Boll

Gmeind im Kanton Freiburg

Bulle

Bulle
Wappe vo Bulle
Wappe vo Bulle
Basisdate
Staat: Schwiiz
Kanton: Friburg (FR)
Bezirk: Greyerzw
BFS-Nr.: 2125i1f3f4
Poschtleitzahl: 1630 Bulle
1635 La Tour-de-Trême
UN/LOCODE: CH BUL
Koordinate: 570848 / 162987Koordinate: 46° 37′ 3″ N, 7° 3′ 29″ O; CH1903: 570848 / 162987
Höchi: 771 m ü. M.
Flächi: 23.84 km²
Iiwohner: i25'070 (31. Dezämber 2021)[1]
Website: www.bulle.ch
Bulle
Bulle

Bulle

Charte
Charte vo BulleGreyerzerseeGämferseeLac de l’HongrinLac de MontsalvensLac du VernexSchwarzseeKanton BärnKanton WaadtKanton WaadtKanton WaadtBroyebezirkBroyebezirkBroyebezirkGlanebezirkSensebezirkSaanebezirkVivisbachbezirkBas-IntyamonBotterensBroc FRBulle FRChâtel-sur-MontsalvensCorbières FRCrésuzEcharlensEcharlensGrandvillardGreyerz FRHauteville FRHaut-IntyamonJaunLa Roche FRLe Pâquier FRMarsensMorlonPont-en-OgozPont-la-Ville FRRiazSâlesSorensVal-de-CharmeyVaulruzVuadens
Charte vo Bulle
w

Boll (uf französisch un offiziell: Bulle [byl]; im Friburger Patois Bulo Frp-greverin-Bulo2.ogg [ˈbylo]; im benoochbarte joutütsch Boù Gsw-joutütsch-Boù.ogg [b̥oʊ̯]) isch e politeschi Gmeind und e Stadt im Kanton Friburg.

Dr dütsch Name «Boll» wird hüt nur no sälte bruucht.

Geografii ändere

Boll liit uf ere wyte Ebeni im Greyerzerland. Im Süde sind d Hügel vom Bärgmassiiv vom Moléson. Im Oschte chunt dr Gmeindbann vo Boll bis a d Saane.

D Nochbergemeinde von Boll sind Riaz, Echarlens, Morlon, Broc, Greyerz, Le Pâquier und Vuadens.

Gschicht ändere

Boll isch im ene Dokumänt vom Joor 852 s erschte Mool erwäänt mid dr Schrybwys Butulo. Dr Bischof vo Losann het im früene Middelalter d Chile vom Sankt Eusebius gstiftet, wo d Muetterchile vom Greyerzerland gsi isch.

Im 12. Joorhundert isch es zwüschem Bischof und de Grafe vo Greyerz, wo bi yrere Burg s Stedtli Greyerz gründet hend, zum ene Striit um d Herrschaft i der Regioon cho.

Öpe um 1230 het dr Bischof d Ortschaft Boll mid ere Stadtmuur lo befeschtige, und er het die Stadt zum wirtschaftleche Zäntrum uf sym Land nördlech vom Moléson gmacht. Die adlegi Familie vo Boll isch im Dienscht vom Bischof gstande.

Wo d Bärner ane 1536 s savojische Waadtland und dermit au grad d Länder vom Bischof vo Losann eroberet hend, het sech Boll dr Stadt Friburg aagschlosse, wo druus sofort e Landvogtei gmacht het. Sid 1798 isch Boll dr Houptort vom Bezirk Bulle gsi, wo ane 1848 em Bezirk Greyerz zuedeilt worden isch.

Ane 2006 isch die ehemoligi Gmeind La Tour-de-Trême z Boll ygmeindet worde.

Yywoner ändere

Quela: Bundesamt für Statistik 2005[2]

Jaar 1850 1860 1870 1880 1888 1900 1910 1920
Yywoner 2426 2741 2907 3227 3655 4393 5260 6053
Jaar 1930 1941 1950 1960 1970 1980 1990 2000
Yywoner 5630 6141 6901 7770 10031 10001 11986 14452

De Uusländeraateel isch 2010 bi 32,3 % gläge.[3]

Religion ändere

76,2 % va de Yywoner si im Jaar 2000 römisch-katholisch gsii, 6,7 % evangelisch-reformiert.[3]

Spraach und Tialäkt ändere

Bi de Vouchszelig 2000 hii va de 14452 Yywoner 85,5 % Franzöösisch aus Hùùptspraach aaggää, 3 % Tüütsch ù 11,5 % anderi Spraache.[3]

De aut frankoprovenzalisch Patois hii im Jaar 2000 na iigene Aagabe na 305 va de 14452 Yywohner ggredt.

Architektur und anderi Sache zum aaluege ändere

  • s Schloss
  • d Altstadt
  • s Roothuus
  • dr Burgdurm z La Tour-de-Trême
  • s Grand-Hotel Moderne
  • s Café des Halles
  • s Café Le Fribourgeois mid em wärtvolle und sältene Orchestrion La Solea vo 1913
  • s Hotäll Drü Chroone (Les Trois Couronnes)
  • d Pfarrchile
  • d Chile Notre-Dame-de-Compassion
  • d Sankt Peters-Chile
  • d Sankt Josefs-Chile z La Tour-de-Trême
  • s Greyerzer Museeum
  • dr Musiggpavillon
  • s Chapuzinerchloschter
  • s Dänkmol vom Joseph Bovet
  • dr Uuredurm ufem Hotel Wysses Rössli (Cheval Blanc)

Weblink ändere

  Commons: Bulle – Sammlig vo Multimediadateie

Fuessnoote ändere

  1. Ständige Wohnbevölkerung nach Staatsangehörigkeitskategorie, Geschlecht und Gemeinde, definitive Jahresergebnisse, 2021. Bei späteren Gemeindefusionen Einwohnerzahlen aufgrund Stand 2021 zusammengefasst. Abruf am 13. März 2023
  2. Bundesamt für Statistik: Eidgenössische Volkszählung 2000: Bevölkerungsentwicklung der Gemeinden 1850–2000. Bern 2005 (Online uf bfs.admin.ch (Site cha nüme abgrüeft wärde; Suche im Webarchiv)[1] [2] Vorlage:Toter Link/www.bfs.admin.ch, Date im Aahang (Site cha nüme abgrüeft wärde; Suche im Webarchiv)[3] [4] Vorlage:Toter Link/www.bfs.admin.ch)
  3. 3,0 3,1 3,2 Bundesamt für Statistik: Regionalporträts 2012: Kennzahlen aller Gemeinden (Site cha nüme abgrüeft wärde; Suche im Webarchiv)[5] [6] Vorlage:Toter Link/www.bfs.admin.ch, Mai 2012