Baanhof Seebrugg

i7i12i13i15i15i16i17

Seebrugg
EG vum Bhf. Seebrugg
EG vum Bhf. Seebrugg
Daate
Kategorii	6
Perron	1
Abchürzig	RSEE
Eröffnig	1. Dezember 1926
Laag
Gmeind	Schluchsee
Ort	Seebrugg
Land	Baden-Württemberg
Staat	Deutschland
Koordinate	47° 48′ 4″ N, 8° 11′ 46″ O47.801028.196123
Höchi	932 m ü. NN
Iisebahnstreckene
Dreiseèbaan (km 19,177)
Bahnhööf z Bade-Würtebärg

Dè Baanhof Seebrugg isch dè Ändbaanhof vo dè Dreiseèbaan un isch nõch èm Wyler Seebrugg dauft. Dõmit lyt dè Baanhof wiè dè Wyler au am Oschtzipfel vum Schluchsee. Dèsèll Baanhof ghört zuè dè Baanhofskategory 6. Well d Dreiseèbaan è Stichbaan isch un dè Bhf. Seebrugg d Ändschtation dèzuè, isch sèbbè Baanhof èn Sackbaanhof. Us Blatzgründ hèt mò d Abschtellgleis un s Depot nit im Gleisvorfäld, sondern im Aaschluss a dè Huusbaanschteig, also im Gleishinterfäld, aaglait.

Gschichtè

Bauzit

Dè Huusbaanschteig z Seebrugg mit ènèm Eilzug im Johr 1992

Dè Baanhof Seebrugg isch am 1. Dezèmbèr 1926 als provisorischè Ändbaanhof vo dè Dreiseèbaan in Bedryb gnõ worrè. Als eigèntliche Ändbaanhof vo dè Dreiseèbaan isch dè Baanhof vo Sankt Bläsy im Obberè Albdal vorgsää gsi, wo s EG un dè Güèterschuppè au schu baut worrè isch. Sèlli Ändschtation isch us bolitischè Gründ vorgsää gsi, well St. Bläsy dörtzmòl diè einzigschte baddischi Amtsschtadt gsi isch, wo no kain Baanaaschluss ghaa hèt. Sèlli Witterfüürung vum Oschtzipfel vum Schluchsee übber s Obbere Schwarzadal un dè Hüsermer Sattel i s Albdal hät abber zwei Dunnel bruucht, wo mò sich us finanzièllè Gründ nǜmmi leischtè hèt chönnè. Mit sèllèm Bauschtop isch abber nit nu dè Baanhof vo St. Bläsy sinnlos ummè gschtandè, sondern dè blaante Durchgangsbaanhof z Seebrugg isch in Frõg gschtandè. Als Ändbaanhof qualifizyrt hèt sich s Brovinzbaanhöfle im düèfschte Schwarzwald abber mit èm Bau vo dè Staumuèr am Obberbeggi vo dè Schluchseewärch vo 1929-1931, well s Bauwärch èn Huufè Matrialdranspört erforderlich gmacht hèt. Ergo hèt mò im Johr 1926 s Baanhöfle gegèübber vo dè (blaante) Staumuèr-Bauschtell baut un d Strèggi vom Ewigkeitsbäänle brovisorisch bis zuè dè Bauschtell volängerèt. Provisorisch isch denn au dè Abschluss vo dè Dreiseèbaan worrè, well s EG vom Seebrugger Baanhof an èm ängè Uferschtreifè vum Schluchsee, ychlèmmt zwǜschè m B 500 - Uferdamm un èm Staubeggi baut worrè isch. Intressant a sèllèm Blatz isch au, dass bim Bau vom Baanhof 1926 s Stauzyl vum Stausee no längscht nit erreicht worrè isch, dè Baublaan abber d Höchi vo 932 m NHN vorgsää hèt, wa zwei (!) Meter übber m Stauzyl vum gschtautè Schluchsee vo 930 m NHN lyt. Um Blatz für s Depot un d Abschtellgleis z haa, hèt mò dè Chopf vo dè Strèggi öschtlich vum EG aalègè müèsè. D Abschtellgleis sin in Form von èrè Gleisharfè aaglait worrè, wa normalerwys nu bi Rangyrbaanhööf asè gmacht wörd.

Personèvokeer

IR „Höllèdal“ uff èm Seedamm churz vor dè Yfaart in Seebrugger Baanhof

Mit dè Yschtellung vum InterRegio-Zugpärle Höllèdal am 14. Dezèmbèr 2002,, wo d Zuggarnitur übber Nacht z Seebrugg i dè Gleisharfè im Gleishinterfäld abgschtellt worrè isch, hèt d Ändstation bedryblich stark a Bedütung volorè, well d DB Regio Südbaddè im Personèvokeer sit dèm konsequent Wendezug-Garniturè uff dè Dreiseèbaan ysetzt. Sèlli Wendezug-Garniturè übbernachtet abber im Bw Fryburg, sèllèwäg hèt s d Abschtellgleis z Seebrugg sit 2002 nǜmmi bruucht.

Im Johr 2016 isch dè Personèbaanhof zämmè mit dè andrè Baanhööf vo dè Dreiseèbaan umfangrych sanyrt worrè, woby unter andrèm d Höchi vom Baanschteig uff 55 cm feschtglait un uff 140 m vochürzt worrè.

Güètervokeer

Rothuus-Küèlwagè

Dè Bhf. Seebrugg isch früèner Umschlagpungt für dè Güètervokeer vo dè Baddischè Staatsbrauerei Rothuus gsi, wo öppè füüf Kilometer witter wèg obberhalb vum Mettmadal lyt. Sit 1976 isch sèllè Güètervokeer uff d Strõß volait worrè. Als Reminiszenz un als Reklame sin sit dèm zwei Byrküèlwägè mit Rothuus-Logo uff ènèm Gleisstüggle am Chopf vo dè Gleisharfè , also bi dè Strõßèabzwygung vo dè Rothuuser-Landschtrõß vo dè B 500 gschtandè. Im Johr 2012 hèt d IG 3-Seèbaan d Wägè widder uff è aagschlossenes Gleis gschtellt.

Witterhy hèt dèsèll Baanhof früèner als Voladeschtell für Holz sowiè für Uranärz us dè Ärzgruèb Krunkelbach z Menzèschwand diènt.

Infraschtruktur

Dè Baanhof hèt è Gleis am Huusbaanschteig, wo als Gleis 1 bezeichnèt wörd, bedryblich abber d Nummer 6 hèt. Sèll isch è Bsunderheit vum Funkleitbedryb. Zwüschè Gleis 6 un dè sich aaschlièßendè Gleisaalaagè git s è Gleisschpèrri un è Deckungssignaal. Sèlli Gleisschpèrri hèt è Schlüsselabhängigkeit zum Deckungssignaal un cha zum Rangyrè mit Erlaubnis vum Zugleiter im Wyyre-Baanhof abgnõ wörrè.

S EG isch witgehend im Originalzuèschtand erhaaltè. Im Ärdgschoss i dè Mitti lyt dè Wartesaal mit Uusgäng uff d Schtrõßè- un d Gleissitè. D Wänd vum Wartesaal sin nò mit èm Däfer vosää. D Gepäckabfèrtigung un dè Faarchartèschalter sin nǜmmi vorhandè. D Baanhofsbeiz git s zwar nò, wörd abber nǜmmi bedribbè. Im Obbergeschoss git s drei Personalwohnungè. Im ehemòligè Güèterschuppè, wo sich öschtlich a s EG aaschlièßt, isch hüt è Tauchbasis für s Tauchè im Schluchsee unterbrocht.

Am Rand vo dè Gleisharfè lyt dè aalte Güèterbaanhof, wo übber è Chopf- un Sitèrampè, è Gleiswòòg un è Lademaaß vofüègt. Z mitts am Aafang vo dè Gleisharfè stòt èn Wasserkran. È Untersuèchigsgruèb hèt s au gää, isch abber im Vorfäld vo dè Sanyrung vo dè Gleisharfè uusbaut worrè. Am südöschtlichè Rand vo dè Gleisharfe stòt zuèdèm èn Lokschuppè.

D Gleis vo dè Harfè sin mitsamt èm Depotgleis urschprünglich vollschtändig mit Obberleitung vosää gsi. Sèlli Obberleitung übber dè Gleisharfè isch abber im Johr 2008 ab èm Deckungssignaal bis zum Gleisänd abbaut worrè. Allerdings stön d Vyrkantmaschtè vo dè Querdragwärch bis hüt (Stand: Septembèr 2020) nò.

• 
  S Deckungssignaal am Übbergang vum Gleis 6 uff d Gleisharfè, bis Dez. 2020 s einzig Signaal im Bhf. Seebrugg
• 
  D Gleisaalaagè vum Güèterbaanhof. D Gleisnummèrè sin vo links nõch rächts 1–5 un 7–8
• 
  D Gleiswòòg isch nò im unsanyrtè Zuèschtand abglichtet
• 
  Dè Wasserkran, wo im Johr 2010 widder uffbaut worrè isch
• 
  D Strõßèsitè vum Güèterschopf
• 
  Wartezeichè für Rangyrfaartè i dè Personèbaanhof iè. Links d Rampè vum Güèterschuppè

Bedryb

Èn Doppelstockzug vo dè DB Regio Südbaddè z Seebrugg

Dè Bhf. Seebrugg isch im Stundètagt vo 1994 bis im Dezèmber 2019 vo dè Regionalbaanè vo dè DB Regio AG uff dè Linniè Fryburg (Briisgau)−Titisee−Seebrugg bediènt worrè. Sèlli Züüg hèn us Doppelstockwägè vom Wagètǜ DAB (1./2. Klass) bzw. DB (2. Klass) sowiè eim Stüèrwagè vum Tǜp DABbufza bschtandè. Im Ysatz gsi sin sèlli DoSto-Garniturè nõch dè Gründung vo dè Dütsche Baan AG im Johr 1994, well ab dört s DoSto-Rollmatriaal us dè Bschtänd vo dè DDR-Rychsbaan (DR) au im Schwarzwald i dè komplètt sanyrtè Variantè hèt chönnè ygsetzt wörrè. Stilächt dèzuè basst hèt d Zuglok vo dè DB-Baureiè 143, wo èbbèso us DR-Beschtänd (ex DR-Baureiè 243) übbernõ worrè isch. Im Dezèmbèr 2016 hèt d Könnigin vo dè DR-Elloks abdankt un isch durch d DB-Baureiè 146 abglöst worrè, woby d DoSto-Garniturè no bis 2019 bis uff Seebrugg uè chò sin. È Bsunderheit i sèllèrè Zyt isch bis zum Johr 2002 dè IR Höllèdal gsi, wo vo vum Norddütschè bis zum Bhf. Seebrugg uègfaarè isch. Sèlli Züüg hèn innerhalb vum Stundètagt èn turnusmässigè Regionalzug ersetzt.

Sit sèllèm Dezèmbèr 2019 isch dè Bhf. Seebrugg Bschtanddeil vo dèBriisgau-Baan 2020 und isch dè öschtliche Ändpungt vo dè Linniè S1. Bediènt wörd Seebrugg immer nò im Stundètagt mit Dyrbwagè-Garniturè vo dè DB-Baureiè 1440. D 1440er sin abber schu è halbs Johr dèvor uusprobyrt worrè un im März 2019 zum erschtè Mòl z Seebruug ufftaucht.

Seebrugg isch ußerdèm Uusgangspungt von è baar Regionalbuslinniè vo dè SBG, wo nõch im ewigè SEV gu St. Bläsy sowiè uff Neuschtadt sowiè Waldshuèt abbè faarèd.

Umwandlig zum Museumsbaanhof

Dè Dampfsonderzug macht sich barat bi dè Uusfaart us dè Gleisharfè

Luèg au bi : IG 3-Seèbaan

Im Johr 2008 wärs dè Gleisharfè un im ehemòligè Güèterbaanhof vo Seebrugg fascht an Kragè gangè. Um sèbb einmòlige Ensemble z rettè, isch im sèlbè Johr d Inträssègmeinschaft 3-Seèbaan e. V. gründèt worrè. D IG 3-Seèbaan hèt dè Abriss chönnè vohindèrè un schlièßlich 2014 d Gleis vollschtändig sanyrè. D Obberleitig hèt abber, abgsää vo dè Turmmaschtè, schu s Zitliche gsegnèt cha, un isch bis hüt nit widder gschpannt worrè. D Bsunderheit bis hüt (Stand: Januar 2021) isch, dass es Gleis 6 bis zum Deckungssignaal für dè reguläre Faarbedryb mit Wendezüüg bruucht wörd, wa bim Umsetzè un Rangyrè è ständigi Abschprõch mit èm FdL vo dè Dreiseèbaan nötig macht. S ganze Gländ söll zuè nèm Freilichtmuseum uusbaut wörrè un (s Ändschtugg) von èm tǜpischè Ändbaanhof von èrè Näbbèbaan i dè Zyt vo 1945 bis 1960 repräsentyrè. S Hauptaugèmèrk dõdeby lyt uff dè Nõchbildig vum Güètervokeer bzw. Güèterumschlag. Dè Vorein füürt ußerdèm vo Seebrugg uus regelmäßigi Sonderfaartè mit historischè Dampfzüg durrè.

Mediègallery

• Breuer Lokomotor im Bw Seebrugg
• Köf II Baanhofsfäscht Seebrugg

Literadur

• 1985, Diversi Vofasser: 140 Jahre Eisenbahn in Freiburg. Höllentalbahn – Dreiseenbahn. Kameradschaftswerk Lokpersonal bim Bedrybswärch Fryburg
• 2015, Gerhard Greß: Die Höllentalbahn und Dreiseenbahn. VGB Verlagsgruppe Bahn, Fürstenfeldbruck

Weblinggs

 Commons: Bahnhof Seebrugg – Sammlig vo Multimediadateie

• Historie und Informationen über die Dreiseenbahn uff horst-jeschke.de
• Museumsbahnhof Seebrugg uff dè Websitè vo dè IG 3-Seenbahn e.V.
• Dreiseèbaan Titisee - Seebrugg ("Ewigkeitslinniè") uff suedbadenbahn.de
• Fahrplan Kursbuchstrecke 727 (dort als PDF wählbar)

Einzelnõchwys

Dä Artikel basiert uff ere fräie Übersetzig vum Artikel „Bahnhof_Seebrugg“ vu de dütsche Wikipedia. E Liste vu de Autore un Versione isch do z finde.