)Beantworten
Wii sott-i diss màche, wenn-i's richtigi kenn? Erscht uff de eije Poschte (Compi) runtrlàde un noochhar àn de Allmend wédr nuff - „gànz normàl“? - Esch schun làng har, 's letscht mol, ass-i diss gmàcht hàb...--Stephele (Diskussion) 20:23, 6. Nov. 2013 (MEZ)Beantworten
Fir ganz normali Wikipediasyte uf frwp deet i die Version nee.
Genau so chasch s mache, zerscht uf em aigene PC spychere un derno uf d Allmänd uffelade, muesch halt ufbasse, dass di korrekt Lizänz nimmsch un di Alemannisch Wiki as Quälle un d Mirelle as "Uffelader" nännsch (s Urheberrächt het si jo nit am Wikipedia-Logo, des blybt drotz Änderige bi dr WMF). --Holder (Diskussion) 20:29, 6. Nov. 2013 (MEZ)Beantworten
Hmmm, d'àccord. Ich vrsuech's emol. Esch de Lizenz schun do?--Stephele (Diskussion) 20:33, 6. Nov. 2013 (MEZ)Beantworten
Sàlü Stephele. Geht's? Wottsch vìllìcht àss ìch dàs Bìld uf Communs uflàd? --MireilleLibmann (Diskussion) 21:45, 6. Nov. 2013 (MEZ)Beantworten
Ah, pàrdon! Ich seh's erscht jetz - mr hàn Invités ghet un Ziwwelkuech mét Neir gasse, do hàw-i e Wiil nit kenne löje. Jà, 's ésch villicht e bissele honteux - wenn mr's Wiki-Prinzip bédenkt (de „Lieblingsàntwort vum Holder“) - àwwr ich muess sàje, 's war mr e grossi Hilf! Ich bén so schun ziimli unschlüssi, wàs-i màche sott, wàs ze schriwwe ésch un wo! (Bi de Hàse, àn weli Stelle...) Denn noch éwwr so àndri Sàche dr Kopf zrbrache... Wann's Dr ken grossi Miehj ésch - Dü hàsch do e bissele meh Routine.--Stephele (Diskussion) 22:58, 6. Nov. 2013 (MEZ)Beantworten
Awwr, nàdirli: Wenn's hit schun ze spot ésch un Dü hàsch's én dr Zit jetz no nit gemàcht, pressiir Di nit! Morje àm Daa làngt's öi noch... - No schriwwi zeerscht emol.--Stephele (Diskussion) 23:02, 6. Nov. 2013 (MEZ)Beantworten
Geht diss iwwrhaapt uff d'Allmend, mét där Lizenz? Geht diss nit numme én Wikipedie?--Stephele (Diskussion) 23:51, 6. Nov. 2013 (MEZ)Beantworten
P.S.: Mét'm Ziwwelkuech un Neir geht's gued, mèrci! ;-) Un Dü? Gued's Nächtle!
Merci, 's geht. Ìch hà jetz a Kleinigkeit gschrìewa. Hoffentlig wara's d Frànzosa nìt glich üsläscha! ;-) --MireilleLibmann (Diskussion) 23:57, 6. Nov. 2013 (MEZ)Beantworten
Süüpper!! Mèrci viilmols, Mireille! Ich hàb öi jetz (andli) gschàfft - un Din Warik glich vrwendt! Dert wurd's öi sichr nit gelescht. Awwr ich bén mr nit gànz sichr mét minem Frànzeesch - c'était „un peu au pif“ un ich bén meed...--Stephele (Diskussion) 00:34, 7. Nov. 2013 (MEZ)Beantworten
Àlso, 's ésch bi Dér noch nix ewaggschàfft wore. 'S ésch nàdirli e Probleem mét so pràktisch dàjsaktüelli Informatione ém-e Enzyklopädiàrtikel. Àm End vum Monet mün mr's selbsch uemstelle, uemformuliire. Àwwr villicht bliibt sogàr 's Béld - àss e Illustration ésch's nit letz, 's kànn gehn! Bi de Frànkophone ésch's öi nit so streng patrouilliirt, do hàn mr villicht Glick, ass's so bliibt, bis dr Monet eruem ésch. Uff de ditschi WP muesst mr do schun e bsundrs Eckle fénde, wo pràktisch niemes interessiirt, ass mr mét so ebs durichkummt!
Bi mir hàn mr schun gescht frieh de erscht Gratulàtion - de Ji-Elle, 's erscht mol feedback àm Portail:Alsace--Stephele (Diskussion) 16:55, 8. Nov. 2013 (MEZ)Beantworten
Uff àlli Fäll: noch emol mèrci mèrci mèrci mèrci fr's Uffalàda!! (Ich brüch Dich nit imitiire, ich kenn z.B. öi Lit üss Geishüüse ;-) ) Mr siiht's jo: ich bén so schun nit schnell! Wenn-i hette's Nufflàde öi noch üssprowiere-ekschperimentiire muen - oyé...!--Stephele (Diskussion) 11:36, 9. Nov. 2013 (MEZ)Beantworten
Zurück zur Projektseite „10 Johr Alemannischi Wikipedia“.