Cristina Spoerri

D Cristina Spoerri (* 4. Juuli 1929 z Tenero; † 1. Oktoober 2013 z Riinech) isch e Schwyzer Chinschtleri gsii.

Friidhoof Fiechten, Riinech

SRF, Raadiostudio Bruederholz

Lääbe un Wäärch

D Spoerri isch as Doochter vum Mooler un Textiilfaarbeexpert Emil Sprenger (1883–1966) z Ascona ufgwagse. 1949 isch si z Lugano Schueleri vum Brofässer Heuselmann gsii, un 1951/1952 het si an dr Chunschtgwäärbeschuel Züri studiert, u. a. bim Otto Morach un bim Johannes Itten. Ab 1952 het si in irem aigene Atelier z Züri gschafft. 1953 het si iri eerscht Uusstellig mit dr Chinschtlergruppe Réveil im Chunschthuus Züri ghaa.

Anne 1957 het si dr Architäkt Bernhard Spoerri ghyroote un het ab 1960 z Riinech gwoont. Si het e Atelier in dr Ateliergnosseschaft Baasel in dr Kasärne Baasel ufgmacht. 1964 isch si Mitgliid vu dr Gsellschaft vu Schwyzerische Moolerne, Bildhauerne un Chunschtgwäärblerne (GSBK). 1976 isch si as Aktiivmitglioid dr Gsellschaft vu Schwyzerische Mooler un Bildhauer (GSMBA) byydrätte.

Uusstellige, wu d Spoerri derby gsii isch, het s im Chunschtmuseum Bärn, em Chunschtmuseum Lozärn, im Chunschthuus Glaris, im Helmhuus Züri, im Musée Rath, Gämf, un in dr Chunschthallte Baasel. Au in verschiidene Galerie het d Spoerri iri Wäärch chenne uusstelle.

Anne 2008 isch di gmainnitzig Cristina Spoerri-Stiftig grindet woore. E Mitgliid vum Stiftigsroot isch d Sabine Schaschl. D Stiftig het dr Zwäck, s Lääbeswäärch vu dr Stifteri Cristina Spoerri z erhalte un z vereffetlige. En ander Zyyl isch di finanziäll Unterstitzig vu Noowugschinschtler*ne mit eme aimoolige Stipändium. Die solle vor allem in dr Kanton Baaselland ode Baasel-Stadt woone oder schaffe.

Bryys un Eereige

• 1964: Aidgnessisch Chunschtstipändium
• 1966: Uuszaichnig «Europa-Bryys fr Moolderei», Ostende
• 1994: Chunschtbryys fir Bildendi Chunscht vum Kanton Baaselland
• 1985: Chunschtbryys vu dr Baasler Zytig
• 2001: Chlaibaasler Chunschtbryys
• 2004: Riinecher Kulturbryys fir kulturäll Schaffe

Weblink

 Commons: Cristina Spoerri – Sammlig vo Multimediadateie

• Spoerri, Cristina. In: Sikart (Lexikon un Datebank zue dr Chunscht in dr Schwyz un im Firschtetum Liechtestei).
• Cristina Spoerri-Stiftig
• Cristina Spoerri bi Galerie Graf & Schelble
• Cristina Spoerri. In: Schweizer Kunst. Nr. 1, Juli 1973, doi:10.5169/seals-625687#220, S. 7
• Exposition de l’artiste suisse Cristina Spoerri du 15 mai au 25 juillet 2012 (Uusstellig z Waldighoffe, Elsass)

Fueßnote

Dä Artikel basiert uff ere fräie Übersetzig vu dere Version vum Artikel „Cristina_Spoerri“ vu de dütsche Wikipedia. E Liste vu de Autore un Versione isch do z finde.